K2 - Results from #20678

فالج سے متاثرہ مریضوں کیلئےانقلابی آلہ ایجاد

ایمز ٹی وی(صحت) آج سے قبل یہ تصور کیا جاتا تھا کہ فالج سے مکمل طور پرمتاثرہ افراد کے زندہ رہنے یا نہ رہنے سے کوئی فرق نہیں پڑتا‘ لیکن اب جدید سائنس نے اس تصور کی نفی کرتے ہوئے ایسا انقلابی آلہ ایجاد کرلیا ہے جس کی مدد سے فالج سے معذور افراد نہ صرف کمپیوٹر استعمال کرسکیں گے بلکہ اب تیز رفتار ٹائپنگ کرسکیں گے۔

اسٹین فورڈ یونی ورسٹی کی جانب سے جاری کردہ نیوز ویڈیو میں دکھا یا گیا ہے کہ کس طرح دماغ میں نصب شدہ آلے کی مدد سے اب فالج کے مریض بھی تیز رفتاری سے ٹائپ کرسکتے ہیں۔

واضح رہے کہ اس سے پہلے بھی ایسے آلے ایجاد ہوچکے ہیں‘ جن کی مدد سے جسمانی طور پرمعذورافراد کمپیوٹرسے رابطہ کر سکتے ہیں۔ لیکن اس نئے آلے کی بدولت اب یہ مریض تیز رفتار ٹائپنگ کر سکتے ہیں جو اس سے پہلے ممکن نہیں تھا۔

ان مریضوں کے دماغ کے ایک حصے میں (جسے موٹر کارٹیکس کہا جاتا ہے) الیکٹروڈز نصب کیے گئے جو عضلات کو بھیجے جانے والے پیغامات کو ریکارڈ کرتے ہیں۔

ان سگنلز کو ایک تار کے ذریعے کمپیوٹر میں ڈالا جاتا ہے‘ جہاں ایک ایلگورتھم اس سگنلز کو ڈی کوڈ کر کے یہ فیصلہ کرتا ہے کہ مریض کس حرف کو ٹائپ کرنا چاہ رہا ہے۔

کامیڈی اور کرائم سے بھرپور امریکن فلم کانیاٹریلر جاری

ایمز ٹی وی (انٹر ٹینمنٹ) کامیڈی فلموں کے شوقین افراد کےلئے تیار کردہ کرائم سے بھرپور امریکن فلم ’گوئنگ ان اسٹائل‘ کا نیا ٹریلر جاری کردیا گیا ہے۔

زیچ بریف کی ہدایتکاری میں بننے والی اس فلم کی کہانی 3 ایسے دوستوں کے گرد گھوم رہی ہے، جو اپنے پیاروں کی زندگی بہتر بنانے کیلئے ایک بینک لوٹنے کا ارادہ کرتے ہیں۔

فلم کی کاسٹ میں معروف ہالی ووڈ اداکار مورگن فری مین کے علاوہ مائیکل کین،ایلن آرکن،جوئے کنگ،میٹ ڈیلن،این مارگریت اور دیگر اداکار شامل ہیں۔

ڈونلڈ ڈی لائن کی پروڈیو س کردہ یہ فلم وارنر برادرز کے بینر تلے7 اپریل کو سینما گھروں کی زینت بنے گی۔

ڈیفنس دھماکے کی فرانز ک رپورٹ آگئی

ایمز ٹی وی(لاہور) وزیرقانون پنجاب رانا ثناءاللہ نے کہا کہ ڈیفنس دھماکے کی فرانز ک رپورٹ آگئی ہے اور کل کے دھماکے میں بارودی مواد کے شواہد نہیں ملے ہیں اور اب تک کی تفتیش کے مطابق گیس کے لیکیج اور سلنڈر کی موجودگی کنفرم ہے

اور امکان ہے کہ گیس لیکیج کی وجہ سے دھماکہ ہواہو۔پریس کانفرنس کرتے ہوئے وزیرقانون نے کہا کہ کل کا دھماکہ حادثہ تھا اور یہ کوئی دہشتگردی یا بارود کا دھماکہ نہیں تھا۔انہوں نے کہا کہ ناقص سلنڈر مہیا کرنے والوں نے جرم کا ارتکاب کیا ہے اور ان کے خلاف سخت قانونی کارروائی کی جائے گی۔

لاہور میں پریس کانفرنس کرتے ہوئے وزیرقانون پنجاب رانا ثناءاللہ نے کہا کہ ڈیفنس دھماکے میں اطلاع یہ تھی کہ جنریٹر یا گیس سلنڈر کا دھماکا ہواجس کے بعد قانون نافذ کرنیوالے ادارے دھماکے کی جگہ پر پہنچے۔انہوں نے کہا کہ دھماکے سے متعلق ماہرین کی رائے میں اختلاف تھا، ایسی خبریں چلائی گئی جس سے لاہور شہر میں خوف وہراس پھیلا،لاہور دھماکوں سے گونج اٹھا،ایسی خبر چلنے سے شہریوں میں خوف و ہراس پھیلا۔

رانا ثناءاللہ نے کہا کہ دھماکے کے بعد ابتدائی رپورٹ میں تضاد تھااور دھماکے کی نوعیت سے متعلق فرانزک رپورٹ آنے تک حتمی رائے نہیں دی جاسکتی تھی،واقعے کی رپورٹ درج کرلی گئی ہے۔پاکستان سپر لیگ کے بارے بات کرتے ہوئے وزیرقانون نے کہا کہ پی ایس ایل سے متعلق پرسوں اجلاس ہوا تھا،جس میں تمام پہلووئوں کا جائزہ لیا ۔یاد رہے کہ گذشتہ روز لاہور میں ڈیفنس زیڈ بلاک کے ریسٹورنٹ میں دھماکہ ہونے سے 8 افراد جاں بحق جبکہ 21 زخمی ہوگئے تھے۔

شاہ رخ خان نے خواتین کو خوش کر دیا

ایمز ٹی وی ( انٹر ٹینمنٹ )بالی ووڈ میں شاہ رخ خان جہاں اپنے دوستوں کو قیمتی تحفے دینے کے لیے مشہور ہیں وہیں وہ اپنے ملازمین کو بھی نوازنے کا کوئی موقع ہاتھ سے نہیں جانے دیتے اور ویلنٹائن ڈے کووہ بھلا کیسے بھول جاتے اوراس موقع پر انہوں نے اپنے پروڈکشن ہاؤس میں کام کرنے والی خواتین کوخوش کردیا۔

زرائع کے مطابق شا ہ رخ خان نے ویلنٹائن ڈے پراپنی خواتین ملازمین کو خصوصی طور پر اپنے دفترمیں بلایا جہاں انہوں نے ملازمین سے بالمشافہ ملاقات کی اوران کے لیے نیک تمناؤں کا اظہارکیا ،اس موقع پر ملازمین کی بھی خوشی دیدنی تھی۔

اس ملاقات میں شاہ رخ خان ملازمین کو اپنے مخصوص اندازمیں تحفے تحائف دینا نہ بھولے، کنگ خان کی جانب سے اپنی ٹیم کی تمام خواتین کو تحفے میں گلاب کے پھول، مہنگے ہینڈ بیگز اوربہترین اسمارٹ فونز شامل تھے۔

آسٹریلوی بالرز کے ہاتھوں بھارتی کھلاڑیوں کی درگت

ایمز ٹی وی(اسپورٹس) آسٹریلوی کرکٹ ٹیم نے پہلے ٹیسٹ میچ میں بھارتی شیروں کی درگت بناتے ہوئے انہیں بھیگی بلی بنا دیا ہے اور پوری ٹیم کو 105 رنز پر پویلین بھیج دیا۔ بھارتی کھلاڑی اپنے ہی بنائے ہوئے جال میں پھنس گئے اور سٹیو او کیف کی گھومتی گیندوں سے ایسے چکرائے کہ صرف 11 رنز کے عوض 7 کھلاڑی آﺅٹ ہو گئے۔ بھارتی بلے بازوں کی اس قدر ناقص کارکردگی پر میڈیا کا بھی چیخ چیخ کر برا حال ہو گیا ہے۔

تفصیلات کے مطابق مہاراشٹرا کرکٹ ایسوسی ایشن اسٹیڈیم پونے میں کھیلے جا رہے میچ میں آسٹریلیا نے ٹاس جیت کر بیٹنگ کا فیصلہ کیا تو پوری ٹیم 260 رنز پر آﺅٹ ہو گئی۔ آسٹریلیا کی جانب سے میٹ رینشا 68 اور مچل سٹارک 61 رنز بنا کر نمایاں بلے باز رہے اور کوئی بھی بلے باز خاطر خواہ کارکردگی دکھانے میں کامیاب نہ ہو سکا۔

پہلی اننگز میں اتنے کم اسکور پر آﺅٹ کرنے کے بعد بھارتی ٹیم بہت ہی خوش تھی اور پہلا ٹیسٹ میچ جیتنے کی امید بھی لگا لی لیکن وہ نہیں جانتے تھے کہ ان کیساتھ آسٹریلیا سے بھی زیادہ برا سلوک ہونے والا ہے۔ بھارتی اوپنر لوکیش راہول نے سب سے زیادہ 64 رنز بنائے جس کے بعد تمام بلے باز خزاں کے پتوں کی طرح جھڑ گئے اور 8 کھلاڑی دوہرا ہندسہ عبور کرنے میں بھی ناکام رہے۔

ویرات کوہلی کو مچل سٹارک نے کھاتہ کھولے بغیر ہی پویلین بھیج دیا تو او کیف کی ”بمباری“ شروع ہو گئی جنہوں نے ایک ہی اوور میں 3 وکٹیں حاصل کیں جبکہ مجموعی طور پر 6 کھلاڑیوں کو آﺅٹ کیا جس کی بدولت بھارت کی پوری ٹیم صرف 105 رنز بنا کر آﺅٹ ہو گئی۔ بھارت بلے بازوں کی اس قدر ناقص کارکردگی پر اسٹیڈیم میں موجود شائقین حواس باختہ ہو گئے۔

ہدایت کار مہیش بھٹ کی نئی فلم ولیم شیکسپیئر کے ناول سے ماخوذ

ایمز ٹی وی( انٹر ٹینمنٹ)بھارت میں ایک طرف ہندوانتہا پسندوں کی جانب سے پاکستانی فنکاروں کے خلاف نفرت کی آگ ختم ہونے کا نام نہیں لے رہی تو دوسری جانب کئی بالی ووڈ فنکاروں نے پاکستانی فنکاروں کی حمایت کرتے ہوئے انتہا پسندوں پر شدید تنقید کی ہے تاہم اب مہیش بھٹ بھی دونوں ممالک میں کشیدگی کم کرانے کے لیے میدان میں آگئے ہیں۔انہوں نے پاکستانی اور بھارتی فنکاروں کو لے کر فلم بنانے کا اعلان کردیا ۔

معروف ہدایت کار مہیش بھٹ نے پاک بھارت کشیدگی کم کرنے اور دونوں ممالک میں ثقافتی تعلقات کو مضبوط کرنے کے لیے فلم بنانے کا اعلان کیا ہے یہ فلم ولیم شیکسپیئر کے ناول ’رو میو اینڈ جولیٹ‘ سے ماخوذ ہے جسے ’ملنے دو‘ کا نام دیا گیا ہے۔

ہدایت کار مہیش بھٹ کی فلم میں پاکستان اور بھارت سے تعلق رکھنے والے فنکار اور گلوکارشامل ہوں گے جبکہ فلم میں رومیو کے کردار کے لیے بھارتی اداکار عمران زاہد کو کاسٹ کیا گیا ہے جنہوں نے فلم کے گیت کے لیے پاکستانی گلوکارعلی ظفرکو پیشکش کی تصدیق بھی کی ہے۔ دوسری جانب مہیش بھٹ نے بھی فلم کی تصدیق کرتے ہوئے کہا ہے کہ فلم ولیم شیکسپیئر کے ناول سے ماخوذ ہے تاہم اس کا مرکزی خیال ہمارے مقصد کو اجاگر کرے گا۔

بوائز ہائی اسکول میں سائنس فیسٹیول کا انعقاد

ایمز ٹی وی (تعلیم /شکارپور) شکارپور کے شاہ عبداللطیف بوائز ہائی اسکول میں سائنس فیسٹیول کا انعقاد کیا گیا۔ تقریب میں سرکاری اور نجی اسکولوں کے طلباء وطالبات نے تقریری مقابلوں میں حصہ لیا ۔ طلباء میں پہلی پوزیشن شہزادوگل ابڑو، دوسری پوزیشن اویس کمبوہ جبکہ طالبات میں پہلی پوزیشن نمرا بروہی اور دوسری پوزیشن نرگس عباسی نے حاصل کی۔ نجی اسکولوں میں پہلی پوزیشن عبدالباسط بھٹو اور دوسری پوزیشن کشمالہ راہی نے حاصل کی۔

تقریب کےمہمان خصوصی میر بابل خان بھیوسمیت دیگر کی جانب سے جیتنے والے طلباء وطالبات میں انعامات تقسیم کئے۔ تقریب سے خطاب کرتے ہوئے میر بابل خان بھیو، صفدر امیر پہوڑ،افضل آرائیں نے کہا کہ سندھ صوفیوں کی سرزمین ہے یہاں سوچی سمجھی سازش کے تحت انتہا پسندی اور تشدد پسندی کی جڑیں مضبوط کی جارہی ہیں۔

منگھو پیر میں پولیس کا آپریشن 20 مشتبہ افراد گرفتار

ایمز ٹی وی(مظفر گڑھ) مظفرگڑھ میں سی ٹی ڈی نے کارروائی کرتے ہوئے6 دہشت گردوں کو ہلاک کر دیا جبکہ3 فرار ہوگئے۔ لاہور ، کراچی ، گوجرانوالہ ، ملتان ، اوکاڑہ سمیت کئی

شہروں میں سرچ آپریشن کے دوران 100سے زائد مشتبہ افراد کو حراست میں لے لیا گیا ۔ دہشت گردوں کے گرد گھیرا مزید تنگ ، مختلف شہروں میں کارروائیاں تیز کر دی گئیں، سی ٹی ڈی پولیس نے خفیہ اطلاع پرمظفرگڑھ کے علاقے پتی سلطان میں دہشت گردوں کے ٹھکانے پرچھاپہ مارا جس پر دہشت گردوں نے سی ٹی ڈی ٹیم پر فائرنگ کر دی۔

سی ٹی ڈی کی جوابی فائرنگ کے نتیجے میں6دہشت گرد ہلاک ہو گئے جبکہ3دہشت گرد اندھیرے کا فائدہ اٹھاتے ہوئے فرار ہونے میں کامیاب ہو گئے۔ سی ٹی ڈی ذرائع کے مطابق ہلاک ہونے والے دہشتگردوں سے اسلحہ اور ہینڈ گرینیڈ بھی برآمد ہوا ، ہلاک دہشتگردوں کی لاشوں کو ڈی ایچ کیو ہسپتال منتقل کر دیا گیا ۔ دوسری طرف ملک کے مختلف شہروں میں پولیس اور سیکورٹی فورسز کا سرچ آپریشن رات بھر جاری رہا ۔

کراچی کے علاقے منگھو پیر میں پولیس نے آپریشن کرتے ہوئے 20 مشتبہ افراد کو گرفتار کیا ۔ لاہور میں رینجرز نے کومبنگ آپریشن کے دوران نشتر کالونی سے چودہ مشتبہ افراد کو حراست میں لیا ۔ سیکورٹی اداروں نے گوجرانوالہ ، اوکاڑہ ، چنیوٹ ، ملتان سمیت پنجاب کے دیگر شہروں میں سرچ آپریشن کئے جس میں سو سے زائد مشتبہ افراد کو حراست میں لیا گیا۔

پاکستان اور ملائیشیا کے درمیان ویزا فری ریجیم وقت کی اہم ضرورت

ایمز ٹی وی(تجارت) ملائیشیا کے قونصل جنرل اسماعیل بن محمد بکری نے کہا ہے کہ پاکستان اور ملائیشیا کے درمیان ویزا فری ریجیم وقت کی اہم ضرورت ہے جس کے ذریعے دونوں برادراسلامی ممالک کے تاجر باہمی تجارت کو تیزی کے ساتھ وسعت دے سکیں گے۔

قونصل جنرل اسماعیل بن محمد بکری کا کہنا تھا کہ ملائیشیا کے پاکستانی تاجروں و صنعت کاروں کے ساتھ دیرینہ اورمستحکم تعلقات ہیں جسے باہمی تجارت کوفروغ دیتے ہوئے مزید مستحکم اور پائیدار کیا جاسکتا ہے۔ ملائشیا کی ہمیشہ سے یہ پالیسی رہی ہے کہ پاکستان کی سوپ انڈسٹری میں استعمال ہونے والے خام مال پام بائی پروڈکٹس کی سپلائی انتہائی مناسب قیمتوں پرکی جائے تاکہ انڈسٹری کے ساتھ عام صارفین بھی اس پالیسی سے استفادہ کرسکیں تاہم ملائشین قونصلیٹ دونوں ممالک کے تاجروں اور عوام کے درمیان موثر رابطے بڑھانے اور فوائد میں اضافے کے لیے متحرک ہے جبکہ قونصلیٹ پاکستانی سوپ انڈسٹری کے لیے ملائیشیا سے درآمد ہونے والے خام مال ودیگر معاملات سے متعلق مسائل اور رکاوٹوں کو دورکرنے کے لیے تیار ہے۔

دوسری جانب پاکستان سوپ مینوفیکچررز ایسوسی ایشن کے چیئرمین عبدﷲ ذکی نے کہا کہ ملائیشین قونصل جنرل کے پاکستانی تاجروں وصنعت کاروں کے ساتھ قریبی روابط اختیار کرنے سے دونوں ممالک کے دیرینہ تعلقات کو مزید تقویت حاصل ہوگی۔ انہوں نے کہا کہ صرف منظم شعبے کی سوپ انڈسٹری سے ڈھائی لاکھ افراد کا روزگاروابستہ ہے، پاکستان میں لانڈری سوپ کی پیداوارکا حجم 5 لاکھ ٹن، ٹائلٹ سوپ کی پیداوارکا حجم ڈیڑھ لاکھ ٹن، کاربولک سوپ کی پیداوارکا حجم 50ہزار ٹن اورڈٹرجنٹ کی پیداوارکا حجم پونے 2لاکھ ٹن ہے، صابن سازی کے لیے80 فیصد خام مال درآمد کیا جاتا ہے جبکہ مقامی خام مال کا حصہ20 فیصد ہے۔

عبداللہ ذکی نے کہا کہ منظم شعبے کی سوپ انڈسٹری قومی خزانے میں سالانہ 18ارب روپے مالیت کی محصولات کی ادائیگیاں کرتی ہے، سال 2016 میں ملائیشیا کے لیے پاکستان کی برآمدات 144ملین ڈالرجبکہ درآمدات کی مالیت 825 ملین ڈالرتھیں، اس طرح تجارت کا توازن ملائشیا کے حق میں ہے۔

چیئرمین عبداللہ ذکی نے مزید کہا کہ پاکستان اورملائیشیا اہم کاروباری شراکت دار ہیں اور اس تناظر میں دونوں ممالک کے درمیان باہمی تجارت کا حجم کم ازکم 1 ارب ڈالر ہوناضروری ہے، دونوں ممالک کے درمیان آزاد تجارتی معاہدے کی فعالیت انتہائی اہم ہے جبکہ سوپ مینوفیکچررزایسوسی ایشن کا نمائندہ وفد پیوک 2017 میں شرکت کرنے کوالالمپور روانہ ہوگا۔

انسداد پولیو مہم کا آغاز

ایمزٹی وی (صحت /جامشورو) ضلع جامشورو میں انسدادِ پولیو مہم جوکہ6سے9مارچ تک جاری رہے گی اس کے انتظامات کا جائزہ لینے کے متعلق ڈپٹی کمشنرمنور علی مہیسرکی زیر صدارت ان کے دفتر کےشہبازہال میں ایک اجلاس منعقد ہوا۔

اس موقع پر ڈی سی جامشورو نے کہا کہ اس مہم کے دوران جامع اور مربوط حکمت عملی کے تحت اسے ہر صورت میں کامیاب کرکے مطلوبہ ہدف حاصل کرنے کیلئے تمام تر اقدامات کئے جائیں اور اپنی پوری توجہ اسی مقصد کے حصول پر مرکوز کی جائے۔