Reporter SS
پشاور: خیبر پختونخوا میں پولیو کے 5نئے کیسز سامنے آگئے،محکمہءصحت کے مطابق ضلع بنوں میں 3اور تورغرمیں 2بچوں میں پولیو وائرس کی تصدیق ہوئی ہے ،
محکمہءصحت کے مطابق متاثرہ بچوں کو حفاظتی ٹیکے نہیں لگائے گئے خیبر پختونخوا میں رواں سال پولیو کیسز کی تعداد 31 ہوگئی ہے۔
ڈرہم: میزبان انگلینڈ نے انتہائی اہم میچ میں نیوزی لینڈ کے خلاف ٹاس جیت کر بیٹنگ کا فیصلہ کیا ہے۔
ورلڈکپ کے سیمی فائنل مرحلے کے لیے آسٹریلیا اور بھارت کی ٹیمیں کوالیفائی کرچکی ہے اور مزید 2 ٹیموں کو سیمی فائنل میں جگہ بنانی ہے۔
ڈرہم کے ریور سائڈ گراؤنڈ میں میزبان انگلش ٹیم کے کپتان اوئن مورگن نے ٹاس جیت کر پہلے بیٹنگ کا فیصلہ کیا ہے۔
دونوں ٹیموں کے درمیان کھیلے جانے والے میچ کی فاتح ٹیم سیمی فائنل کے لیے کوالیفائی کر جائے گی۔
گزشتہ 5 ورلڈکپ مقابلوں میں دونوں ٹیمیں 5 بار مدمقابل آئیں اور پانچوں مرتبہ نیوزی لینڈ نے انگلینڈ کو شکست دی۔
انگلینڈ اور نیوزی لینڈ دونوں ہی ٹیموں کو شکست کی صورت میں سیمی فائنل میں پہنچنے کے لیے پاکستان کے میچ پر انحصار کرنا ہوگا جب کہ لازمی فتح کے علاوہ پاکستان کا فائنل فور میں جانے کا دار و مدار نیوزی لینڈ اور انگلینڈ کے درمیان ہونے والے میچ پر بھی ہے۔
ڈرہم: کرکٹ ورلڈ کپ میں میزبان انگلینڈ کی ٹیم اپنا اہم ترین گروپ میچ آج نیوزی لینڈ کے خلاف کھیلے گی اور میچ کی فاتح ٹیم سیمی فائنل کے لیے کوالیفائی کر جائے گی۔
ورلڈکپ کے سیمی فائنل مرحلے کے لیے آسٹریلیا اور بھارت کی ٹیمیں کوالیفائی کرچکی ہے اور مزید 2 ٹیموں کو سیمی فائنل میں جگہ بنانی ہے۔
ڈرہم کے ریور سائڈ گراؤنڈ میں میزبان انگلینڈ اور نیوزی لینڈ کے درمیان کھیلے جانے والے میچ کی فاتح ٹیم سیمی فائنل کے لیے کوالیفائی کرنے والی تیسری ٹیم ہوگی۔
انگلینڈ اور نیوزی لینڈ دونوں ہی ٹیموں کو شکست کی صورت میں سیمی فائنل میں پہنچنے کے لیے پاکستان کے میچ پر انحصار کرنا ہوگا جب کہ لازمی فتح کے علاوہ پاکستان کا فائنل فور میں جانے کا دار و مدار نیوزی لینڈ اور انگلینڈ کے درمیان ہونے والے میچ پر بھی ہے۔
پیٹرزمرٹزبرگ / جنوبی افریقہ: دورہ جنوبی افریقہ میں پاکستان انڈر19 ٹیم کی فتوحات کا سلسلہ جاری رہا۔
پاکستان نے میزبان کو سیریز کے پانچویں ون ڈے میں116 رنز سے شکست دے کر برتری کو5-0 کرلیا، گرین شرٹس نے8 وکٹ پر300 رنز بنائز، مین آف دی میچ عرفان نیازی نے 122 کی اننگز کھیلی، کپتان روحیل نذیرنے52 جبکہ اوپنرحیدرعلی اور فہد منیر نے یکساں طور پر 25،25 رنز بنائے، حارث خان 22 رنز بناکر میدان بدر ہوئے۔
دوسری جانب لیفااینٹینزی اور سیا پلیٹجی نے 2،2 وکٹیں لیں، ناکام سائیڈ 36.4 اوورز میں 184رنز پر ڈھیر ہوگئی، جوناتھن برڈ نے100رنز کی مزاحمتی اننگز کھیلی، نسیم شاہ نے 3 جبکہ محمد وسیم، عامرعلی اور صائم ایوب نے 2،2 کھلاڑیوں کو آئوٹ کیا۔
اسلام آباد: ایمنسٹی اسکیم کا آج آخری دن ہے اور رات 12 بجے کے بعد بے نامی داروں کے خلاف کارروائی شروع کردی جائے گی۔
حکومت کی جانب سے 31 جون کو ایمسنٹی اسکیم کی مدت ختم ہونے پر مزید 3 دن کی توسیع کی گئی تھی تاہم ایمنسٹی اسکیم کا آج آخری دن ہے۔ ایف بی آر کے مطابق ایسیٹ ڈیکلریشن اسکیم کا آج آخری دن ہے، تمام ہدایات جاری کر دی گئی ہیں اور انتظامات مکمل کر لیے گئے ہیں، رات 12 بجے کے بعد سے بے نامی داروں کے خلاف کارروائی شروع کردی جائے گی۔
زرائع ایف بی آر کے مطابق ایمنسٹی اسکیم سے فائدہ اٹھانے والوں کی تعداد 93ہزارسے تجاوز کر گئی ہے جب کہ ایف بی آر کو ایمنسٹی سے مجموعی طور پر45 ارب روپے کا عبوری اضافی ریونیو حاصل ہوا، ایمنسٹی اسکیم میں دولت اور اثاثے ظاہر کرنے کے ساتھ ٹیکس جمع کروانا لازمی نہیں ہے، اثاثے ظاہر کرکے پورے سال کے دوران ٹیکس جمع کروایا جاسکتا ہے۔
برسبین/پرتھ : سمندروں میں اندھا دھند پھینکا جانے والا پلاسٹک ہر طرح کی پالتو مچھلیوں سے لے کر وھیل تک کو یکساں طور پر تباہ کررہا ہے اور اب ایک مطالعے سے یہ بات سامنے آئی ہے کہ آسٹریلیا کے سمندروں میں پائے جانے والے جتنے مردہ کچھوے کے بچے ملے ہیں ان کی نصف تعداد پلاسٹک سے ہلاک ہوئی ہے اور بعض کے پیٹ میں پلاسٹک کا کچرا بھرا ہوا تھا۔
اسلام آباد:
ملک بھر میں آج سے ریڑھی لگانے سے لے کر ہر قسم کے کاروبار کے لیے رجسٹریشن لازمی قرار دیدی گئی ہے جب کہ رجسٹریشن نادرا سہولت مراکز پر ہوگی۔
بجٹ کے نفاذ کے بعد پیر سے ٹیکسٹائل، لیدر، سپورٹس اشیا، کارپٹس، سیمنٹ ، اینٹیں،سگریٹ، سریا سمیت دیگر سٹیل مصنوعات،گھی، ککنگ آئل،مشروبات و منرل واٹر،میک اپ کا سامان، جوسز،سی این جی،چینی، برانڈڈ اشیا، فرون اشیاء ،پینٹس، وارنش، الیکٹرک و ہوم اپلائنسز،لبریکنٹ آئل،سٹوریج بیٹریاں، سیمنٹ،ایل این جی،ہیرے جواہرات، سونا چاندی، گاڑیاں،ماربل،ٹرانسپورٹ کرائے اور تمام درآمدی اشیاء مہنگی کردی گئی ہیں جبکہ کیپٹل گین ٹیکس کیلئے جائیداد کا ہولڈنگ پیریڈ جوپہلے تین سال تھا بڑھا دیا ہے۔
پہلے تین سال بعد پراپرٹی کی فروخت پر کیپٹل گین ٹیکس سے چھوٹ تھی۔ اب یہ مدت تعمیر شدہ جائیداد کیلئے پانچ سال اور پلاٹ کیلئے دس سال کردی گئی ہے ۔سُپر ٹیکس میں کوئی تبدیلی نہیں کی گئی۔بینکوں کیلئے آمدنی کا فارمولا لاگو کردیا گیا ہے ۔ایک لاکھ ماہانہ تنخواہ والوں پراڑھائی ہزار روپے ماہانہ ٹیکس عائد کردیا گیاہے ۔80 لاکھ سے اوپر والی پراپرٹی انکم پر ٹیکس20 فیصد سے بڑھا کر 35 فیصد کردیا گیا ہے ۔ٹرانسپورٹ سروسز پر ٹیکس کی شرح دو سے بڑھا کر چار فیصد کردی گئی ہے۔
مقامی رائیلٹی پر پندرہ فیصد ٹیکس عائد کردیا ہے جبکہ یکم جولائی سے ایکٹو ٹیکس پئیر لسٹ میں آنے کیلئے دیر سے گوشوارے جمع کروانے پر ایک ہزار سے20 ہزار روپے جرمانے دینا ہونگے۔ نان فائلرز کیلئے جائیداد و گاڑیاں خریدنے پر پابندی ختم کردی گئی ہے تاہم انہیں جائیداد یا گاری خریدنے کے 45 دن میں ریٹرن جمع کروانا ہوگی۔
ریٹرن جمع نہ کروانے پر ایف بی آر از خود ٹیکس کا تعین کرکے ریکوری کا نوٹس جاری کرے گا ۔عدم ادائیگی پر پراسیکیوشن ہوگی جس میں بھاری جرمانے اور ایک سال سے تین سال تک کی قید ہوسکے گی ۔
رواں مالی سال کے بجٹ میں آرمی چیف، صدر پاکستان، وزیراعظم اور چیف جسٹس آف پاکستان سمیت دیگر تمام مراعات یافتہ طبقے کو انکم ٹیکس سے چھوٹ برقرار رکھی گئی ہے اور مراعات یافتہ طبقے کیلئے ٹیکس سے متعلق دوسرے شیڈول میں کوئی تبدیلی نہیں کی گئی۔
نوٹیفکیشن کے مطابق امپورٹڈ شہد، مشروم ٹن میں پیک سبزیاں اور پھل پر ٹیکس بڑھا کر 10 فیصد،امپورٹڈ آٹا، میدہ، مکئی اور اسپغول پر ٹیکس بڑھا کر 10 فی صد اور پان پر ٹیکس 400 روپے فی کلو کردیا گیا،امپورٹڈ کوکا پاؤنڈر، چاکلیٹ پیسٹ اور چینی پر ٹیکس 20 فیصد کردیا گیا،امپورٹڈ بسکٹ، کیک، پیسٹری اور ڈبل روٹی پر ٹیکس 20 فیصد،امپورٹڈ بادام، میوہ جات اور روسٹڈ ڈرائی فروٹ پر ٹیکس 20 فیصد،امپورٹڈ ٹماٹر پیسٹ، سرکہ میں ڈوبی سبزیوں پر بھی ڈیوٹی 20 فیصد اضافہ کر دیا گیا۔
امپورٹڈ کافی کے مختلف برانڈز پر ڈیوٹی 15 فیصد کردی گئی،امپورٹڈ آئس کریم، کریم اور کوکا کریم پر ڈیوٹی 20 فیصد کردی گئی،امپورٹڈ سگار، تمباکو اور پائپ کے تمباکو پر ڈیوٹی 35 فیصد کردی گئی،امپورٹڈ پینٹ، وارنش اور اینے ملز پر ڈیوٹی 10 فی صد کردی گئی،امپورٹڈ شیونگ کے سامان پر ڈیوٹی 50 فی صد کردی گئی،رنگ گورا کرنے کی امپورٹڈ کریم اور صابن پر ڈیوٹی 50 فیصد اورامپوٹڈ وال پیپرز، کھڑکیوں کے لیے بلائنڈز اور شیٹس پر ڈیوٹی 30 فیصد کر دی گئی۔
پاکستان مسلم لیگ(ن) کے صدر اور قومی اسمبلی میں قائد حزب اختلاف شہباز شریف کا کہنا ہے کہ عمران خان نے مہنگائی سے توجہ ہٹانے کے لیے رانا ثنا اللہ کے خلاف مذموم کارروائی کی۔
اسلام آباد میں میڈیا سے گفتگو کرتے ہوئے شہباز شریف نے کہا کہ رانا ثنااللہ نے پنجاب میں بطور وزیر قانون 10 سال کام کیا اور اس عرصے میں منشیات کے خلاف کارروائیاں کیں، انہوں نے بے شمار منشیات کے اڈوں کے خلاف آپریشن کروائے۔
ان کا کہنا تھا کہ رانا ثنااللہ کو منشیات فروش قرار دینے کے لیے جھوٹا الزام عائد کیا اور آج عدالت نے انہیں جوڈیشل ریمانڈ پر بھیج دیا۔
ن لیگ کے صدر نے کہا کہ رانا ثنا اللہ کی گاڑی میں 15 کلو منشیات کی موجودگی کی مخبری کس نے کی، وہ مخبر خود عمران خان ہیں۔
شہباز شریف نے کہا کہ اس سے آپ اندازہ کرلیں کہ پی ٹی آئی اور عمران خان کس قدر بوکھلائے ہوئے ہیں، 11 مہینوں میں انہوں نے پاکستان کی معیشت کو تباہ کردیا ہے۔
انہوں نے کہا کہ یہ بجٹ جس پر اپوزیشن آواز اٹھائی کہ غریب دشمن ،کسان، مریض، طالب علم،مزدور، بیوہ، علاج معالجہ دشمن بجٹ پیش کیا اور آج ملک بھر میں ہڑتالیں ہورہی ہیں اور یہ کیا ہمارے اکسانے پر ہوئی ہیں۔
شہباز شریف نے کہا کہ لوگوں کے لیے ایک وقت کی روٹی حاصل کرنا دوبھر ہوگیا ہے، ان پر زندگی تنگ ہوگئی ہے، عمران خان نے اس سب سے توجہ ہٹانے کے لیے رانا ثنا اللہ کے خلاف مذموم کارروائی کی ہے اور اس سے وہ اداروں کو بھی بدنام کرنا چاہتے ہیں۔
رہنما ن لیگ نے کہا کہ آج پوری قوم اس مہنگائی اور بدحالی کا شکار ہے، پریشان ہے ہم پاکستان کے عوام کے ساتھ، غریب اور کسان کے ساتھ کھڑے ہیں، جنہیں نواز شریف کے دور میں بے پناہ سہولتیں ملیں۔
انہوں نے کہا کہ آج مسلم لیگ (ن) کے خلاف وار اس لیے کیے جارہے ہیں کہ ہم کسان کے ساتھ کھڑے ہیں، ہم انہیں کسی ٖصورت اکیلا نہیں چھوڑیں گے۔
شہباز شریف نے کہا کہ یہ ہتھکنڈے پہلے بھی آزمائے ہیں، عمران خان آج ان ہتھکنڈوں سے مہنگائی اور غربت ختم کردیں تو ہم سب جیل جانے کے لیے تیار ہیں۔
اپوزیشن لیڈر نے کہا کہ یہ سمجھتے ہیں کہ ہماری آواز دباسکتے ہیں، ہمارے حوصلے پست ہوسکتے ہیں تو یہ بہت بڑی غلط فہمی ہے۔
ان کا کہنا تھا کہ 3 مرتبہ وزیراعظم، پاکستان میں سی پیک کے موجد، ایٹمی توانائی کو منطقی انجام تک پہنچانے والے نواز شریف کو آج جیل میں دوائیاں، پرہیزی کھانے اور ڈاکٹر فراہم کرنے سے انکار کیا جارہا ہے، عمران خان نے ذاتی طور پر نواز شریف کے معالج کو روکنے کی ہدایت کی۔