ایمزٹی وی(اسلام آباد)فیض آباددھرنے کے خلاف سیکیورٹی فورسز کا آپریشن جاری ہے ،ادھر فوج کو طلب کرنے کے لیے ضلعی انتظامیہ کی درخواست پر سمری تیار کر لی گئی ہے ۔

میڈیا ذرائع کے مطابق فوج کو طلب کر کے آپریشن میں شامل کرنے کے حوالے سے کوئی فیصلہ نہیں ہوا البتہ پاک فوج کے اہلکاروں کو اہم عمارتوں پر تعینات کیا جائے گا ۔بتا یا جا رہا ہے کہ پاک فوج کے جوان تیار ہیں ،وزارت داخلہ کی جانب سے جیسے ہی فیکس کے ذریعے پاک فوج کوطلب کیا گیا تو اس کے کچھ دیر بعد پاک فوج کے جوان راولپنڈی سے یہاں پہنچ جائیں گے ۔

اس سے قبل فیض آباد میں تحریک لبیک کے کارکنان کے خلاف آپریشن کے دوران ہی ضلعی انتظامیہ نے حساس تنصیبات کی حفاظت کے لیے حکومت کو فوج بلانے کی تجویز دی تھی اور سفارش کی گئی تھی کہ فوری طورپر فوج بلالیں، پولیس اور ایف سی کے آپریشن کے دوران جانی نقصان کا خدشہ ہے۔

ایمز ٹی وی (اسپورٹس) نیشنل ٹی ٹوینٹی کپ میں مایہ ناز وکٹ کیپر بلے باز کامران اکمل نے 71 گیندوں پر 150 کی شاندار اننگ کھیل کر کئی ریکارڈ اپنے نام کرلئے۔ راولپنڈی کرکٹ اسٹیڈیم میں جاری نیشنل ٹی ٹوینٹی کپ 2017 میں کامران اکمل کی طوفانی بیٹنگ نے کئی عالمی ریکارڈ اپنے نام کرلئے۔ لاہور وائٹس کی نمائندگی کرنے والے مایہ ناز وکٹ کیپر بیٹسمین کامران اکمل نے اسلام آباد کے خلاف 71 گیندوں پر 150 رنز بناڈالے جس میں 12 چھکے اور 14 چوکے بھی شامل تھے۔ کامران اکمل نے ٹی ٹوینٹی کی ایک اننگز میں سب سے زیادہ 12 چھکے لگانے کا ریکارڈ اپنے نام کرنے کے ساتھ سلمان بٹ کے ساتھ مل کر 209 رنز کی پارٹنر شپ کا عالمی ریکارڈ بھی اپنے نام کرلیا۔ اس سے قبل ٹی 20 میں سب بڑی پارٹنر شپ کا عالمی ریکارڈ 207 رنز کا تھا۔ کامران اکمل نیشنل ٹی ٹوینٹی کپ میں 382 رنز کے ساتھ اس ٹورمنٹ کے ٹاپ اسکورر بھی بن گئے ہیں۔

ایمز ٹی وی (تجارت) اسٹیٹ بینک آف پاکستان نے کہا ہے کہ خام تیل کی عالمی قیمتوں میں اضافے کا اثر پٹرولیم مصنوعات کی ملکی قیمتوں کو منتقل کیے جانے اورغیربنیادی اشیا کی درآمد پر ریگولیٹری ڈیوٹی میں اضافے سے آئندہ مہینوں میں مہنگائی میں اضافہ ہوگا تاہم مالی سال 2017-18کے دوران مہنگائی میں اضافہ 6 فیصد کے ہدف سے نیچے رہنے کی توقع ہے۔ اسٹیٹ بینک آف پاکستان نے آئندہ دو ماہ کے لیے پالیسی ریٹ 5.75 فیصد کی موجودہ سطح پر برقرار رکھتے ہوئے مانیٹری پالیسی بیان میں کہا ہے کہ جی ڈی پی کی 6فیصد شرح نمو کا ہدف حاصل کرنے کے امکانات بدستور مضبوط ہیں۔رواں مالی سال جولائی تا اکتوبر جاری کھاتے کاخسارہ بڑھ کر 5ارب ڈالر ہوگیا ہے۔ توازن ادائیگیوں کی دشواریاں برقرار ہیں تاہم برآمدات میں بہتری، براہ راست سرمایہ کاری میں اضافہ اور رقوم کی آمد سے دباؤ کم ہوگا۔سی پیک سے متعلقہ منصوبوں پر پیشرفت اور دیگر سرکاری رقوم کی آمد سے توازنِ ادائیگی کے خسارے کو سنبھالنے مدد ملے گی۔مرکزی بینک کے مطابق ایف بی آر کی ٹیکس وصولیوں میں پہلی سہ ماہی کے دوران 22.40فیصد نمو خوش آئند ہے۔ سی پیک منصوبوں سے بڑے پیمانے پر اشیا سازی کی صنعت کی نمو کواستحکام حاصل ہوگا۔ریگولیٹری ڈیوٹیوں کے نفاذ سے آئندہ مہینوں کے دوران درآمدات کی نمو کو کم کرنے میں مدد ملے گی۔مرکزی بینک نے مانیٹری پالیسی بیان میں کہا ہے کہ حقیقی شعبے میں تازہ ترین تبدیلیوں کے جائزے سے ظاہر ہوتا ہے کہ مالی سال 18 کی پہلی سہ ماہی کے دوران بڑے پیمانے پر اشیا سازی (ایل ایس ایم)کی نمو گزشتہ توقعات سے تجاوزکرگئی اورمالی سال 17کی اسی مدت میں ہونے والی 1.8 فیصد کے مقابلے میں 8.4 فیصد نمو ریکارڈ کی گئی۔ انتہائی شدید موسمی واقعات نہ ہوئے تو توقع ہے کہ زراعت کا شعبہ مسلسل دوسرے برس بہتر کارکردگی کا مظاہرہ کرے گا۔ مالی کھاتے کے تناظر سے ظاہر ہوتا ہے کہ بیرونی براہ ِراست سرمایہ کاری کی آمد بڑھی ہے اور اکتوبر مالی سال 18کے آخر میں 940 ملین ڈالر تک پہنچ گئی جبکہ گذشتہ برس کے اسی عرصے میں 539 ملین ڈالر تھی جس سے معیشت کے بارے میں بہتر ہوتے ہوئے جذبات کا پتہ چلتا ہے۔ اس مثبت پیش رفت کے باوجود 17 نومبر 2017 کو اسٹیٹ بینک کے زر ِمبادلہ کے ذخائر 13.5 ارب ڈالر ہیں جبکہ آخر جون 2017 میں 16.1 ارب ڈالر تھے۔

ایمزٹی وی(لاہور)اسلام آباد میں قانون نافذ کرنیوالے اداروں کا فیض آباد میں تحریک لبیک کے دھرنے کے خلاف آپریشن جاری ہے جس کے بعد حالات کشیدہ ہوچکے ہیں جبکہ تحریک لبیک کے رہنماءعلامہ خادم حسین رضوی بھی دھرنا شرکاءکیساتھ موجود ہیں تاہم ڈاکٹراشرف آصف جلالی لاہور میں موجود ہیں جو ریلی کی قیادت کرتے ہوئے پنجاب اسمبلی کے سامنے جاپہنچے ۔ ڈاکٹر اشرف جلالی نے بتایاکہ اسلام آباددھرنے کے شرکاءپر تشدد کے بعد”ہم نے پورے ملک میں پہیہ جام ہڑتال کی کال دے دی ہے ، ہمارا قافلہ جلوس کی شکل میں پنجاب اسمبلی کے سامنے پہنچا، ہمارے کافی دوستوں کو گرفتارکیاگیا، پولیس کیساتھ زبردست جھڑپ ہوئی لیکن داتا دربارپر ہمارے کئی دوست بیٹھے ہیں ، ان کو لے کر دوبارہ آئیں گے“۔ پولیس تشدد سے متعلق سوال کے جواب میں انہوں نے کہاکہ ”اپنے کارکنان اور مظاہرین کے لیے پیغام ہے کہ وہ پرامن رہیں کیونکہ تشددسے ہمارے مقصد کو نقصان پہنچے گالیکن ہم ان ۔ ۔ ۔ سے بدلہ ضرور لیں گے“۔