ایمزٹی وی (کھیل) برسبین کرکٹ گراؤنڈ میں کھیلےگئے میچ کا فیصلہ چوتھے ہی روز ہوگیا۔ بھارت نے چوتھے روز اپنی نامکمل اننگز ایک وکٹ پر 71 رنز سے کیا تو پوری ٹیم 224 رنز پر ڈھیر ہوگئی۔مہمان ٹیم کی جانب سے شیکردھاون 81 رنز کے ساتھ ٹاپ اسکورر رہے جب کہ چتیشور پجارا 43، اومیش یادیو 30 اور مرالی وجے 27 رنز کے ساتھ نمایاں رہے اور پوری ٹیم 224 رنز بنا سکی جب کہ آسٹریلیا کو جیت کے لئے 127 رنز کا ہدف ملا۔
کینگروز بلے باز ہدف کے تعاقب میں میدان میں اترے تو وقفے وقفے سے وکٹیں گنواتے ہوئے، میزبان آسٹریلیا کو 18 کے مجموعی اسکور پر ڈیوڈ وارنر کی صورت میں پہلے نقصان کا سامنا کرنا پڑا جو صرف 6 رنز بنا سکے جس کے بعد آنے والے بیٹسمین شین واٹسن بھی بغیر کوئی رنز بنائے ایشانت شرما کی گیند پر وکٹ کیپر کو کیچ دے بیٹھے۔ 85 کے مجموعے پر اوپننگ بلے باز کرس روجر 55 رنز بنانے کے بعد پویلین لوٹ گئے جب کہ شان مارش بھی زیادہ دیر وکٹ پر نہ ٹھہر سکے اور 17 رنز بنانے کے بعد کیچ آؤٹ ہوگئے، اسٹیو اسمتھ 28 اور بریڈ ہیڈن ایک رنز بنانے کے بعد میدان بدر ہوگئے تاہم مچل مارش 6 اور مچل جانسن 2 رنز بنانے کے ساتھ ناٹ آؤٹ رہے۔
بھارت کی جانب سے ایشانت شرما نے 3 اور اومیش یادیو نے 2 وکٹیں حاصل کیں جب کہ میچ میں بہترین کارکردگی پیش کرنے والے کینگروز آل راؤنڈر اسٹیون اسمتھ کو مین آف دی میچ قرار دیا گیا۔
ایمز ٹی وی (مانیٹرنگ ڈیسک) امام کعبہ نے سانحہ پشاور پر
اپنے بیان میں کہا ہے کہ معصوم بچوں کے قاتل کو اللہ کبحی معاف نہیں کرتا
اسکولوں پر حملے سے اسلام کا چہرہ مسخ ہوا ہے
ایمز ٹی وی ( کراچی) سانحہ پشاور کے خلاف سول سوسائٹی کا احتجاجی مظاہرہ جاری ہے سول سوسائٹی سے تعلق رکھنے والے افراد کا کہنا ہے کہ اب دہشت گردوں اور
ان کے حامیوں سے براہ راست جنگ کی ضرورت ہے۔سول سوسائٹی سے تعلق رکھنے والے افراد کا کہنا ہے کہ اب علم اور جہالت کی جنگ ہے ایک طرف جہالت ہو اور دوسری طرف علم۔
ایمزٹی وی(لاہور) پنجاب میں پھانسی کے رولز تبدیل، بلیک وارنٹ کے بعد 14 سے 21 روز کی مہلت ختم، بلیک وارنٹ جاری ہوتے ہی مجرم کو پھانسی دیدی جائیگی۔ پورے پنجاب میں سزائے موت کے قیدیوں کے سیلوں کے باہر پہرہ سخت کر دیا گیا جبکہ پھانسی کی سزا کے قانون میں ترمیم کر دی گئی ہے۔ جیل ذارئع کے مطابق پھانسی کے رولز جیل قانون 15 کے تحت تبدیل کئے گئے ہیں جس میں ڈیتھ وارنٹ اور بلیک وارنٹ جاری ہوتے ہی پھانسی پر لٹا دیا جائے گا۔ پہلے قوانین کے مطابق ڈیتھ وارنٹ اور بلیک وارنٹ کے بعد سے 14 سے 21 روز کی مہلت ختم کر دی گئی ہے اب ورثا سے معافی کیلئے وقت کی مہلت نہیں ملے گی۔ذرائع کے مطابق پنجاب کی جیلوں میں سزائے موت کے 6 ہزار 358 قیدی موجود ہیں جبکہ نئے جلاد بھی بھرتی کرنے کا فیصلہ کیا گیا ہے۔ دوسرے مرحلے میں 45 مجرموں کو لٹکایا جائے گا۔ ذارئع کے مطابق سزا یافتہ 5 سو مجرموں کے معاملات پر حتمی فیصلہ فوری ہوگا اورمجموعی طور پر7 ہزار ایک سو 35 مجرم لٹکائیں جائیں گے۔ دوسری طرف دہشت گردوں کو پھانسی کا کاؤنٹ ڈاؤن شروع ہوتے ہی جیلوں پر حملوں کا خدشہ ہے جسکے باعث پھانسیاں دینے سے قبل پورے پنجاب میں سیکیورٹی الرٹ کر دی گئی۔ تمام جیلوں کے اندر اور باہر کمانڈوز تعینات کر دیئے گئے ہیں۔
ایمزٹی وی (تجارت) یورپی یونین کی جانب سے پاکستان کو دی جانے والی تجارتی مراعات کے باعث گزشتہ سال کے مقابلے رواں سال 90 کروڑ ڈالر زائد مالیت کی برآمدات یورپی ممالک کو بھیجی گئیں۔ جی ایس پی پلس مراعات کے ثمرات سمیٹتے ہوئے پاکستان کی جانب سے یورپی خطے کو کی جانے والی ایکسپورٹس میں اضافہ دیکھا گیا۔ رواں سال جنوری تا ستمبر5 ارب 67 کروڑ ڈالر مالیت کی برآمدات بھیجی گئی جبکہ گزشتہ سال اسی عرصے میں ایکسپورٹس کا حجم 4 ارب 76 کروڑ ڈالر تک محدود تھا۔ وزارت تجارت کے مطابق دہشت گردی کے خلاف جنگ میں حکومت پاکستان کو یورپی یونین کی مکمل حمایت حاصل ہے اور دہشت گردوں کے لیے سزائے موت کے اعلان سے تجارتی مراعات پر کوئی اثر نہیں پڑے گا۔
ایمزٹی وی (سیاسی) لاہور کی کوٹ لکھپت جیل کے اندر اوراسکے اطراف میں سیکورٹی ہائی الرٹ کردی گئی۔ لاہور کی سینٹرل جیل کے اطراف میں رینجرز اور پولیس کی نفری بڑھادی گئی۔ جیل کی طرف جانے والے راستوں پرپولیس کی بھاری نفری تعینات کردی گئی ہے۔ جیل کے قریب واقع رہائشی علاقوں کو جانے والے راستے بھی بند کردیے گئے ہیں اورمکینوں کو متبادل راستے اختیار کرنے کی ہدایات دی گئی ہے ۔
ایمزٹی وی(کراچی) سانحہ پشاور کے خلاف چوتھے روز کراچی پریس کلب کے باہراسکول کے طلباء نے المناک واقعہ پر احتجاج کیا، شہداء کی یاد میں شمعیں روشن کیں۔ سانحہ پشاور میں قوم کے مستقبل کو دہشت گردوں نے اپنی بربریت کا نشانہ تو بنا ڈالا لیکن اس سانحہ پر پوری قوم کا حوصلہ نہ صرف بلند ہوا بلکہ بچوں نے بھی دہشت گردوں کو پیغام دے ڈالا کہ وہ ڈرنے والے نہیں۔ کراچی پریس کلب کے باہر نجی اسکول کے طلباء نے شہداء سے اظہار یکجہتی اور اس واقعہ کے خلاف احتجاج کیا۔ اس موقع پر بچے پرُعزم اور حوصلے چٹان نظر آئے۔ بچوں کے ساتھ ساتھ اساتذہ بھی باہمت تھے۔ انکا کہنا تھا کہ ایسی کاروائیاں ملک کے معماروں پر وار ہے لیکن بزدل دہشتگرد نہ تو اس قوم کو ہرا سکتے ہیں نہ معماروں سے انکا مستقبل چھین سکتے ہیں۔ احتجاج میں بچوں نے شہداء کی یاد میں شمعیں بھی روشن کیں، دہشت گردی کے خلاف اور پاک افواج اور امن کے حق میں نعرے لگائے اور اس عزم کا اظہار کیا کہ وہ ملک کو دہشت گردی کے ناسور سے نجات دلانے میں اپنا کردار ادا کریں گے ۔
ایمزٹی وی (تجارت) روشنیوں کے شہر کی روشنیاں بڑھانے کیلئے کے الیکٹرک اور اینگرو کے درمیان ایل این جی سے بجلی کی پیداوار حاصل کرنے کیلئے معاہدات طے پاگئے۔ کے الیکٹرک کے مطابق اس معاہدے کے تحت کراچی الیکٹرک کمپنی پاکستان میں پہلا ایل این جی ٹرمینل قائم کرنے والی اینگرو کمپنی سے ایل این جی خریدے گی۔ منصوبے کے تحت پورٹ قاسم پر 225 میگاواٹ کا ایل این جی سے چلنے والا پاور پلانٹ لگایا جائے گا۔ اس حوالے سے بین الاقوامی امریکی کمپنی جنرل الیکٹرک نے پاور پلانٹ کی تعمیر میں دلچسپی کا اظہار کیا ہے۔ ماہرین کا کہنا ہے کہا ملک میں تیزی سے کم ہوتے گیس کے ذخائر کے پیش نظر ایل این جی سے بجلی کی پیداوار کا منصوبہ خوش آئند ہے جس سے نسبتاً سستی بجلی حاصل ہوگی ۔
ایمزٹی وی (سیاسی) پاکستان پیپلز پارٹی کے چیئرمین بلاول بھٹو زرداری نے کہا ہے کہ سانحہ پشاور پرغم و غصے کیلئے میرے پاس الفاظ نہیں، واقعے پر شدید افسوس ہے۔ ایک بیان میں بلاول بھٹو کا کہنا تھا کہ طالبان کے خلاف فوری کارروائی کی جائے اور انہیں انصاف کے کٹہرے میں لایا جائے۔ بلاول بھٹو نے کہا کہ ہمیں طالبان کے خلاف متحد ہونا چاہئے ۔
ایمز ٹی وی(اسلام آباد) علامہ اقبال انٹرنیشنل ائیرپورٹ پر میڈیا سےگفتگو کرتے ہوئے سابق وزیرداخلہ رحمان ملک کاکہناتھاکہ کہ پشاور میں اسکول پر حملے میں طالبان کے ساتھ داعش بھی شامل ہے، بچوں کو اس طرح مارنے کا انداز داعش کا ہے، افغانستان کو واضح طور پر کہنا چاہیے کہ ہمارے مطلوب افراد کو ہمارے حوالے کیا جائے۔سابق وزیرداخلہ رحمان ملک نے کہاہےکہ متعدد طالبان داعش میں شامل ہوگئے ہیں، انہیں روکنے کے لیے مؤثر حکمت عملی اپنانا ہوگی۔ پیپلزپارٹی نے ہمیشہ بہادری سے کام لیا اورپیپلزپارٹی نے مالاکنڈ اورسوات میں اپریشن کیا۔انہوں نے کہاکہ میرے سواکسی نےطالبان کوظالمان نہیں کہا۔انہوں نےکہاکہ کالعدم تنظیموں کے نوگوایریاز میں کوئی کارروائی نہیں کی گئی۔ رحمان ملک نے کہا ہےدہشت گردی میں ملوث افراد کے لئے کسی طوررحم نہیں ہوگا۔۔انہوں نے کہاکہ افغانستان کوآنکھیں کھلی رکھنی چاہئیں جب ان سےلوگوں کومانگتے ہیں تووہ نہیں دیتے۔