ایمز ٹی وی(کشمیر) جرمنی کی سفیر اینا لیپل نے کہا کہ پاکستان غیر ملکی سیاحوں بالخصوص جرمن باشندوں کو وادیِ نیلم کی سیر کیلئے این او سی جاری کرے تو پاکستان میں سیاحوں کی آمد میں اضافہ ہو سکتا ہے ۔ وادیِ نیلم بہت خوبصورت ہے اس میں سیا حت کو فروغ دیا جائے ، جرمن سیاح صفائی پسند اور ماحول دوست ہیں ۔ان خیالات کااظہار انہوں نے منیجنگ ڈائریکٹر پاکستان ٹورزم ڈیویلپمنٹ کارپوریشن چوہدری عبدالغفور خان سے ملاقات کے دوران کیا۔ ایم ڈی پی ٹی ڈی سی نے کہاکہ جرمنی اپنے شہریوں کیلئے ٹریول ایڈوائزری پر نظر ثانی کرے تا کہ زیادہ سے زیادہ جرمن سیاح پاکستان کا وزٹ کریں ۔ جرمن سرمایہ کاروں کیلئے بھی پاکستان میں سیاحت کے شعبے میں سرمایہ کاری کے بے شمار مواقع موجود ہیں۔

یمز ٹی وی (کشمیر) صدر آزاد کشمیر سردار مسعود خان نے کہا ہے کہ کشمیر کو حاصل کئے بغیر پر امن ، مستحکم اور خوشحال پاکستان کا خواب شرمندہ تعبیر نہیں ہو سکتا،ان خیالات کا اظہار انہوں نے یہاں پنجاب یونیورسٹی کے شعبہ پاکستان سٹڈیز کے زیر اہتمام دو روزہ بین الاقوامی کانفرنس سے خطاب کر تے ہوئے کیا ،کانفرنس سے وائس چانسلر پروفیسر ڈاکٹر ظفر معین ناصر، پروفیسر ڈاکٹر حسن عسکری رضوی ، چین کے دانشوروں ڈاکٹر لیونیگ ، ڈاکٹر ہانگ چی ، ڈاکٹر شی کوانگ ، مقبوضہ کشمیر کے ممتاز صحافی اور دانشور مرتضیٰ شبلی اور دیگر نے بھی خطاب کیا ، بین الاقوامی کانفرنس کے سات سیشن تھے ،جن میں 42 اسکالرز نے اظہار خیال کیا۔صدر آزاد کشمیر نے کہا ہے کہ ہمیں دو طرفہ مذاکرات کے ڈرامے کو چھوڑ کر عالمی اداروں سے رجوع کرنا ہو گا۔ کشمیر میں کوئی دہشتگردی نہیں ہو رہی-

ایمزٹی وی (تعلیم /کوئٹہ )بی ایس او(پجار)کے مرکزی ترجمان نے کہا ہے کہ سردار بہادر خان ویمن یونیورسٹی میں وائس چانسلر اور یونیورسٹی انتظامیہ کی ملی بھگت سے یونیورسٹی کے کلیدی پوسٹوں پر بندر بانٹ جاری ہے۔ وائس چانسلر کے بلوچوں کے خلاف سازش کا وائٹ پیپر جلد شائع کریں گے ادارے میں بلوچ تعلیم یافتہ نوجوانوں پر ملازمتوں کے دروازے بند کیے جارہے ہیں جوقبول نہیں ترجمان نے کہاکہ یونیورسٹی کے اہم عہدوں پر بغیر اشتہار کے من پسند لوگوں کو تعینات کرنا خلاف قانون ہے اگر موجودہ صورتحال کانوٹس نہ لیاگیاتو بی ایس او پجار احتجاج پرمجبور ہوگی۔

ایمز ٹی وی (انٹرٹینمنٹ)ویسے تو ایک ارب روپے کسی فلم کو بنانے کے لیے بھی کافی سے زیادہ ہیں مگر ایک فلم میں تو صرف ایک گانے کا بجٹ ہی اتنا ہے۔ جی ہاں واقعی یہ دنیا کا مہنگا ترین فلمی گانا قرار دیا گیا ہے جس کے لیے ایک کروڑ ڈالرز (ایک ارب پاکستانی روپے سے زائد) سے زائد کا خرچہ کیا گیا۔یہ ڈزنی اسٹوڈیوز کی اگلے ماہ ریلیز ہونے والی فلم بیوٹی اینڈ دی بیسٹ کا ایک گانا ہے جس میں ایما واٹسن مرکزی کردار میں نظر آئیں گی۔ یہ فلم اسی نام سے ماضی میں ریلیز ہونے والی اینیمیٹڈ فلم کا لائیو ایکشن ریمیک ہے جس کے گانے بھی ایما واٹسن اور دیگر اداکاروں پر فلمائے گئے ہیں۔اس فلم کا گانا Be Our Guest تاریخ کا سب سے مہنگا گیت ثابت ہوا ہے۔ فلم کے ڈائریکٹر بل کونڈن نے اس کا انکشاف کرتے ہوئے بتایا کہ اس فلم کے بیشتر سیکونس کے لیے سی جی آئی اینمیشن ٹیکنالوجی کو استعمال کیا گیا ہے۔ ان کا کہنا تھا کہ ساڑھے تین منٹ اس فلم کی لاگت کئی فلموں کے مجموعی بجٹ سے بھی زیادہ ہے بلکہ یہ اب تک فلمائے جانے والا سب سے مہنگا گانا ہے۔اس گانے کی جھلک تو سامنے نہیں آسکی ہے تاہم ایک اور گانا ضرور یوٹیوب پر ریلیز کیا گیا ہے۔ واضح رہے کہ یہ ایک میوزیکل فلم ہے، جسے بچوں کے ساتھ ساتھ بڑے بھی کافی شوق سے دیکھ سکیں گے۔اس سے قبل ڈزنی فلم 'سنڈریلا' کا بھی ریمیک پیش کیا جاچکا ہے، جسے شائقین نے کافی پسند کیا۔ اس فلم کا پہلا ٹیزر گزشتہ سال مئی جبکہ ٹریلر نومبر میں ریلیز کیا گیا تھا۔اس فلم کو 17 مارچ کو دنیا کے مختلف حصوں میں نمائش کے لیے پیش کیا جائے گا۔