کراچی: محکمہ تعلیم سندھ نے نجی اسکولوں کی رجسٹریشن اور فیس اسٹرکچر کو آن لائن کر دیا۔ ویب سائٹ کا افتتاح کل ہوگا۔ تفصیلات کے مطابق محکمہ تعلیم سندھ کے ذیلی ادارے ڈائریکٹوریٹ آف انسپکشن اینڈ رجسٹریشن آف پرائیویٹ انسٹی ٹیوٹ نے نجی اسکولوں کی رجسٹریشن آن لائن کر دی، نجی اسکول مالکان ویب سائٹ Dirprivateschools.gos.pk پر آن لائن فارم بھر کر رجسٹریشن کراسکتے ہیں۔آن لائن رجسٹریشن فارم جمع کرانے کے بعد سلپ کے ساتھ سرکاری فیس محکمہ تعلیم کے بینک اکاؤنٹ میں جمع ہوگی۔ وزیر تعلیم سندھ سردار شاہ 15 جولائی کو سندھ بوائز آڈیٹوریم میں اس ویب سائٹ کا افتتاح کریں گے۔

رجسٹرار ڈائریکٹوریٹ آف انسپکشن اینڈ رجسٹریشن آف پرائیویٹ انسٹی ٹیوٹ رفیعہ جاوید کاکہنا ہے کہ وزیر تعلیم اور سیکریٹری اسکول ایجوکیشن کی کاوشوں کا نتیجہ ہے کہ رجسٹریشن اورفیس اسٹرکچر نظام کو آن لائن کردیا گیا۔ سندھ واحد صوبہ ہے جہاں اسکولوں کی رجسٹریشن، رینوئل ، ڈیٹ آف برتھ فارم سمیت تمام چیزیں ڈیجیٹل کرکے آن لائن کردی گئی ہیں۔ رفیعہ جاوید نے مزید بتایا کہ نظام کو آن لائن کرنے سے سسٹم میں شفافیت آئے گی، تمام اسکولوں اور بالخصوص والدین کو بھی معلوم ہوگا کہ جس اسکول میں وہ اپنے بچے کو داخل کرارہے ہیں وہ رجسٹرڈ ہے کہ نہیں، اسکول کی فیس کیا ہے اور اسکول کس کس مد میں کون کون سی فیس لینے کا اختیار رکھتا ہے، یہ سب کچھ والدین کے سامنے ہوگا۔انہوں نے کہا کہ نجی اسکولوں کے آن لائن فارم حاصل کرلینے کے بعد ہماری انسپکشن ٹیم فیلڈ میں جائے گی اور جو تفصیلات فارم میں ہونگی انہیں چیک کرے گی۔ اگر تمام چیزیں ہمارے اصولوں کے مطابق ہوئیں تو ان اسکول کو رجسٹریشن دی جائے گی۔

برطانوی اخبار ڈیلی میل نے دعویٰ کیا ہے کہ سابق وزیراعلیٰ پنجاب شہباز شریف کے خاندان نے زلزلہ متاثرین ملنے والی برطانوی امداد میں چوری کی۔

ڈیلی میل کی رپورٹ میں دعویٰ کیا گیا ہے کہ برطانیہ کی غیر ملکی امداد میں پوسٹر بوائے کے طور پر استعمال ہونے والے سابق وزیر اعلیٰ پنجاب شہباز شریف کے خاندان نے زلزلہ متاثرین کے لیے دی جانے والی امداد میں سے چوری کی۔

رپورٹ میں کہا گیا ہے کہ پاکستان کو دی گئی امداد میں شہباز دور میں برطانوی امدادی ادارے نے لگ بھگ 50 کروڑ پاؤنڈ پنجاب کو دیئے۔

رپورٹ کے مطابق پاکستان کے تحقیقاتی ذرائع کا کہنا ہے کہ ایک جانب عالمی ترقیاتی منصوبوں کے لیے امداد دینے والا برطانوی محکمہ DFID سابق وزیراعلیٰ پنجاب پر امدادی رقم کی بارش کرتا رہا تو دوسری جانب ان کا خاندان عوامی فنڈ کے ملین پاونڈز منی لانڈرنگ کے ذریعے برطانیہ منتقل کرتے رہے۔

برطانوی اخبار کی رپورٹ کے مطابق پاکستان کے تحقیقاتی ذرائع کا کہنا ہے کہ انہیں یقین ہے کہ منی لانڈرنگ کے ذریعے برطانیہ منتقل کی جانیوالی رقم میں DFID سے لی گئی امداد کا حصہ شامل ہے۔

دوسری جانب شہباز شریف کے صاحبزادے سلیمان شہباز نے اسے وزیراعظم عمران خان کی سرپرستی میں سیاسی انتقام قرار دیتے ہوئے اپنے اور اپنے خاندان پر لگائے جانے والے تمام الزامات کو مسترد کر دیا ہے۔

ان کا کہنا ہے کہ ان الزامات کو ثابت کرنے کے لئے شواہد موجود نہیں۔

اسلام آباد: وزیراعظم عمران خان نے ریکوڈک کیس میں کمیشن بنانے کی ہدایت کردی۔

ریکوڈک کیس میں پاکستان کو جرمانے کے معاملے پر وزیراعظم عمران خان نے کمیشن بنانے کی ہدایت کردی، کمیشن تحقیقات کرے گا یہ صورتحال کیسے پیدا ہوئی اور پاکستان کو جرمانہ کیوں ہوا، کمیشن ملک کو نقصان پہنچانے والوں کا تعین بھی کرے گا۔ 

واضح رہے انٹرنیشنل سینٹر فارسیٹلمنٹ آف انوسٹمنٹ ڈسپیوٹس نے ریکوڈک کا معاہدہ منسوخ کرنے کی پاداش میں پاکستان پر 4 ارب 10 کروڑ  روپے جرمانہ عائد کیا ہے جس پر ایک ارب 87 کروڑ ڈالر سود بھی ادا کرنا ہوگا۔

انگلینڈ ورلڈکپ فائنل ہارنے کی نحوست ختم کرنے کا خواہاں ہے میزبان ٹیم چوتھی کوشش میں پہلا ٹائٹل حاصل کرنے کا عزم لیے میدان میں اترے گی۔

نیوزی لینڈ مسلسل دوسری بار فیصلہ کن معرکے میں شریک ہوگا، باہمی مقابلوں میں کیویز کو برتری حاصل ہے۔ تفصیلات کے مطابق انگلش ٹیم اپنی تاریخ میں 2 بار کوارٹرفائنلز تک محدود رہی، 2مرتبہ سیمی فائنل میں ہمت ہارگئی، 3بار فائنل تک رسائی پانے میں کامیاب ہوئی لیکن ٹائٹل جیتنے کا خواب پورا نہیں ہوسکا۔

1979 کے میگا ایونٹ میں کلائیو لائیڈکی قیادت میں ویسٹ انڈین ٹیم نے مات دی، 1987 میں ایلن بارڈر کی کپتانی میں کینگروز نے زیر کرلیا، ورلڈکپ 1992 میں عمران خان کی قیادت میں پاکستان نے راستہ روک دیا، اتوار کو انگلینڈ کے سامنے کین ولیمسن الیون کی دیوار ہوگی۔

یاد رہے کہ حالیہ میگا ایونٹ کے لیگ مرحلے میں انگلینڈ نے نیوزی لینڈ کو 119رنز سے ہرایا تھا،میزبان ٹیم نے جونی بیئراسٹو کی سنچری سے تقویت پاکر 8وکٹ پر 305رنز بنائے تھے،کیویز 45اوورز میں 186پر ڈھیر ہوگئے۔ مارٹن گپٹل حالیہ ورلڈکپ میں تو اچھی کارکردگی کا مظاہرہ نہیں کرسکے لیکن ان کا انگلینڈ کیخلاف ریکارڈ اچھا ہے،انھوں نے 9اننگز میں 314رنز بنائے ہیں