Reporter SS
کراچی: کرکٹ ورلڈکپ 2019 سے باہر ہونے کے بعد قومی کرکٹ ٹیم کے کھلاڑی وطن واپس پہنچ گئے۔
قومی کرکٹرز رات گئے الگ الگ پروازوں کے ذریعے لندن سے پاکستان پہنچے جس کے بعد وہ نجی گاڑیوں میں ائیرپورٹ سے اپنے اپنے گھر روانہ ہوگئے۔
کپتان سرفراز احمد اور فاسٹ بولر محمد حسنین کراچی پہنچے جب کہ بابر اعظم، امام الحق اور آصف علی لاہور پہنچ گئے ہیں۔
پی سی بی کی جانب سے ائیرپورٹ پر کھلاڑیوں کا استقبال کرنے کے لیے خصوصی طور پر کوئی موجود نہیں تھا البتہ جناح انٹرنیشنل ائیرپورٹ کراچی میں موجود کچھ افراد نے کپتان سرفراز کے ساتھ سیلفیز لیں۔
اس موقع پر کسی ناخوشگوار واقعے سے نمٹنے کے لیے پولیس نے کھلاڑیوں کو سیکیورٹی حصار میں لیے رکھا تھا۔
ائیرپورٹ پر میڈیا نمائندوں نے سرفراز سے بات چیت کرنے کی کوشش کی لیکن وہ میڈیا سے گفتگو کیے بغیر گھر روانہ ہوگئے تاہم آج دوپہر وہ پریس کانفرنس کریں گے۔
اوپننگ بلے باز فخر زمان، شاہین شاہ آفریدی، شاداب خان اور عماد وسیم بھی اسلام آباد پہنچ گئے ہیں۔
شاداب خان اور عماد وسیم کل راولپنڈی میں صحافیوں سے گفتگو کریں گے۔
فاسٹ بولر محمد عامر، وہاب ریاض، محمد حفیظ اور شعیب ملک فی الحال انگلینڈ میں ہی مزید کچھ روز قیام کریں گے جبکہ ہیڈ کوچ مکی آرتھر جنوبی افریقا جائیں گے۔
لندن: کرکٹ ورلڈ کپ 2019 کی دوڑ سے باہر ہونے کے بعد قومی کرکٹرز کی وطن واپسی کا سلسلہ شروع ہوگیا۔
قومی کرکٹرز وطن واپسی کے لیے لندن کے ہوٹل سے ائیر پورٹ کے لیے روانہ ہوگئے جہاں سے وہ الگ الگ پروازوں کے ذریعے آج شب پاکستان پہنچیں گے۔
کپتان سرفراز احمد اور محمد حسنین کراچی جب کہ بابر اعظم، امام الحق اور آصف علی لاہور کے علامہ اقبال انٹرنیشنل ائیرپورٹ پہنچیں گے۔
اوپننگ بلے باز فخر زمان، شاہین شاہ آفریدی، شاداب خان اور عماد وسیم اسلام آباد پہنچیں گے جب کہ فاسٹ بولر حسن علی اور حارث سہیل بھی وطن واپس آنے والوں میں شامل ہیں۔
فاسٹ بولر محمد عامر، وہاب ریاض، محمد حفیظ اور شعیب ملک فی الحال انگلینڈ میں ہی مزید کچھ روز قیام کریں گے جبکہ ہیڈ کوچ مکی آرتھر جنوبی افریقا جائیں گے۔
۔
اسلام آباد: روسی صدر پیوٹن نے وزیراعظم عمران خان کو روس کے دورے کی دعوت دی ہے۔
زرائع کے مطابق روس کے صدر ولادی میر پیوٹن نے وزیراعظم عمران خان کو ایسٹرن اکنامک فورم میں شرکت کیلئے روس کے دورے کی دعوت دیدی، وزیراعظم نے دورہ روس کی دعوت قبول کرلی۔
ذرائع کے مطابق وزیراعظم عمران خان کے ستمبر میں روس جانے کا امکان ہے جہاں وہ کثیرالملک ایسٹرن اکنامک فورم میں شرکت کریں گے، ایسٹرن اکنامک فورم 4 تا 6 ستمبر کو روسی شہر ولادی ووستوک میں ہوگا۔
لاہور: سرفراز احمد نے نوجوان کرکٹرز کی کارکردگی کو ورلڈکپ کا حاصل قرار دیدیا۔
ورلڈ کپ کے آخری لیگ میچ میں فتح کے بعد گفتگو کرتے ہوئے سرفراز احمد نے کہا کہ شروع میں ٹیم کمبی نیشن موثر نہیں رہا، ہم نے بھارت سے میچ میں ناکامی کے بعد بہتر حکمت عملی سے اچھی کرکٹ کھیلی،تینوں شعبوں میں عمدہ کارکردگی کا مظاہرہ کرتے ہوئے کم بیک کیا لیکن بدقسمتی سے سیمی فائنل کیلیے کوالیفائی نہیں کر سکے، ویسٹ انڈیز کے خلاف میچ میں بھاری مارجن سے شکست مہنگی پڑ گئی۔
انھوں نے کہا کہ بنگلہ دیش سے میچ میں امام الحق، بابر اعظم، شاہین شاہ آفریدی اور شاداب خان نے بہترین کارکردگی کا مظاہرہ کیا، مجموعی طور پر بھی نوجوان کرکٹرز نے ورلڈکپ میں گہرا اثر چھوڑا جو پاکستان کرکٹ کیلیے بڑی خوش آئند چیز ہے۔
بنگلادیشی کپتان مشرفی مرتضیٰ نے کہا کہ ہدف قابل حصول تھا لیکن دیگر بیٹسمین شکیب الحسن کا ساتھ نہیں دے سکے، سینئر آل راؤنڈر نے بیٹنگ، بولنگ اور فیلڈنگ تینوں شعبوں میں بہترین کارکردگی کا مظاہرہ کرتے ہوئے ٹیم کا مورال بلند رکھنے میں اہم کردار ادا کیا۔
انھوں نے کہا کہ مستفیض الرحمان کی فارم بھی بنگلادیشی کرکٹ کیلیے نیک شگون ہے، ہمیں فیلڈنگ میں اپنے مسائل کا حل تلاش کرنا ہوگا۔
لیڈز:ورلڈکپ کے 44ویں میچ میں سری لنکا کی بھارت کے خلاف بیٹنگ جاری ہے۔
لیڈز میں کھیلے جارہے میگا ایونٹ کے 44ویں میچ کا ٹاس سری لنکن کپتان نے جیت کر بھارت کے خلاف پہلے خود بیٹنگ کرنے کا فیصلہ کیا ہے۔
بھارتی ٹیم میں محمد شامی کی جگہ رویندرا جدیجا اور یزویندر چاہل کی جگہ کلدیب یادیو کو شامل کیا گیا ہے۔
ڈربن: انڈر19 کرکٹ سیریز کے چھٹے ون ڈے میں روحیل اور باسط کی عمدہ پرفارمنس کی بدولت پاکستان نے جنوبی افریقہ کو 60رنز سے ہراکر ناقابل شکست رہنے کا اعزاز برقرار رکھا۔
گرین شرٹس نے مقررہ 50 اوورز میں تمام وکٹیں کھوکر282 رنز بنائے، کپتان روحیل نذیر74 اور محمد باسط علی73 رنز بنانے میں کامیاب رہے، عرفان نیازی نے 46 رنز پر پویلین کی راہ لی، گیرالڈ کوئٹزی نے4 وکٹیں لیں۔
حریف سائیڈ 46 اوورز میں 222رنز پر ہمت ہارگئی، جوناتھن برڈ نے 112 رنز بنائے، عامرعلی، محمد عامر، شیراز خان اور عباس آفریدی نے 2،2 کھلاڑیوں کو پویلین بھیجا۔