ایمز ٹی وی (تعلیم )حیدرآباد کے مادھا پور میں واقع ایک جونیئر کالج کی طالبہ نے پھانسی لگاکر خود کشی کرلی۔ اس کی شناخت گدوال کی رہنے والی ارونا کے طور پر کی گئی ہے جو طویل عرصے سے نیٹ امتحان کی تیاری کررہی تھی۔ پولیس کو ایک سوسائڈ نوٹ ملا جس میں اس نے تحریر کیا کہ وہ تعلیم پر مزید توجہ نہیں دے سکتی اوراس سلسلے میں دباﺅ ناقابل برداشت ہے اس لئے وہ یہ انتہائی اقدم کررہی ہے۔پولیس نے لاش قبضے میں لیکر پوسٹ مارٹم کیلئے عثمانیہ اسپتال منتقل کردیا۔

ایمزٹی وی (دیربالا) دیر بالا میں لواری ٹاپ کے قریب مسافر بس کھائی میں گرنے سے 10افرادجاں بحق ا ور متعدد زخمی ہو گئے ۔ میڈیا ذرائع کے مطابق لواری ٹاپ کے قریب مسافروں سے بھری بس تیز رفتاری کے باعث بے قابو ہو کر گہری کھائی میں جا گری ، حادثے میں خواتین اور بچوں سمیت 10افراد جاں بحق جبکہ کئی زخمی ہیں جنہیں نکال کر ہسپتال منتقل کرنے کیلئے امدادی ٹیمیں روانہ کر دی گئی ہیں ۔ ذرائع کا کہنا ہے کہ بس دیر بالا سے چترال جا رہی تھی کہ لواری ٹاپ کے مقام پر حادثے کا شکار ہوئی جس کے بعد امدادی ٹیموں کو روانہ کر دیا گیاہے جبکہ ڈی ایچ کیو ہسپتال میں ایمرجنسی نافذ کر دی گئی ہے۔

ایمزٹی وی(لاہور) سرگودھا کے نواحی گاﺅں میں سلنڈر دھماکے سے 2بچیاں جاں بحق ہو گئیں ۔ میڈیا ذرائع کے مطابق سرگودھا کے نواحی گاﺅں کے ایک گھر میں گیس لیکج کے باعث ہونے والے سلنڈر دھماکے سے سگی بہنیں جاں بحق جبکہ والدہ اور ایک بہن جھلس کر زخمی ہو گئیں جنہیں ہسپتال منتقل کر دیا گیا ہے عینی شاہدین کا کہنا ہے کہ دھماکا سلنڈر لیکج کی وجہ سے ہوا جس سے 2بچیوں کی زندگیوں کے چراغ گل کر دیے تاہم واقعے کے بعد ریسکیو حکام نے موقع پر پہنچ کر زخمی خاتون اور بچی کو تشویشناک حالت میں ہستپال منتقل کر دیا ہے جبکہ لاشیں پولیس نے قبضے میں لے لی ہیں ۔ مرنے والی دونوں بچیاں سگی بہنیں تھیں جن کی والدہ اور بہن زخمی ہے ۔