ایمزٹی وی(اسلام آباد)معروف ایٹمی سائنسدان ڈاکٹر عبدالقدیر نے کہاکہ الطاف حسین سے جان چھوٹی تو عمران خان نے وہ خلاءپرکردیا ,مجھے یقین ہے کہ لاتعداد لوگ ان کی روز روز کی الزام تراشیوں سے پریشان ہوگئے ہیں.

انہوں کہا کہ عمران خان کو بار بار یہ باتیں دہرانے کے علاوہ کچھ نہیں آتا۔ان کا کہنا تھا کہ عمران خان اس خام خیالی کا شکار ہیں کہ ان کے دھرنوں کی وجہ سے نواز شریف مستعفی ہوجائیں گے یا ملک میں امن وامان کا فقدان پیدا کریں گے تو حکومت ختم ہوجائے گی۔ اپنے ایک آرٹیکل میں ڈاکٹر عبدالقدیر خان نے لکھا کہ جب ڈکٹیٹر آتا ہے تو وہ ہمیشہ اپنے مفادات ساتھ لاتا ہے میں نے خود جنرل ضیاءاور جنرل مشرف کے دور میں یہ حالات دیکھے ہیں۔

ایمزٹی وی(کوئٹہ)حکومت بلوچستان نے پولیس ٹریننگ سینٹر پر حملے کے خلاف 3 روزہ سوگ کا اعلان کر دیا ہےجبکہ صوبے بھر میں سرکاری عمارتوں پر قومی پرچم سرنگوں رہے گا۔

واضح رہے کہ سریا ب میں پولیس ٹریننگ سینٹر پر خودکش حملوں کے نتیجے میں 60 اہلکار شہید اور5 فوجی جوانوں سمیت 120زخمی ہوئے۔ آئی جی ایف سی کا کہنا ہے کہ دہشت گردوں کا تعلق لشکر جھنگوی العالمی سے تھا جو افغانستان سے ہدایات لے رہے تھے۔

ایمز ٹی وی ( کوئٹہ) افغانستان کی پاکستان میں مداخلت کا ایک اور ثبوت منظرعام پر آ گیا۔ کوئٹہ کے پولیس ٹریننگ کالج حملے میں ملوث دہشت گردوں کو افغانستان سے ہدایات ملنے کا انکشاف کیا گیا ہے۔

آپریشن مکمل ہونے کے بعد آئی جی ایف سی میجر جنرل شیرافگن نے صحافیوں سے گفتگو کرتے ہوئے کہا کہ حملہ آور دہشت گردوں کو افغانستان سے ہدایات مل رہی تھیں جبکہ دہشتگردوں کا تعلق کالعدم تنظیم لشکر جھنگوی العالمی سے تھا۔

وزیرداخلہ بلوچستان نے حملے کے وقت ہاسٹل میں سات سو پولیس اہلکاروں کی موجودگی کی تصدیق کی اور فورسز کے بروقت اور موثر آپریشن کو قابل تعریف قرار دیا۔

ان کا کہنا تھا فورسز کی بروقت کارروائی نے دہشتگردوں کو محدود رکھا۔ سرفراز بگٹی کا کہنا تھا کہ حملے میں ملوث دہشت گردوں میں سے ایک کی شناخت ہو گئی، خودکش بمبار کی عمر 12 سال کے قریب ہے

ایمز ٹی وی ( اسلام آباد) وزیراعظم نوازشریف نے حملے کی پرزور مذمت کی ہے۔ وزیراعظم نوازشریف کا کہنا ہے کہ دہشت گرد قوم کے حوصلے پست نہیں کر سکتے ، حملے کے منصوبہ سازوں کا پیچھا کیا جائے گا ، دہشت گردوں کے خلاف جنگ کو منطقی انجام تک پہنچائیں گے ۔

کوئٹہ پولیس ٹریننگ سینٹر پر حملے کے بعد وزیراعظم ہاؤس میں مانیٹرنگ سیل قائم کر دیا گیا ۔ بلوچستان کے حکام نے وزیراعظم کو آپریشن سے متعلق لمحہ بہ لمحہ باخبر رکھا ۔

وزیراعلیٰ بلوچستان ثنا اللہ زہری کا کہنا ہے کہ دہشت گردوں کے سرپرستوں کو کہیں چھپنے کی جگہ نہیں دیں گے ۔

وزیرداخلہ چودھری نثاراور وزیراطلاعات پرویزرشید نے بھی حملے کی مذمت کی اور قیمتی جانوں کے ضیاع پر افسوس کا اظہارکرتے ہوئے کہا کہ حملہ آور امن اور ترقی کے دشمن ہیں ، آہنی ہاتھوں سے نمٹیں گے ۔

ایمزٹی وی(کوئٹہ)وزیراعظم نوازشریف تمام سرکاری مصروفیات منسوخ کرکے کوئٹہ کے لئے روانہ ہوگئے ہیں جبکہ آرمی چیف جنرل راحیل شریف بلوچستان کے دارالحکومت پہنچ گئے ہیں۔

کوئٹہ کے پولیس ٹریننگ کالج میں ہونے والے خود کش حملوں میں 59زیر تربیت اہلکاروں کی شہادت کے بعدوزیراعظم نوازشریف کی زیرصدارت امن و امان کا اجلاس طلب کیا گیا ہے ۔

اس خبر کو بھی پڑھیں

آئی ایس پی آر کے مطابق آرمی چیف جنرل راحیل شریف کے ہمراہ ڈی جی آئی ایس آئی اور ڈی جی ملٹری انٹیلی جنس بھی کوئٹہ پہنچے ہیں ۔

آرمی چیف کی آمد کے موقع پر علاقے کی فضائی نگرانی کی گئی اور سیکورٹی کو بھی الرٹ رکھا گ

ایمزٹی وی(کوئٹہ)چیف آف آرمی اسٹاف جنرل راحیل شریف کوئٹہ پہنچ گئے جہاں انہیں پولیس ٹریننگ سنٹر ہاسٹل پر گزشتہ رات دہشت گردوں کے حملے کے حوالے سے بریفنگ دی جائے گی
میڈ یا رپورٹس کے مطابق آرمی چیف جنر ل راحیل شریف ڈی جی آئی ایس آئی اور ڈی جی ایم آئی کے ہمراہ کوئٹہ پہنچے ہیں ۔

اس موقع پر آرمی چیف جنرل پولیس ٹریننگ سنٹر ہاسٹل کا دورہ کریں گے اور زخمیوں کی عیادت کے لیے ہسپتال بھی جائیں گے ۔سیکیورٹی اداروں کی جانب سے جنرل راحیل شریف کو دہشت گردوں کے اس حملے کے حوالے سے بریفنگ بھی دی جائے گی ۔ادھر وزیراعظم بھی کچھ دیر بعد کوئٹہ پہنچیں گے جہاں ان کی زیر صدارت اعلیٰ سطح کا اجلاس ہو گا جس میں صوبے کی سیکیورٹی سے متعلق اہم فیصلے متوقع ہیں ۔

واضح رہے کہ گزشتہ رات کوئٹہ میں پولیس ٹریننگ سنٹر ہاسٹل میں تین دہشت گردوں نے حملہ کر دیا جس کے نتیجے میں 58اہلکار شہید جبکہ 117سے زائد زخمی ہو گئے

ایمزٹی وی(کوئٹہ) کوئٹہ میں سریاب پولیس ٹریننگ سینٹر پر خودکش حملے کے دوران سی 4دھماکا خیز کیمیکل استعمال کیا گیا ۔

ذرائع کے مطابق تین مسلح دہشت گردوں نے رات گیارہ بجے کے بعد سریاب پولیس ٹریننگ سینٹر پر دھاوا بول دیا ، واچ ٹاور پر گارڈ کو شہید کرنے کے بعد حملہ آور فائرنگ کرتے ہوئے کمپاﺅنڈ اور ہوسٹل میں داخل ہو گئے جہاں 2نے خود کو دھماکے سے اڑا لیا ، دہشتگردوں نے دھماکہ خیر کیمیکل سی 4کا استعمال کیا جو آگ بھڑکانے کیلئے استعمال کیا جاتا ہے ۔

آئی جی ایف سی کے مطابق ایک دشت گرد کو سیکیوٹی فورسز نے فائرنگ کر کے ہلاک کر دیا تاہم دیگر 2 حملہ آور کمپاﺅنڈ تک پہنچنے میں کامیاب ہو ئے جنہوں نے وہاں جا کر خودکش حملہ کیا ۔ دہشتگردوں کے پاس خودکش جیکٹس کے علاوہ 4دھماکہ خیز مواد بھی موجود تھا جس سے کمپاﺅنڈ میں آگ بھڑک اٹھی اور اس قدر بڑی تعداد میں شہادتیں ہوئی ۔

ذرائع کا کہنا ہے کہ سی 4دھماکہ خیز مواد انتہائی خطرناک ہوتا ہے جس سے دھماکے کے بعد آگ بھڑکتی ہے اور ہلاکتوں کو باعث بنتی ہے ۔

ایمزٹی وی (کوئٹہ)کوئٹہ کے علاقے سریاب میں پولیس ٹریننگ سینٹر پر دہشت گرد وں کا حملہ ،سینٹر کے ہاسٹل پر قبضہ ، فائرنگ سے59 زیر تربیت اہلکار شہید ،جبکہ 116 اہلکار زخمی ہوگئے۔ تین دہشت گردوں کو مار دیا گیا ، 250 سے زائد زیر تربیت اہلکاروں کو بازیاب کرالیا گیا ۔علاقہ 4گھنٹے بعد کلیئر قرار دے دیا گیا ۔

پولیس حکام نے بتایا کہ سریاب روڈ پر واقع پولیس ٹریننگ سینٹر میں تین مسلح افراد داخل ہوئے جنہوں نے پولیس ٹریننگ سینٹر کے ہوسٹل میں مورچہ سنبھال کر فائرنگ کردی جس کے نتیجے میں اب تک 59 اہلکار شہید جبکہ 116 اہلکار زخمی ہوئے ہیں جنہیں طبی امداد کیلئے سول ہسپتال کوئٹہ اور بولان میڈیکلکمپلیکس منتقل کر دیا گیا ہے جہاں ان کی حالت خطرے سے باہر بتائی جاتی ہے۔

میں ایف سی اور پاک فوج کے بھی اہلکار شامل ہیں ،جن میں سے 8 کی حالت نازک بتائی جاتی ہے۔ دہشت گردوں کے حملے کی اطلاع ملنے ہی پولیس اور ایف سی کی بھاری نفری موقع پر پہنچ گئی اور سینٹر میں داخل ہوکر ہاسٹل اور حملہ آوروں کو گھیرے میں لے لیا۔

فورسز نے ایک حملہ آور کو مار گرایا جبکہ دو خودکش حملہ آوروں نے خود کو دھماکہ سے اڑا لیا ۔ پولیس ٹریننگ سینٹر پر حملہ کے بعد کوئٹہ کے تمام سرکاری ہسپتالوں میں ایمرجنسی لگادی گئی تھی ۔سیکرٹری صحت بلوچستان نے امدادی کاروائیوں کی خود نگرانی کی۔

بولان میڈیکل اسپتال میں 100 سے زائد زخمی لائے گئے ہیں جبکہ 16 ذخمیوں کو سول اسپتال کوئٹہ لایا گیا ہے۔آپریشن کے دوران ہاسٹل میں تین دستی بم کے دھماکوں سمیت 5 دھماکے سنے گئے ، پولیس ،ایف سی اور پاک آرمی کے اہلکاروں نے چار گھنٹے کے آپریشن کے بعد ڈھائی سو سے زائد اہلکاروں کو بازیاب کرالیا ۔

ایمزٹی وی(کوئٹہ)کوئٹہ پولیس ٹریننگ سینٹر میں دستی بم کے 3 دھماکےسنےگئے ہیں ذرائع کا کہنا ہے کہ دھماکوں کے بعد ہاسٹل کےاطراف میں آگ لگ گئی ہے۔

ذرائع کے مطابق دھماکوں کےبعد آگ پر قابو پانے کےلیے فائر بریگیڈ کی 5 گاڑیاں موقع پر پہنچ گئی ہیں اور ابھی یہ اطلاعات سامنے آرہی ہیں کہ آگ پر جزوی طور پر قابو پالیا گیا ہے۔

ذرائع کے مطابق ایف سی اور پولیس کی بھاری نفری نے ٹریننگ سینٹر کو گھیرے میں لے لیا ہے۔اس سے قبل 5 سے 6 دہشت گردوں نے ٹرینگ سینٹر پر حملہ کیا تھا جس کے جواب میں سیکورٹی فورسز کی جانب سے بھر پور جوابی کارروائی جاری ہے ۔

ایمزٹی وی(اسلام آباد)پاکستان مسلم لیگ ن کے رہنماءطلال چودھری نے کہا ہے کہ ناچ گانے کے لیے 100 روپے کا ٹکٹ برا نہیں، عمران خان نے تو چنے کی ریڑھی بھی نہیں لگائی یہ دولت کہاں سے آئی ؟
پاکستان مسلم لیگ ن کے رہنماءطلال چودھری نے کہا ہے کہ کیا ان کے پاس تحریک عدم اعتماد کے لیے اکثریت ہوجائے گی ؟اسلام آباد سو دن میں بند رہے تو نتیجہ کیا آئے گا ؟

شیخ رشیدایسا تاثرپیدا کررہے ہیں کہ انکی تحریک کے پیچھے اہم ، قابل عزت ادارہ ہے،یہ چاہتے ہیں کہ دنیا میں یہ تاثر دیا جائے کہ حکومت چلنے کے قابل نہیں،اسلام آباد بند کرنے کا جواز اب نہیں رہا ، عمران خان کہتے تھے کہ ادارے اپنا کام نہیں کررہے۔

انہوں نے کہا ہے کہ دوسروں کی تلاشی لینے والے اپنی تلاشی پر تیار نہیں ، ہمارے سیکیورٹی اداروں نے ان کو بھی روکا ،ہم تو یہ اسپتال بنانے والے ہیں آپ اس اسپتال کے پیچھے چھپتے ہیں ، ناچ گانے کے لیے 100 روپے کا ٹکٹ برا نہیں،آپ لوگوں سے 100 ، 100 روپے لیکر عوام کا روزگار بند کرنا چاہتے ہیں، ہم اسپتال پر حملہ نہیں کرتے آپ اسپتال کے پیچھے چھپتے ہیں۔

انہوں نے عمران خان کو مخاطب کرتے ہوئے کہا ہے کہ آپ نے تو چنے کی ریڑھی بھی نہیں لگائی یہ دولت کہاں سے آئی ؟کبھی مودی کایارکہتے ہیں یہودی بچوں کاباپ اس طرح کی باتیں کریں تواچھانہیں لگتا۔