ایمزٹی وی (اسلام آباد)ترجمان دفترخارجہ نفیس زکریا کاہفتہ وار بریفنگ میں کہنا تھا کہ بھارتی فوج مقبوضہ کشمیر میں انسانی حقوق کی پامالی میں ملوث ہے اور معصوم کشمیریوں کو انسانی ڈھال کے طورپر استعمال کیا جارہاہے جو قابل مذمت ہے، وادی میں مسلمانوں کو مذہبی فرائض کی ادائیگی میں مشکلات کا سامنا ہے سری نگر کی جامع مسجد کے باہر ہر جمعہ کو بھارتی افواج تعینات کی جاتی ہیں۔
ترجمان کا کہنا تھا کہ بھارت کشمیر کی تحریک آزادی کوبدنام کرنےکے لیےدہشت گردی کےالزامات لگا رہا ہے اور کشمیری رہنما آغا روح اللہ کے مطابق بھارت جدوجہد آزادی کو بدنام کرنےکے لیے داعش بنارہا ہے۔ بھارت مظلوم کشمیریوں پر اپنے مظالم سے توجہ ہٹانے کے لئے ایل او سی پرتناؤ بڑھا رہا ہے جب کہ کلبھوشن کےاعترافی بیان سے پاکستان کے اندر بھی بھارتی مداخلت کے ثبوت ملتے ہیں اس کا بیان پاکستان میں بھارتی تخریب کاری اور دہشت گردوں کو مالی امداد کا ثبوت ہے اس تمام صورتحال پر عالمی برادری اور اقوام متحدہ کو نوٹس لینا چاہئے۔
مقبوضہ کشمیر کی صورت حال پر نفیس زکریا نے کہا کہ بھارت کی مقبوضہ کشمیرمیں ریاستی دہشتگردی اور انسانی حقوق کی خلاف ورزیاں حقیقت ہیں مسئلہ کشمیراقوام متحدہ کی قراردادوں کے مطابق حل کرنے کی ضرورت ہے مقبوضہ کشمیر کا مسئلہ گزشتہ 70 برس سے اقوام متحدہ کے ایجنڈے پر ہے اور اب تو اقوام متحدہ کے مبصرین بھی بھارتی فوج کے نشانے پر ہیں گزشتہ روز ایل او سی کے دورے میں اقوام متحدہ کے مبصرین پر فائرنگ کی گئی۔
نفیس زکریا نے پاک افغان چمن بارڈر کے حوالے سے بات کرتے ہوئے کہا کہ چمن میں پاک افغان سرحد پر مشترکہ سروے مکمل کرلیا گیا ہے جب کہ دونوں ممالک کے حکام کی فلیگ میٹنگ جاری ہے میٹنگ کے بعد ہی باب دوستی کھولنے کا سوچا جائے گا۔
ترجمان دفتر خارجہ کا کہنا تھا کہ وقت کی کمی کے باعث 30 ممالک کے رہنما سعودی عرب میں منعقدہ اجلاس سے خطاب نہیں کرسکے اور اس پر شاہ سلمان نے ذاتی طور پر تمام شرکا سے معذرت بھی کی۔
ایمزٹی وی (تعلیم/ کراچی)جامعہ کراچی نے بدترین مالی خسارے کے باوجود اساتذہ اور ملازمین کو لیو انکیشمنٹ کی منظوری دے دی ہے اساتذہ اور ملازمین کو لیو انکیشمنٹ دینے کی منظوری جامعہ کراچی کے وائس چانسلر پروفیسر ڈاکٹر محمداجمل خان کی صدارت میں منعقدہ سینڈیکیٹ کے اجلاس میں دی گئی۔
ذرائع کے مطابق جامعہ کراچی کو لیو انکیشمنٹ کی مدمیں16کروڑ روپے ملازمین کو ادا کرنے پڑیں گے، اجلاس میں گریڈ ایک تاسولہ کی تمام آسامیوں پر تقرری کے لئے آسامی کو لازمی مشتہر کرنے کی منظوری دی گئی جب کہ جامعہ کراچی میں سیرت چیئر کی عمات کی تعمیر کے لئے یونائیٹڈ بینک سے متصل جگہ پر دوایکٹر زمین مختص کرنے کی منظوری دی گئی
۔صدورشعبہ جات کے لئے پروفیسرڈاکٹر ابو طیب خان شعبہ بنگالی ،پروفیسرڈاکٹر تبسم محبوب حیاتی کیمیاء ،پروفیسر ڈاکٹر ماجد ممتازکیمیاء اورایگریکلچر اینڈ ایگری بزنس مینجمنٹ میں ڈاکٹرصبوحی رضاکی تین سالہ مدت کے لئے تقرری کی منظوری دی گئی۔گریڈ1تا20کے ملازمین جو دفتری اوقات کے بعد اپنے فرائض انجام دیتے ہیں ان کو اوورٹائم کی ادائیگی کامعاملہ فائنانس کمیٹی کو غورکے لئے بھیج دیا گیا۔
ایمزٹی وی (تعلیم)مہران یونیورسٹی آف انجینئرنگ اینڈ ٹیکنالوجی جامشوروکے میکنیکل شعبہ کی جانب سے طلبہ و طالبات میں تقریری مقابلہ منعقد ہوا۔
مختلف موضوعات پر انگلش، سندھی اور اردو میں ہونے والی تقریری مقابلے میں پوزیشن حاصل کرنے والے طلبہ و طالبات کو وائس چانسلر پروفیسر ڈاکٹر محمد اسلم عقیلی اور پرووائس چانسلر پروفیسر ڈاکٹر طحہٰ حسین علی نے شیلڈز دیں۔
ایمزٹی وی (صحت)محکمہ صحت کی جانب سے مفت طبی کیمپ لگایا جائے گا، ۔
تفصیلات کے مطابق پیدائشی کٹے ہونٹ اور تالو کے مریضوں کے علاج کیلئے مفت میڈیکل کیمپ 27 مئی بروز ہفتہ ضلع ہیڈ کواٹر اسپتال میرپورماتھیلو میں لگایا جائیگا جس میں ماہر سرجن پروفیسر ڈاکٹر مظہر جام آپریشن کرینگے مفت ادویات اور رہائش کا بندوبست کیا گیا ہے۔
ایمزٹی وی (کراچی/ تعلیم)جامعہ کراچی میں ایم فل اور پی ایچ ڈی کے داخلوں میں سنگین بے قاعدگی کا انکشاف ہوا ہےبتایا جاتا ہے کہ شعبہ جرمیات میں صرف دو مستقل اساتذہ ہونے کے باوجود ایم فل پی ایچ ڈی پروگرام شروع کرادیا گیا ہے جب کہ شعبہ کے چیئرمین نے اپنے بھتیجے اور بھتیجی کو ٹیسٹ میں بھی کامیاب کرادیا اس طرح جامعہ کراچی نے خود اپنے بنائے ہوئے قانون کی دھجیاں اڑا دیں، قانون کے مطابق اگر قریبی عزیز امتحان یا ٹیسٹ دے رہا ہو تو ٹیسٹ تیار اور چیک کرنے والا تمام معاملات سے علیحدہ ہوجاتا ہےلیکن ایسا نہیں ہوا اور دونوں پاس ہوگئے جب کہ شعبے کے چیئرمین چچا اور اسٹنٹ پروفیسر سوتیلی ماں تھی۔
ایمزٹی وی (تجارت)رمضان سے قبل ایل پی جی کی قیمت میں 10روپے کلو اضافہ کردیا گیا جس سے گھریلو سلنڈر 100 اور کمرشل سلنڈر 400 روپے مہنگاہوگیا۔
کراچی میں ایل پی جی کی قیمت 75 روپے کلو اور 850 روپے گھریلو سلنڈر، لاہور گوجرانوالہ فیصل آباد جہلم قصور ساہیوال سیالکوٹ ڈسکہ پشاور میں بالترتیب 80 اور 910روپے، رحیم یار خان صادق آباد حیدرآباد اٹک گجرات میرپور آزاد کشمیر میں 100اور 1150 روپے، راولپنڈی اسلام آباد ایبٹ آباد مظفرآباد باغ کوٹلی آزاد کشمیرفاٹا ٹنڈو محمد خان ٹنڈو اللہ یار میرپورخاص عمر کوٹ نواب شاہ مٹیاری ٹھٹھہ دادو جامشورو شکارپور میں 105 اور 1210 جبکہ گلگت مری نتھیا گلی اوربالاکوٹ میں ایل پی جی کی فی کلو قیمت110 اور گھریلو سلنڈر 1270روپے کا ہوگیا۔
ایمزٹی وی (تجارت)رمضان آٹا پیکیج کے نام پرحکومت سندھ کرپشن کا بازارگرم کرنا چاہتی ہے جسے فلورملزایسوسی ایشن مستردکرتی ہے کیونکہ مجوزہ پیکیج سے عام آدمی کے بجائے کرپٹ بیوروکریسی، مخصوص دکاندار اور سپلائی چین استفادہ کریں گے اورسرکاری خزانے سے 2 تا3 ارب روپے ضائع ہوجائیں گے۔
پاکستان فلورملزایسوسی ایشن ساؤتھ زون کے چیئرمین چوہدری ناصرعبداللہ نے یہ بات بدھ کو پیارعلی لاسی، چوہدری محمد یوسف، چوہدری عنصرجاوید، میاں محمود حسن ودیگر کے ہمراہ پریس کانفرنس سے خطاب کے دوران کہی۔ انہوں نے بتایا کہ تقریباً 3 لاکھ ٹن گندم مجوزہ رمضان آٹا پیکیج کے لیے مختص کی جارہی ہے، اگرحکومت یہی سبسڈائزگندم ماہانہ بنیادوں پرفلورملزکوفراہم کرے تو پورے سال عوام کوفی کلوآٹا1.50 روپے سستا مل سکتا ہے، فلورملزمالکان رمضان آٹاپیکج کا حصہ بن کرکرپشن کا حصہ نہیں بننا چاہتے اور رضاکارانہ بنیادوں پرماہ صیام میں عوام کو کم قیمت پرآٹا فروخت کرنا چاہتے ہیں۔
ایک سوال پر انہوں نے بتایا کہ رمضان آٹا پیکیج درحقیقت گزشتہ سال3250 روپے فی 100 کلوگرام کی حامل گندم کی ایڈجسٹمنٹ ہے جسے صوبے کی متعدد فلور ملیں استعمال کرچکی ہیں، متعلقہ سرکاری حکام رمضان آٹا پیکیج کے لیے مختص ہونے والی گندم کی فی بوری پر300 روپے کمیشن ہتھیانے کی منصوبہ بندی کر چکے ہیں۔
چوہدری ناصرعبداللہ نے بتایا کہ اوپن مارکیٹ میں فی کلوگرام گندم کی قیمت30 روپے ہے، یہی وجہ ہے کہ فلورملز رضاکارانہ بنیادوںپر حکومت کی مقررہ قیمت سے5 روپے کم پرفی کلو گرام آٹا فروخت کررہی ہیں، فی الوقت حکومت سندھ گندم کی خریداری کررہی ہے اور یہ عمل آئندہ 2 ہفتوں میں ختم ہوجائے گا جس کے بعد سرکاری گوداموں میں گندم کے ذخائرکا مجموعی حجم15 لاکھ ٹن تک پہنچ جائے گا۔ انہوں نے وزیراعلیٰ سندھ کو تجویز دی کہ وہ رمضان آٹا پیکیج کے لیے مختص کردہ2 تا3 ارب روپے کی سبسڈی کو بے نظیرانکم سپورٹ پروگرام میں منتقل کریں یا پھر یہ رقم خستہ حال اسپتالوں، اسکول و کالجز میں خرچ کی جائے۔
ایمزٹی وی (اسلام آباد)وزیر خزانہ سینیٹراسحق ڈار آج رواں مالی سال کی اقتصادی جائزہ رپورٹ جبکہ کل جمعہ کوآئندہ مالی سال کابجٹ پیش کرینگے۔
وفاقی حکومت رواں مالی سال کے دوران 5.28 فیصد کی جی ڈی پی گروتھ کے باوجود اہم اقتصادی اہداف حاصل کرنے میں ناکام رہی، جبکہ آئندہ مالی سال کیلیے جی ڈی پی گروتھ کاہدف چھ فیصد مقرر کرنیکا فیصلہ کیاہے تاہم وزیر خزانہ اسحاق ڈار اپنی ٹیم کے ہمراہ آج رواں مالی سال کی اقتصادی کارکردگی پر مشتمل اکنامک سروے جاری کرینگے۔
اکنامک سروے کے اعداد وشمار کے مطابق رواں مالی سال کے دوران جی ڈی پی گروتھ 5.28 فیصد رہی ہے جو گذشتہ دس سال میں سب سے زیادہ گروتھ ہے مگر5.7 فیصد کے مقررہ ہدف سے کم ہے اسی طرح زرعی ترقی3.48 فیصدہدف کے مقابلے میں 3.46فیصد رہی۔ صنعتی شعبے کی ترقی 7.69 فیصد ہدف کے مقابلے میں5.02فیصد رہی جبکہ سرمایہ کاری 17.8 فیصد ہدف کے مقابلے میں15.8فیصد رہی۔ رواں مالی سال 2016-17 لائیو اسٹاک کی ترقی کاہدف چار فیصد مقررکیا گیا مگر اس شعبے کی ترقی 3.4 رہی، لارج اسکیل مینوفیکچرنگ شعبے کا5.9 فیصد ہدف بھی حاصل نہ ہوسکا اور ایل ایس ایم شعبے کی ترقی 4.9 فیصد رہی ہے۔
علاوہ ازیں وفاقی کابینہ کل 5.5ٹریلین روپے حجم پر مشتمل آئندہ مالی سال کے وفاقی بجٹ کی منظوری دیگی جس میں سرکاری ملازمین کی تنخواہوں میں 10 سے 15 فیصد اضافہ، پچاس فیصدایڈہاک الاونس تنخواہوں میں ضم کرنے اور ملازمین کیلئے منجمد شدہ ہاؤس رینٹ الاونس بھی بحال کئے جانیکا امکان ہے۔
میڈیا کودستیاب دستاویز کے مطابق وفاقی کابینہ اجلاس کے شیڈول کے بعدایف بی آر انتظامیہ نے دو دن کیلئے ہیڈکوارٹر کومعمول کے سرکاری کاموں کیلئے بند کردیا اور صرف وہ ہی اف
ایمزٹی وی (تجارت)سونے کی تولہ قیمت 50ہزار روپے سے نیچے آگئی۔ بین الاقوامی بلین مارکیٹ میں فی اونس سونے کی قیمت9 ڈالر کی کمی سے 1251 ڈالر رہ جانے کے باعث مقامی صرافہ مارکیٹوں میں بھی گزشتہ روز فی تولہ اور فی دس گرام سونے کی قیمتوں میں بالترتیب250 اور214 روپے کی کمی ہوئی جس کے نتیجے میں کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت گھٹ کر49 ہزار 900 اور دس گرام سونے کی قیمت گھٹ کر 42 ہزار 771 روپے رہ گئی تاہم فی تولہ چاندی کی قیمت بغیر ردوبدل 730اور دس گرام 625.71 روپے پر برقرار رہی ہے۔
ایمزٹی وی (کوہاٹ)سماری میں پولیس اور دہشت گردوں کے درمیان مقابلے میں ایک دہشتگرد ہلاک جب کہ ایس ایچ او زخمی ہوگیا۔
ذرائع کے مطابق کوہاٹ کے علاقے سماری میں پولیس نے خفیہ اطلاع پردہشت گرد کی موجودگی کی اطلاع پرکارروائی کی، کارروائی کے دوران دہشت گردوں نے پولیس پردستی بم سے حملہ کردیا جس سے ایس ایچ او افضل خان زخمی ہوگئے۔ پولیس نے بھاری نفری کے ساتھ جوابی کارروائی کی جس کے نتیجے میں مطلوب دہشت گرد انعام اللہ مارا گیا۔
پولیس کا کہنا ہے کہ ہلاک ہونے والا دہشت گرد انعام اللہ لاچی میں 2 روز قبل پولیس پر حملے کا مرکزی ملزم تھا جب کہ دہشت گرد کے دیگر ساتھیوں کی گرفتاری کے لیے بھی چھاپے مارے جارہے ہیں۔