K2 - Results from #20594

جامعہ کراچی میں تقرریاں

ایمز ٹی وی (تعلیم/کراچی ) گورنر سندھ / چانسلر محمد زبیر نے جامعہ کراچی کے وائس چانسلر کی سفارش پر پروفیسر ڈاکٹر محمد احمد قادری کوڈاکٹر مونس احمر کی جگہ ڈین فیکلٹی آف سوشل سائنسز اور پروفیسر ڈاکٹر طاہر علی کو ڈاکٹر خالد عراقی کی جگہ ڈین فیکلٹی آف مینجمنٹ اینڈ ایڈمنسٹریٹو سائنسز مقرر کرنے کی منظوری دے دی ہے ان کی تقرری کی میعاد تین برس ہوگی ۔

ڈیٹا لکھنے اور پڑھنے والی دنیا کی تیز ترین میموری چپ

ایمز ٹی وی(مانیٹرنگ ڈیسک) سونی کارپوریشن نے دنیا کی سب سے تیز رفتار ایس ڈی میموری پیش کردی ہے جس سے 300 میگا بائٹس فی سیکنڈ کی زبردست رفتار پر ڈیٹا پڑھا جاسکتا ہے ۔ جب کہ اس پر ڈیٹا لکھنے کی رفتار 299 میگا بائٹس فی سیکنڈ بتائی جارہی ہے۔

یہ میموری کارڈز جنہیں ایس ایف جی (SF-G) ایس ڈی کارڈز کا نام دیا گیا ہے 32 جی بی، 64 جی بی اور 128 جی بی کی گنجائش میں دستیاب ہوں گے لیکن فی الحال ان کی قیمت کے بارے میں کچھ نہیں کہا گیا ہے البتہ یہ اس سال اپریل تک فروخت کے لیے جاری کردیئے جائیں گے۔

ان میموری کارڈز کو ’’الٹرا ہائی اسپیڈ ٹو‘‘ (UHS-II) معیار کے مطابق بنایا گیا ہے جس کے تحت کسی میموری کارڈ میں ڈیٹا ٹرانسفر کی رفتار 312 میگا بائٹس فی سیکنڈ ہوتی ہے اور اگر ڈیٹا ریڈ/ رائٹ (ڈیٹا پڑھنے اور لکھنے) کے کام ایک ساتھ کیے جائیں تو پھر ہر ایک عمل کی انفرادی رفتار 156 میگا بائٹس فی سیکنڈ ہونی چاہیے۔

اب تک کسی بھی میموری کارڈ کے لیے ممکن نہیں کہ وہ دیر تک ڈیٹا ٹرانسفر میں یہ زبردست رفتار برقرار رکھ سکے اور اسی وجہ سے ایک ساتھ زیادہ ڈیٹا کاپی کرنے پر یو ایس بی ڈرائیو/ میموری کارڈ کی رفتار بتدریج کم پڑتی چلی جاتی ہے جو بالآخر صرف 4 میگا بائٹس فی سیکنڈ رہ جاتی ہے۔ مگر سونی کارپوریشن کا دعویٰ ہے کہ اس کے ایس ایف جی میموری کارڈز میں ڈیٹا ٹرانسفر ریٹ لمبے وقت تک برقرار رہے گا کیونکہ اس مقصد کے لیے خصوصی الگورتھم وضع کیا گیا ہے جو ڈیٹا ٹرانسفر ریٹ کو کم ہونے نہیں دیتا۔

اس وقت 256 جی بی کی ایس ڈی میموریز دستیاب ہیں جب کہ یو ایس بی اسٹوریج ڈرائیوز کی گنجائش ٹیرا بائٹس میں ہوچکی ہے لیکن سونی کا کہنا ہے کہ ابھی اس کی توجہ ڈیٹا ٹرانسفر ریٹ برقرار رکھنے پر ہے اور گنجائش میں اضافے پر بعد میں کام کیا جائے گا۔

گرلز کالج میں عالمی یوم اسکاﺅٹس کا انعقاد

ایمز ٹی وی (تعلیم /کراچی ) اسکائوٹ تحریک کے بانی لارڈ بیڈن پاول کے 160ویں یوم پیدائش پر سندھ بوائے اسکائوٹس ایسوسی ایشن کے زیر اہتمام’’ عالمی یوم اسکائوٹس‘‘ کے سلسلے میں سندھ بھر میں تقاریب کا انعقاد کیا گیا ۔ صوبائی ہیڈ کوارٹرز پر پرچم کشائی کی تقریب منعقد ہوئی ۔ سندھ بوائے اسکائوٹس ایسوسی ایشن کے پیٹرن جسٹس (ر) حسن فیروز نےپرچم کشائی کی جس کے بعد اسکائوٹس نے اسکائوٹ وعدہ پڑھا اور بیڈن پاول کی شخصیت کے حوالے سے تقاریر کیں

تقریب سے ڈیولپمنٹ اینڈ میڈیا کوآرڈینٹر فرقان احمد یوسفی، ریسکیو کمشنر طاہر شیخ نے بھی خطاب کیا جبکہ خاتون پاکستان گرلز کالج میں اسکائوٹ کو ئز منعقد ہوا جس سے خطاب کرتے ہوئے جسٹس (ر) حسن فیروز نے کہا کہ بانی اسکائوٹ تحریک کے یوم پیدائش پر پاکستان کوئز سوسائٹی کے تعاون سے منعقدہ تقریب قابل ستائش ہے ۔ جبکہ تقریب سے جاوید رضا اور کالج پرنسپل نے بھی خطاب کیا علاوہ ازیں گورنمنٹ ڈگری کالج لیاری میں منعقدہ تقریب میں ڈی جی کالجز ڈاکٹر ناصر انصار، صوبائی سیکرٹری اختر میر، عبد الباسط انور بھٹی نے بھی شرکت کی جبکہ روز سوسائٹی کے زیر اہتمام بھی مختلف تقاریب کا انعقاد کیاگیا ۔

دریں اثناء کے پی ٹی اسکائوٹس کے زیر اہتمام منوڑہ میں منعقدہ سیمینار سے عبد الحئی خان ، آصف اسلام اور صادق جعفری نے خطاب کیا جبکہ حیدر آباد میں ڈائریکٹر ایجوکیشن سید رسول بخش شاہ نے تقریب کی صدارت کی۔

محکمہ صحت کی جانب سے ادویات چھپانے کے معاملے کا نوٹس

ایمز ٹی وی( صحت /عمرکوٹ ) سول اسپتال عمرکوٹ کی انتظامیہ نے کروڑوں روپے کی انسانی حیاتی بچانے والی میڈیکل ادویات عمرکوٹ کی ایک ٹرانسپورٹ کمپنی کے دفتر میں جو چھپا کر رکھی تھی جس کا انکشاف ہونے کے بعد ڈی ایچ او عمرکوٹ نے اس کا نوٹس لیتے ہوئے تحقیقات کا حکم دے دیا ہے۔ سینئر ڈاکٹروں کی ایک ٹیم تشکیل دی گئی ہے جو 24 گھنٹے میں اس کی تحقیقات کر کے رپورٹ پیش کرے گی اطلاعات کے مطابق مارچ 2016میں سول اسپتال عمرکوٹ کی انتظامیہ نے ان ادویات کی خریداری کیلئے ٹینڈر کروائے تھے اور یہ ادویات 15روز میں ٹھیکیدار کیلاش کو سول اسپتال کی انتظامیہ کو دینی تھی ،ٹھیکیدار نے دوائیوں کا تو انتظام کرلیا لیکن سول اسپتال عمرکوٹ کی انتظامیہ نے مقرر مدت کے دوران ٹھیکیدار کی جانب سے یہ ادویات فراہم نہ کرنے پر ٹھیکیدار کیلاش کا ٹھیکہ مسترد کردیا اور سول اسپتال عمرکوٹ کی انتظامیہ نے زیادہ وقت گذرنے کی وجہ سے ٹھیکیدار سے یہ ادویات لینے سے انکار کردیا جس پر ٹھیکیدار نے یہ ادویات گڈز ٹرانسپورٹ کے گودام میں چھپا کر رکھی ہوئی تھی۔ علم میں آنے پرمحکمہ صحت عمرکوٹ کے ڈی ایچ او ڈاکٹر کرموں مل کرمانی نے اس معاملے کا نوٹس لیتے ہوئے فوری طور پر دو سینئر ڈاکٹروں تعلقہ ہیلتھ افسر ڈاکٹر مراد علی پنہور ڈاکٹر عبدالستار منگریو پر مشتمل تحقیقاتی کمیٹی بنائی یہ کمیٹی تحقیقات کر کے 24گھنٹوں میں رپورٹ پیش کرے گی دوسری جانب رابطہ کرنے پر سول اسپتال کے انتظامیہ نے بتایا ہے کہ یہ گڈز ٹرانسپورٹ کے اڈے والی میڈیکل ادویات ہمارے نام پر نہیں ہے یہ ادویات ٹھیکیدار کیلاش نامی شخص کے نام پر ہے اور مزید تحقیقات جاری ہیں ۔

صارفین کو فیس بک استعمال کرنے سے روک دیا گیا

ایمز ٹی وی(مانیٹرنگ ڈیسک) فیس بک میں تیکنیکی خرابی نے دنیا بھر میں صارفین کو اس سوشل میڈیا کو استعمال کرنے سے روک دیا۔

یہ مسئلہ فیس بک کے انفراسٹرکچر کے کچھ حصے کام نہ کرنے کی وجہ سے پیدا ہوا تاہم کمپنی کی جانب سے ابھی کوئی بیان سامنے نہیں آیا۔

کچھ افراد کو عجیب الرٹ ملیں جیسے سائٹ کی جانب سے بتایا گیا کہ ان کے تمام پیغامات اسپام ہونے کی وجہ سے ڈیلیٹ کردیئے گئے ہیں۔

دیگر کو لاگ ان اسکرین پر واپس بھیج دیا گیا اور یہ لکھا آیا کہ ان کے اکاﺅنٹس ویری فائیڈ نہیں ہیں۔

سب سے تشویشناک پیغام صارفین کے سامنے یہ آیا کہ ان کے اکاﺅنٹس ہیک ہوگئے ہیں لہذا وہ سائن آﺅٹ ہو یا اپنے پاس ورڈ کو تبدیل کرلیں۔

اسی طرح کچھ افراد کو پاس ورڈ بدلنے کا کہا گیا مگر ان کا موجودہ پاس ورڈ سائن ان ہونے کے لیے کام ہی نہیں کررہا۔

یہ مسئلہ ویب سائٹ ڈاﺅن ڈیٹیکٹر سامنے لائی جس کے مطابق یہ ممکنہ طور پر فیس بک کے سیکیورٹی ٹولز ہیں جو لوگ کو اکاﺅنٹس میں سائن ان ہونے سے روک رہے ہیں۔

یہ مسئلہ دنیا کے مختلف حصوں کے صارفین کو پیش آرہا ہے تاہم سب سے زیادہ یورپ اور امریکا میں لوگ متاثر ہوئے۔

سیکیورٹی خدشات کے پیش نظر ، کالجز اور یونیورسٹیز بند

ایمز ٹی وی (تعلیم /لاہور )شہر بھر میں قانو ن نافذ کر نے والو ں ادارو ں نے سیکیورٹی خدشات کے پیش نظرسرچ آپریشن کے دوران 45 مشکو ک افرادکو حراست میں لے لیا ہے جبکہ نیشنل کالج اف آرٹس کا ہاسٹل سکیورٹی خدشات کے باعث ایک ہفتے کے لئے بند کر دیاگیاہے اور را ت کوطالبات سے ہوسٹل خا لی کروالیا گیا ۔ذرا ئع کا کہنا ہے کہ را ت گئے شہر میں متعد د گرلز ہوسٹل خا لی کروائے جا سکتے ہیں ۔

تفصیلات کے مطا بق ممکنہ د ہشتگردی کے پیش نظر لاہور میں گھروں، مد رسوں ، گوداموں,بس اڈوں,پر سر چ آپریشن کے دوران شنا ختی کا رڈ نہ ر کھنے والو ں کو حرا ست میں لے لیا گیا ہے ۔

سرچ آپریشن کے دوران بائیو میٹرک مشینوں کے ذریعے لوگوں کے کوائف کی تصدیق کی گئی ۔سرچ آپریشن کے دوران 977گھروں,200کے قریب کرائے داروں اور تین ہزار سے زائد افراد کی چیکنگ کی گئی ہے ۔

دوسر ی جانب سیکیورٹی خدشات کے باعث نیشنل کالج آف آرٹس جسے خا لی کروالیا گیا ہے اس با رے میں کا لج کی انتظا میہ کا کہنا ہے کہ ایک ہفتے کی چھٹیاں دے دی گئی ہیں ۔سیکیورٹی خدشات کی وجہ سے ہاسٹلز خالی کروائے گئے ہیں ۔کالج کے اساتذہ معمول کے مطابق کالج آتے رہے گے ۔ کالج میں تعلیمی سلسلے کا آغاز چھ مارچ سے ہوگا۔اگر سیکیورٹی خدشات برقرار رہے تو چھٹیوں میں اضافہ کیا جاسکتا ہے۔

ہو سٹل کے خالی کروائے جا نے پر طلبا ء میں تشویش پا ئی جا تی ہے ۔ اور انہو ں نے اس با رے میں سخت ردعمل کا اظہا ر کیا ہے کہ انہیں را ت گئے ہا سٹل سے نکا ل کر چلے جا نے کا کہنا کہا ں کا انصا ف ہے؟

پو لیس کے مطا بق پنجا ب یو نیورسٹی کے ہا سٹل میں بھی را ت گئے سر چ آپریشن کیا گیا ہے ۔ہال کونسل پنجاب یونیورسٹی کا کہنا ہے کہ ہاسٹل بند یا کھلے رکھنے کا فیصلہ انتظامیہ اور پولیس کے درمیان بات چیت کے بعد کیا جائے گا ۔

پولیس ذرائع کا کہنا ہے کہ تمام ہاسٹلز میں معمول کی تلاشی لی جارہی ہے،تمام طلباء کے شناختی کوائف چیک کیے گئے ہیں۔ڈی آئی جی آپریشنز ڈاکٹر حیدر اشرف نے کہا ہے کہ عوام کے تحفظ کیلئے اقدامات کیے جارہے ہیں،تعلیمی اداروں کی سیکیورٹی پولیس کی ذمہ داری ہے،کسی کالج یا یونیورسٹی کو ہاسٹلز خالی کرانے کا نہیں کہا ہے۔واضح رہے کہ لاہور میں پے در پے بم دھماکوں کے باعث شہر میں خوف و ہراس پایا جاتا ہے۔

پشتونوں کے خلاف صوبے بھر میں کریک ڈاؤن جاری ہے،شہبازشریف

ایمز ٹی وی(لاہور) وزیراعلیٰ پنجاب نے کہا ہے کہ ’’ پاکستان قوم کی صرف ایک شناخت ہے’’محب وطنیت‘‘، اِس کے علاوہ کسی نسلی امتیاز کی اجازت نہیں ،غلط معلومات سے باز رہیے‘‘،یہ پیغام شہباز شریف نے سماجی رابطہ کی ویب سائیٹ ٹویٹر پر اپنے ایک ٹویٹ میں بھیجا۔

وزیراعلیٰ پنجاب شہباز شریف کا یہ بیان اُس وقت سامنے آیا ہے جب سوشل میڈیا پر حکومت پنجاب پریہ الزام عائد کرتے ہوئے ایک طوفان برپا ہے کہ حکومت پنجاب نے قانون نافذ کرنے والوں کو یہ ہدایات جاری کی ہیں کہ افغانیوں اور پشتونوں کے خلاف صوبے بھر میں کریک ڈاؤن کیا جائے ۔تخریب کاروں اور اُنکے سہولت کاروں کے خلاف آپریشن کو کچھ عناصر مسلسل امتیازی سلوک کا رنگ دے کرتعصب کو ہوا دے رہے ہیں جس کی مذمت کرتے ہوئےحکومت پنجاب کا کہنا ہے کہ دشمن غلط معلومات پھیلا کر ہمیں آپس میں لڑانا چاہتا ہے، جبکہ پشتون ہمارے بھائی ہیں اور ہمیں مل کر دشمن کی سازش کو ناکام بنانا ہے ۔

چند روز قبل بھی چیئرنگ کراس حادثے میں ملوث زیرحراست سہولت کار سے ہونے والے انکشافات پر وزیراعلی پنجاب نے اپنی پریس کانفرنس میں واضح کہا تھا کہ پناہ گزین افغانی ہمارے بھائی ہیں اورپاکستان نے پچھلے تیس سال سے اپنا پیٹ کاٹ کر ان بھائیوں کو بڑے سلوک کے ساتھ رکھا ہے۔ انہوں نے اِس موقع افغان بھائیوں کو مخاطب کرتے ہوئے کہا تھا کہ ہم سمجھتے ہیں کہ آپ بہت پُرامن لوگ ہیں مگر آپ کی صفوں کے اندرکچھ کالی بھیڑیں ہیں، اُن کی نشاندہی کیلئے آپ خود ہماری مدد کریں،آپ کی عزت و توقیر پاکستانیوں کی نظر میں مزید بڑھے گی،بصورت دیگر قانون حرکت میں آئے گا

سندھ ہائی کورٹ نے مجسٹریٹ امبر اقبال کونوکری سے نکال دیا

ایمز ٹی وی(کراچی) سندھ ہائی کورٹ نے عمر چھپانے اور ریکارڈ میں ردوبدل کرنے پر 2خواتین مجسٹریٹس کو نوکریوں سے نکال دیا ۔

سندھ ہائی کورٹ نے مجسٹریٹ امبر اقبال اور ماریہ جبار ڈوگرکو عمر چھپانے کا الزام ثابت ہونے کے بعد نوکریوں سے نکال باہر کیا ۔ مجسٹریٹ امبر اقبال شکار پور اور ماریہ جبار ڈوگر کراچی شرقی میں تعینات تھی ۔

دونوں نے اپنی تاریخ پیدائش میں ردوبدل کر کے نوکریاں حاصل کی تھیں اور کئی سالوں سے بطور مجسٹریٹ اپنے فرائض سر انجا م دے رہی تھیں تاہم اس حوالے سے انکوائری جاری تھی جس میں یہ بات سامنے آئی ہے کہ دونوں خواتین نے نوکریاں حاصل کرنے کیلئے اپنی عمرکا دورانیہ کم کیا اور اس حوالے سے ریکارڈ میں ردوبدل کرایا

پسینہ کیوں آتا ہے؟ وجہ آپ کو دنگ کرنے کے لیے کافی ہے

ایمز ٹی وی(مانیٹرنگ ڈیسک) آخر کچھ افراد کو بہت زیادہ پسینہ کیوں آتا ہے اور کیا مرد اس معاملے میں خواتین سے آگے ہوتے ہیں؟ تو اس کا جواب آپ کو دنگ کرنے کے لیے کافی ہے۔ یہ بات آسٹریلیا میں ہونے والی ایک تحقیق میں سامنے آئی۔ تحقیق میں بتایا گیا کہ کسی فرد کو کتنا پسینہ آئے گا اس کا انحصار اس بات پر ہے کہ اس کا جسمانی حجم اور ساخت کیسی ہے اور اس مرد و خواتین سے کوئی تعلق نہیں۔

آسان الفاظ میں لمبے یا موٹے افراد کو زیادہ پسینہ آتا ہے جبکہ دبلے پتلے افراد اس حوالے سے کچھ محفوظ ہوتے ہیں۔ پسینہ آنا جسم کا خود کو ٹھنڈا کرنے کے دو میں سے ایک طریقہ ہے اور ایسا ہونے پر جلد پر پانی کے قطرے ابھرنے کے بعد اڑنے پر جسم ٹھنڈا ہونے لگتا ہے۔ جسم کا خود کو ٹھنڈا کرنے کا دوسرا طریقہ جلد میں دوران خون کو بڑھانا ہے۔

وول آن گونگ یونیورسٹی کی اس تحقیق میں بتایا کہ جسم کے ٹھنڈے کرنے کے اس طریقہ کا انحصار جسمانی حجم اور ساخت پر ہوتا ہے خاص طور پر دبلے پتلے مرد و خواتین میں جسم خود کو ٹھنڈا کرنے کے لیے دوران خون کے طریقے پر زیادہ انحصار کرنا پڑتا ہے یا دوسرے الفاظ میں انہیں پسینہ کم آتا ہے۔

اس تحقیق کے دوران 24 مردوں اور خواتین کو جسمانی سرگرمیوں کی ہدایت کی گئی اور نتائج سے معلوم ہوا کہ بھاری بدن والے افراد کو پسینہ زیادہ آتا ہے جبکہ جسمانی طور پر پتلے افراد جسم ٹھنڈا رکھنے کے دوران خون کے طریقہ کار کا استعمال کرتے ہیں۔

طلبہ کے لیے امتحان دینے کا آخری موقع

ایمز ٹی وی ( تعلیم /جامشورو) جامعہ سندھ جامشورو کے اعلامیہ میں بتایا گیاہے کہ وہ طلباء جو ابھی تک 2سالہ بی بی اے (پاس) پروگرام کے امتحانات میں پاس نہیں ہو سکے اور وہ پروگرام 2010-2009ء سے معطل کیا گیا تھا۔

ان فیلوور طلباء کی درخواستوں پر انہیں یہ امتحان دینے کا آخری موقع فراہم کیا جا رہا ہےاعلامیہ میں مزید کہا گیا ہے کہ ملحقہ کالجز کے پرنسپلز ایسے طلباء سے امتحانی فارم وصول کریں۔

امتحانی فارمز 27فروری سے 15مارچ تک بغیر لیٹ فیس کے جبکہ 16اور 17مارچ تک 5000 روپے لیٹ فی کے ساتھ وصول کیے جائیں گے۔