ایمز ٹی وی(کراچی)بلوچستان شیعہ کانفرنس ، متحدہ قومی موومنٹ، عوامی نیشنل پارٹی اور تحریک انصاف سمیت کئی جماعتوں نے یوم سوگ کی حمایت کی ہے۔ ایم ڈبلیو ایم کی جانب سے کراچی کے مختلف مقامات پر دھرنے جاری ہیں۔ شکارپور دھماکےمیں ہلاکتوں کی تعداد 60 ہو گئی
نمائش چورنگی پر مظاہرین کی بڑی تعداد جمع ہوئی، اس سے پہلے ملیر نیشنل ہائی وے پر امامیہ اسٹوڈنٹس آرگنائزیشن کے تحت مظاہرین نے دھرنا دیا گیا اور سڑک بلاک کر دی گئی، جس کے باعث سڑک پر گاڑیوں کی لمبی قطاریں لگ گئیں۔ نیشنل ہائی وے کی بندش پر عام شہریوں کی جانب سے بھی احتجاج کیا گیا، شہریوں کا کہنا تھا کہ کراچی کی مرکزی شاہراہ کی بندش سے عام افراد کو کیوں تنگ کیا جا رہا ہے، حکومت کے خلاف احتجاج میں عام شہریوں کو تکلیف میں مبتلا کرنا انتہائی نامناسب فعل ہے۔ ملیر میں عام شہریوں اور احتجاج کرنے واولے افراد کے درمیان تلخ کلامی بھی ہوئی جس کے بعد پولیس نے گاڑیاں کھڑی کرکے عام شہریوں اور احتجاج کرنے والے مظاہرین میں فاصلہ پیدا کیا البتہ شاہراہ کو نہیں کھولا جا سکا۔ انچولی میں بھی احتجاجی ریلی نکالی گئی جبکہ رات گئے تک کھلی رہنے والی دکانوں پر تالے پڑے رہے۔ شکار پور میں بھی احتجاج کا سلسلہ جاری رہا، جیکب آباد، ٹنڈوالہیار اور نوابشاہ سمیت سندھ کے دیگر شہروں بھی مختلف شیعہ تنظمیوں کی جانب سے سانحے کے خلاف احتجاج اور مظاہرے کیے گئے۔ دوسری جانب ایم ڈبلیو ایم نے کراچی کے تاجروں اور ٹرانسپورٹرز سے ہڑتال کامیاب بنانے کی اپیل کی ہے۔ شکار پور کی امام بارگاہ میں دہشت گردی پر مجلس وحدت مسلمین کی جانب سے آج سندھ بھر میں ہڑتال کی جارہی ہے۔ ملک بھر میں تین روزہ یوم سوگ منانے کا اعلان کیا گیا ہے۔ ایم ڈبلیو ایم کے رہنما علامہ امین شہیدی نے سندھ حکومت کو واقعے کا ذمہ دار قرار دیا ہے۔ اُن کا کہنا ہے کہ حکومت فوجی عدالتوں میں دہشت گردوں کے مقدمات جلد شروع کرے۔ ایم کیوایم، پیپلزپارٹی، مسلم لیگ (ق) ، سنی اتحاد کونسل، تحریک انصاف، مسلم لیگ (ف)، اے این پی، سندھ کی قوم پرست جماعتوں ، سندھ بار کونسل اور کراچی کے تاجر اتحاد نے بھی مجلس وحدت مسلمین کے یوم سوگ کی حمایت کی ہے دوسری جانب حکومت سندھ نے ایک روزہ سوگ کا اعلان کیاہے۔
ایمز ٹی وی(شکار پور)لکھی در میں امام بارگاہ کے قریب دھماکے سے کم ازکم 40 افرادسے زائد ہلاک ہو گئے اور 40 سے زائد افراد زخمی ہو گئے
تفصیلات کے مطابق شکار پور کے علاقے لکھی در میں موجود ایک امام بارگاہ میں دھماکہ ہونے کی صورت میں 20 افراد جاں بحق ہو گئے اور 40 سے زائد افراد شدید زخمی ہوئے ہیں، امداد ی ٹیموں کے اہلکاروں نے زخمیوں اور ہلاک ہونے والے افراد کو شکار پور کے سِول ہسپتال اور دیگر نجی ہسپتالوں میں منتقل کیا جہاں انہیں طبی امداد دی جا رہی ہے
عینی شاہدین کا کہنا ہے کہ جس وقت دھماکہ ہوا اس وقت امام بارگاہ میں تقریباً 300 افراد موجود تھے
دھماکے کے بعد امام بارگاہ کو سیل کر دیا گیا ہے اور ہسپتالوں میں ایمرجنسی نافذ کر دی گئی ہے،
وزیراعظم نواز شریف نے واقعے کی شدید مذمت کی ہے،اسکے علاوہ وفاقی وزیرِ داخلہ چوہدری نثارعلی خان،ایم کیوایم کے قائد الطاف حسین اور تحریکِ انصاف کے چیئرمین عمران خان سمیت دیگر سیاسی شخصیات نے انتہائی دکھ کا اظہار کیا ہے
ایمز ٹی وی (حیدرآباد)الطاف حسین یونیورسٹی کا سنگ بنیاد رکھنے کے لیے ملک ریاض اور گورنر سندھ ڈاکٹر عشرت العباد حیدر آباب پہنچ گئے ،یونیورسٹی 2 سال کے عرصے میں تیار گی،ملک ریاج کا کہنا ہے کہ میں سیاست میں نہیں آنا چاہتا ،58 اسلامی ممالک میں صرف 500 یونیورسٹیز ہیں
ایمز ٹی وی (فارن ڈیسک)امریکہ کے مختلف مقامات پر دو فٹ تک برف باری ريکارڈ کی جاچکی ہے، برطانيہ ميں بھی برف نے معمولات زندگی متاثرکردئيے ہيں۔امريکا کی شمال مشرقی رياستوں ميں برفانی طوفان بدستور جاری ہے ہر طرف برف برس رہی ہے، نيويارک ، بوسٹن سميت ديگر شہروں برف ہی برف نظر آرہی ہے، سيکڑوں پروازيں منسوخ کرد گئی ہيں ۔ امدادی ٹيميں چوبيس گھنٹے برف ہٹانے کے کام ميں مصروف ہيں۔ادھر برطانيہ کے شمالی علاقوں ميں برف کا راج ہے، شديد برف باری کے بعد مانچسٹر ايئر پورٹ کو پروازوں کے ليے بند کرديا گيا ہے۔
ایمز ٹی وی ﴿ تهر پارکر﴾ضلع تهر پارکر میں خوراک کی کمی سے ایک اور بچی دم توڑ گﺀی۔ مرنے والوں کی تعداد تین سو ستائیس ہوگئی۔ جبکہ سول اسپتال مٹھی میں آج گیارہ ماہ کی بچی یاسینہ دم توڑ گئی۔ سول اسپتال مٹھی میں اڑتالیس، ڈیپلو پانچ،اسلام کوٹ پندرہ اور چھاچھرو میں بارہ بچے زیر علاج ہیں۔
ایمز ٹی وی(کراچی) سندھ حکومت نے تاجروں کو دھمکیاں دینے کا سختی سے نوٹس لے لیا۔ صوبائی وزیر اطلاعات شرجیل میمن کا کہنا تھا کہ حکومت تاجروں کی حفاظت کے لیے ہر ممکن اقدام اٹھائے گی۔ دوسری جانب اعلیٰ سطح کے اجلاس میں ٹارگٹڈ آپریشن بلا تفریق جاری رکھنے پر اتفاق کیاگیا۔ کراچی میں ہڑتال، 7.5 ارب روپے کا معاشی نقصان وزیراطلاعات سندھ شرجیل انعام میمن کا کہنا تھا کہ تاجروں اور صنعتکاروں کو دھمکیاں دینے کا عمل افسوسناک اور شرمناک ہے۔ انہوں نے کہا کہ تاجر اور صنعتکار اپنے آپ کو کراچی میں تنہا نہ سمجھیں اور کراچی میں بلا خوف کاروبار جاری رکھیں۔ ان کا کہنا تھا کہ سندھ حکومت تاجروں کی حفاظت کے لیے ہر ممکن اقدامات کرے گی، تاجر اور صنعتکار بغیر کسی جھجھک کے سندھ حکومت، پولیس اور رینجرز سے رابطہ کر سکتے ہیں۔ علاوہ ازیں ڈی جی رینجرز میجر جنرل بلال اکبر کی صدارت میں امن و امان سے متعلق اعلیٰ سطح کا اجلاس ہوا۔ اجلاس میں ٹارگٹڈ آپریشن بلا تفریق جاری رکھنے پر اتفاق کیا گیا۔ ترجمان رینجرز کے مطابق اجلاس میں فیصلہ کیا گیا کہ شہریوں بالخصوص تاجروں، صنعتکاروں اور ڈاکٹروں کی حفاظت یقینی بنائی جائے گی۔ رینجرز کے ترجمان نے مزید کہا کہ شہری کسی بھی مشکوک سرگرمی کی اطلاع رینجرز ہیلپ لائن پر دیں۔
ایمز ٹی وی (سندھ)ناظم امتحانات (سمسٹر) کی جانب سے یونیورسٹی سے ملحقہ پرائیویٹ کالجز کے نتائج کا اعلان کردیا گ انسٹیٹیوٹ آف ماڈرن سائنس اینڈ آرٹس (امسا)‘ کالج آف ماڈرن سائنسز (سی ایم ایس)‘ حیدرآباد انسٹیٹیوٹ آف آرٹس‘ سائنس اینڈ ٹیکنالوجی‘ انیس حسن کمپیوٹر اکیڈمی حیدرآباد‘ نذیر حسین انسٹیٹیوٹ آف ایمرجنگ سائنسز‘ محمد انسٹیٹیوٹ آف سائنس اینڈ ٹیکنالوجی (ایم آئی ایس ٹی) میرپورخاص اور سکھر انسٹیٹیوٹ آف سائنس اینڈ ٹیکنالوجی (سسٹیک) سکھر کے بی بی اے (آنرز) پارٹ اول‘ دوم اور سوم اور بی بی اے (پاس) پارٹ اول اور دوم کے سیمسٹر امتحانات 2012-13ءاور 2013-14ءکے ریگولر اور فیلوئر امیدواروں کے نتائج کا اعلان کیا گیا ہے
ایمز ٹی وی (سندھ)سندھ یونیورسٹی کے یہاں جاری کردہ اعلامیہ کے مطابق شیخ الجامعہ سندھ پروفیسر ڈاکٹر عابدہ طاہرانی کی ہدایات پر یونیورسٹی میںحال ہی میں داخلہ لینے والے عزم اور حوصلے کی علامت دو اسپیشل طلباءکے لیے خصوصی کرسیاں تیار کراکر ان کی کلاسز میں رکھی گئی ہیں جہاں وہ آرام سے بیٹھ کر اپنی کلاس اٹینڈ کرتے ہیں۔ شیخ الجامعہ پروفیسر ڈاکٹر عابدہ طاہرانی کی ہدایات پر ڈائریکٹر مینٹیننس پروفیسر حفیظ ابڑو نے بی کام اور آئی ٹی کے شعبوں میں بی ایس پارٹ ون میںپڑھنے والے ساحل اور عبدالسلام کے لیے اسپیشل کرسیاں تیار کرائیں جو ان کی کلاسز میں رکھوا دی گئی ہیں‘ عزم‘ ہمت اور حوصلے کی علامت ساحل اور عبدالسلام کے بازو نہیں ہیں اور وہ پاؤں کی مدد سے قلم پکڑکر لکھنے میں مہارت رکھتے ہیں۔ شیخ الجامعہ سندھ نے ان کی سہولت کے لیے خصوصی کرسیاں تیار کرائیں ہیں جس پر بیٹھ کر وہ آرام سے کلاس اٹینڈ کرتے ہیں۔ شیخ الجامعہ کے اس اقدام سے خصوصی طلبہ کو فائدہ ہو گا
ایمز ٹی وی (کراچی) اداکار حمزہ علی عباسی کا کہنا ہے کہ انہیں بھی بھارتی فلم "بے بی" کی پیش کش ہوئی مگر پاکستان مخالف فلم ہونے کی وجہ سے انکار کردیا ۔ سوشل ویب سائٹ پر اپنے ایک پیغام میں حمزہ نے کہا کہ اس بات کے حق میں ہوں کہ پاکستانی اداکاروں کو بھارتی فلموں میں کام کرنا چاہئیے مگر کسی اداکار کو پاکستان مخالف فلم میں کام نہیں کرنا چاہئے ہمیں اداکار ہونے سے پہلے ایک پاکستانی بن کر سوچنا چاہیئے۔
ایمز ٹی وی (شکار پور) لکھی در میں امام بارگاہ میں دھماکے سے کم ازکم 12 افرادجاں بحق جب کہ50 سے زائد زخمی ہوگئے۔
اطلاعات کے مطابق شکارپور کے علاقے لکھی در میں امام بارگاہ میں دھماکے کے نتیجے 12 افراد جاں بحق جب کہ 50 سے زائد زخمی ہوگئے۔ زخمیوں کو سول اسپتال شکار پور اور دیگر نجی اسپتالوں میں منتقل کیا گیا جہاں انہیں طبی امداد دی جا رہی ہے۔ عینی شاہدین کا کہنا ہے کہ دھماکے کے وقت نماز جمعہ ادا کی جا رہی تھی اور حادثے کے وقت امام بارگاہ میں تقریبا 300 افراد موجود تھے۔ شکارپور کے اسپتالوں میں ایمرجنسی نافذ کردی گئی ہے جب کہ طبی عملے کا کہنا ہے کہ متعدد زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے۔
پولیس اور رینجرز کی بھاری نفری نے شکار پور کے اطراف کے علاقے کا محاصرہ کر کے امام بارگاہ کو سیل کر دیا ہے اور تخریب کاروں کی گرفتاری کے لئے کارروائی شروع کر دی ہے۔
وزیراعظم نواز شریف نے امام بارگاہ کے قریب ہونے والے دھماکے کی شدید الفاظ میں مذمت کرتے ہوئے جاں بحق اور زخمی ہونے والوں کے اہل خانہ سے اظہار تعزیت کی۔ وفاقی وزیر داخلہ چوہدری نثار علی خان نے بھی دھماکے کی شدید الفاظ میں مذمت کی ہے۔