ایمز ٹی وی (فارن ڈیسک)عراق میں کرد سکیورٹی فورس کے اہلکار شدت پسند تنظیم دولتِ اسلامیہ کے محاصرے میں شامی شہر کوبانی میں شامی کردوں کی مدد کے لیے جائیں گے۔حکام کا کہنا ہے کہ کرد سکیورٹی فورس پیشمرگا کے 150 اہلکار اربیل سے ایک جہاز کے ذریعے ترکی کے لیے روانہ ہوئے ہیں-عراقی کرد حکام کا کہنا ہے کہ پیشمرگا اہلکار ترکی کے جنوبی مشرقی شہر سیلوپی پہنچیں گے اور وہاں سے شامی شہر کوبانی جائیں گے۔

کرد پارلیمان نے گذشتہ ہفتے 150 جنگجوؤں کو کوبانی کے دفاع کے لیے بھیجنے کی منظوری دی تھی تاہم ابھی تک واضح نہیں ہو سکا کہ اہلکاروں کی روانگی میں تاخیر کیوں ہوئی۔دوسری جانب یو پی جی کے اہلکار ادریس نسان کا کہنا ہے کہ انھیں ابھی تک معلوم نہیں ہے کہ پیشمرگا اہلکار کب پہنچیں گے۔امریکہ کی قیادت میں دولتِ اسلامیہ کے خلاف قائم اتحاد نے متعدد بار کوبانی میں شدت پسندوں کو فضائی حملوں میں نشانہ بنایا ہے اور اس وجہ سے دولتِ اسلامیہ کو شہر پر قبضے میں مشکلات کا سامنا ہے۔دولتِ اسلامیہ نے شام اور عراق کے وسیع علاقوں پر کنٹرول قائم کر لیا ہے۔ اور کوبانی شہر کی جانب شدت پسندوں کی پیش قدمی کے بعد شہر اور علاقے سے لوگوں کی ایک بڑی تعداد نے ترکی میں پناہ حاصل کی ہے۔

ایمز ٹی وی(فارن ڈیسک)بین الاقوامی خلائی اسٹیشن کے لیے رسد لے جانے والا راکٹ امریکی ریاست ورجینیا میں لفٹ آف کے چند سیکنڈ بعد پھٹ کر تباہ ہو گیا ہے۔اوربیٹل سائنسز کارپوریشن کا کہنا ہے کہ ابتدائی اطلاعات کے مطابق اس حادثے میں کسی جانی نقصان کی اطلاع نہیں ہے۔یہ چوتھا راکٹ تھا جو بین الاقوامی خلائی اسٹیشن کے لیے رسد لے کر روانہ ہوا تھا۔ کمپنی کی سگنس کارگو شپ پر بین الاقوامی خلائی اسٹیشن پر موجود چھ افراد کے لیے 5000 پاؤنڈ کا سامان تھا۔

ایمز ٹی وی (اسلام آباد) ترجمان وزیراعظم ہاؤس نےواضح کیا ہےکہ وزیراعظم کی ایم کیو ایم کے وفد سے نئے صوبوں کے بارے میں کوئی بات نہیں ہوئی۔ گزشتہ روزایم کیو ایم کے وفد کی وزیر اعظم سے ملاقات کے بعد میڈیا کے بعض حلقوں میں یہ خبریں سامنے آئی تھیں کہ ایم کیو ایم نے سندھ میں مہاجر صوبہ بنانے کے لیے وزیراعظم سے حمایت مانگی ہے تاہم اس حوالے سے وزیر اعظم ہاؤس کے ترجمان نے ان خبروں کی تردید کرتے ہوئے کہا ہے کہ ایم کیو ایم وفد اور وزیراعظم کے درمیان صوبوں کے حوالے سے کوئی بات نہیں ہوئی، واضح رہے کہ ایم کیو ایم کے چار رکنی وفد نے گزشتہ روزخالد مقبول صدیقی کی قیادت میں وزیراعظم نواز شریف سے ملاقات کی تھی۔

ایمز ٹی وی(فارن ڈیسک) برطانیہ کے ایک مقامی شہر بریڈ فورڈ میں ایک ہی خاندان کے چار افراد کا قتل ہو گیا-پولیس کی تحقیقات کے مطابق 49 سالہ جتندرا لیڈ، ان کی 44 سالہ بیوی دکشا اور 19 اور 17 سالہ بیٹیوں ٹریشا اور نیشا کی لاشیں بریڈفورڈ کے علاقے کلیٹن کے بلیک بری محلے سے پیر کو ملیں۔پولیس کے مطابق کہ وہ اس سلسلے میں ابھی کسی کو نہیں ڈھونڈ رہی۔ٹریشا کی دوست جیسیکا گارسائیڈ کہتی ہیں: ’وہ بہت خوبصورت تھی۔ اس کے چہرے پر ہر وقت ایک بڑی مسکان موجود ہوتی تھی۔ اور اس کے ماں باپریڈفورڈ کونسل میں کام کرتے تھے -کونسل کے لیڈر ڈیوڈ گرین کہتے ہیں کہ ’مقامی لوگ یہ بری خبر سننے کے بعد بہت دکھی اور صدمے میں ہیں۔ ہماری ہمدردیاں ان کے باقی خاندان، دوستوں اور ہمسائیوں کے ساتھ ہیں۔