Reporter SS
لاہور: پولیس نے انسداد دہشت گردی عدالت کے باہر سے 10 مسلح ملزمان کو گرفتار کرلیا۔
لاہور پولیس نے کارروائی کرتے ہوئے انسداد دہشت گردی کی خصوصی عدالت کے باہر سے 10 مسلح ملزمان کو گرفتار کرلیا۔
پولیس کے مطابق 3 افراد اسلحہ سےکیس عدالت کی پارکنگ میں کھڑے تھے جب کہ 7 افراد عدالت میں داخل ہونے کی کوشش کررہے تھے۔
پولیس کے مطابق اسپیشل برانچ کی خفیہ اطلاع پر کارروائی کی گئی، ملزمان کے قبضے سے 10 عدد پسٹل اور بھاری مقدار میں گولیاں برآمد ہوئی ہیں۔
پولیس ذرائع کا کہنا ہے کہ کارروائی میں گرفتار افراد اجرتی قاتل ہیں، گرفتار افراد آج پیشی پر آئے ملزم کو قتل کرنا چاہتے تھے۔
سکھر: رہنما پیپلزپارٹی خورشید شاہ کا کہنا ہے کہ ہم بار بار پوچھ رہے ہیں کہ کون این آر او مانگ رہا ہے، یہ صرف باتیں کرتے ہیں کوئی بھی این آر او نہیں مانگ رہا۔
سکھر میں میڈیا سے گفتگو میں رہنما پیپلزپارٹی خورشید شاہ کا کہنا تھا کہ سونامی کا مطلب ہے تباہی جو اس وقت عوام بھگت رہے ہیں، معیشت کو تباہ کر دیا ہے اور عوام پریشان ہیں، عام آدمی روٹی کے لیے پریشان ہے، ڈالر بڑھنے سے ہر بندہ متاثر ہو رہا ہے، گیس بجلی کے بلوں سے عوام کی چیخیں نکل رہی ہیں، لوگوں کو نوکریاں دینے کے اعلان تو کیا گیا مگر لوگوں سے روزگار چھینا جا رہا ہے۔
خورشید شاہ کا کہنا تھا کہ اگر عوام تنگ ہوکر باہر نکلے تو خدا نہ کرے کوئی نا خوشگوار صورتحال بن جائے،اس ملک میں مارشل لاء لگے اور قانون بدلے گئے، سیاسی لوگوں نے جیلیں بھگتی ہیں، اگر ہمارے جیل جانے سے لوگوں کی مشکلات کم ہوتی ہیں تو ہم تیار ہیں، ہم بار بار پوچھ رہے ہیں کہ کون این آر او مانگ رہا ہے، یہ صرف باتیں کرتے ہیں کوئی بھی این آر او نہیں مانگ رہا۔
اسلام آباد: روڈ ٹو مکہ منصوبے کے آغاز کے بعد سعودی ایئرلائن کی پرواز ایس وی 719 عازمین حج کولے کرمدینہ روانہ ہوگئی۔
ذرائع کے مطابق روڈ ٹومکہ منصوبے کا آغاز ہوگیا۔ سعودی ایئرلائن کی پرواز 350 عازمین حج کو لے کر 10 بجکر40 منٹ پر مدینہ روانہ ہوگئی۔ پہلی حج فلائٹ کو وزیرمذہبی امورپیرنورالحق قادری اوروفاقی وزیرہوابازی غلام سرورخان نے روانہ کیا۔
دوسری جانب وفاقی وزیرغلام سرورخان کا کہنا ہے کہ روڈ ٹومکہ کے انعقاد پر ہم سعودی حکومت کے شکر گزار ہیں، روڈ ٹو مکہ کے لیۓ وزیر اعظم عمران خان نے اہم کردار ادا کیا، منصوبے کے تحت 22000 حجاج فائدہ اٹھائیں گے۔
ورلڈکپ کے اہم میچ میں انگلینڈ کی نیوزی لینڈ کے خلاف بیٹنگ جاری ہے۔
چیسٹر لی اسٹریٹ میں کھیلے جانے والے اس میچ میں انگلش کپتان آئن مورگن نے ٹاس جیت پہلے بیٹنگ کرنے کا فیصلہ کرلیا۔
انگلینڈ ٹیم میں کوئی تبدیلی نہیں کی گئی جبکہ نیوزی لینڈ 2 کھلاڑیوں کی تبدیلی کے ساتھ میدان میں اترے گی۔
ٹاس کے موقع پر گفتگو کرتے ہوئے انگلینڈ کے کپتان آئن مورگن کے کہا کہ آج کے میچ کے لیے انہوں نے بھرپور تیاری کی ہے، یہ میچ ان کے لیے ایک کوارٹر فائل کی طرح ہے۔
نیوزی لینڈ کے کپتان کین ولیمسن کا کہنا تھا کہ اگر وہ ٹاس جیت جاتے تو پہلے بیٹنگ ہی کرتے، تاہم وہ ٹاس ہار کر بھی اپنا بہتر کھیل پیش کرنے کی کوشش کریں گے۔
یہ میچ انگلینڈ اور نیوزی لینڈ کے لیے مارو یا مرجاؤ کی صورت اختیار کر گیا ہے جہاں شکست کی صورت ان ٹیموں کے ایونٹ سے باہر ہونے کے امکانات ہیں۔
نیوزی لینڈ اور انگلینڈ کی ٹیمیں ایونٹ کے گروپ اسٹیج کے دوران اپنا آخری میچ کھیل رہی ہیں۔
اب تک کے 8 میچز میں انگلینڈ کے 5 فتوحات کے ساتھ 10 پوائنٹس ہیں اور وہ پوائنٹس ٹیبل پر چوتھے نمبر پر ہے، جبکہ نیوزی لینڈ کے خلاف کامیابی کی صورت میں یہ سیمی فائنل کے لیے کوالیفائی کر جائے گی جبکہ شکست کی صورت میں ایونٹ سے باہر ہونے کے امکانات ہیں۔
دوسری جانب نیوزی لینڈ کی بھی یہی صورتحال ہے، اس نے اپنے 8 میچز میں 5 فتوحات اور ایک بارش سے متاثرہ میچ کی وجہ سے 11 پوائنٹس حاصل کیے ہوئے ہیں، یہ بھی فتح کی صورت میں سیمی فائنل کے لیے کوالیفائی کر جائے گی جبکہ شکست کی صورت میں اس کے بھی ایونٹ سے باہر ہونے کے امکانات ہیں۔
لاہور: علامہ اقبال انٹرنیشنل ایئرپورٹ میں فائرنگ سے 2 افراد جاں بحق اور 3 زخمی ہوگئے۔
ذرائع کے مطابق لاہورمیں علامہ اقبال انٹرنیشنل ایئرپورٹ پر عمرہ ادا کرکے واپس آنے والے دو افراد کو گولیاں مار کرقتل کردیا گیا۔ فائرنگ کا واقعہ انٹرنیشنل لاؤنج میں پیش آیا۔ مقتولین کی شناخت زین اور نفیس کے ناموں سے ہوئی ہے۔
پولیس کے مطابق دونوں افراد پر پیپلز پارٹی کے رہنما بابر بٹ کے قتل کا مقدمہ درج تھا۔ ایئرپورٹس سیکیورٹی فورس (اے ایس ایف) نے فائرنگ کرنے والے ملزم شان اور اس کے ساتھی ارشد کو گرفتار کرلیا ہے۔
واقعے کے بعد ایئرپورٹ پر مسافروں کو لینے آنے والے افراد کا داخلہ بھی روک دیا گیا ہے اور پولیس کی بھاری نفری موقع پرموجود ہے۔ سخت چیکنگ کی وجہ سے ائیرپورٹ کے داخلی راستے پر گاڑیوں کی لمبی قطاریں لگ گئیں اور مسافروں کی اے ایس ایف سے تلخ کلامی بھی ہوئی۔پر