Reporter SS
ایمزٹی وی(تعلیم/ کراچی) اعلیٰ ثانوی تعلیمی بورڈ کراچی نے امتحانات سے قبل انرولمنٹ اور رجسٹریشن نہ کرانے والے امیدواروں کو گزشتہ برس کے مقابلے میں رواں برس عارضی ایڈمٹ کارڈ زیادہ تعداد میں جاری کئے گئے ۔
تفصیلات کے مطابق ایڈمٹ کارڈ کے لئے اُمید وار کی تصدیق کی گئی اور نہ ہی ان کے کاغذات کی درست جانچ پڑتال کی گئی، بورڈ زرائع کے مطابق گزشتہ برس کامرس پرائیویٹ میں 1263 اُمیدواروں کو عارضی ایڈمٹ کارڈ کا اجراء کیا گیا جب کہ رواں سال 1655 اُمیدواروں کو عارضی ایڈمٹ کارڈ جاری کئے گئے، اسی طرح کامرس ریگولر میں 2235 اُمیدواروں کو عارضی ایڈمٹ کارڈ کا اجراء کیا گیا جب کہگزشتہ برسکے مقابلے میں رواں برس تقریباً 4297 اُمیدواروں کو عارضی ایڈمٹ کارڈ جاری کئے گئے، سائنس پری انجینئرنگ گروپ میں پچھلے سال 1347 بچوں کو عارضی ایڈمٹ کارڈ جاری کئے گئے تھے جب کہ اس سال یہ تعداد 3374 تک پہنچ چکی ہے۔
اسی طرح سائنس پری میڈیکل میں پچھلے سال 706 عارضی ایڈمٹ کارڈ جاری کئے گئے، جب کہ یہ تعداد اس سال دوگنی سطح سے تجاوز کرچکی ہے اور اس سال سائنس پری میڈیکل میں عارضی ایڈمٹ کارڈ حاصل کرنے والے اُمیدواروں کی تعداد 2029 تک پہنچ چکی ہے۔ اس طرح عارضی ایڈمٹ کارڈ حاصل کرنے والے اُمیدواروں کی تعداد تقریباً گیارہ ہزار تین سو پچپن کی ریکارڈ سطح تک پہنچ چکی ہے، یہ وہ اُمیدوار ہیں جن کے انرولمنٹ اور رجسٹریشن نہ کروائے گئے تو انٹرمیڈیٹ بورڈ ان کے نتائج روک لے گا ۔ تعلیمی اور سماجی حلقوں کی وزیر اعلیٰ سندھ اور سیکریٹری بورڈز اینڈ یونیورسٹیز سے اعلیٰ سطح پر تحقیقات کی اپیل۔
ایمزٹی وی (لاہور)لاہور میں پریس کانفرنس کرتے ہوئے ترجمان پنجاب حکومت ملک محمدخان کا کہنا تھا کہ عمران خان کو 10 ارب روپے کی پیشکش کے بیان پر اٹھنے والا طوفان ابھی تھما نہیں عمران خان اس شخص کا نام بتائیں جس نے انہیں اتنی بڑی رقم دینے کی پیشکش کی تھی اور اگر انہوں نے نام نہ بتایا تو پھر وہ قانونی کارروائی کے لئے تیار ہوجائیں۔
ترجمان پنجاب حکومت نے عمران خان کی جانب سے وزیراعلیٰ پنجاب شہبازشریف پر لگائے گئے الزام کو مسترد کرتے ہوئے کہا کہ عمران خان کو کوئی 10 روپے دینے کو تیار نہیں تو انہیں کوئی 10 ارب روپے کیا دے گا اگر انہوں نے 3 دن کے اندر اپنے بیان کی وضاحت پیش نہ کی تو پھر پنجاب حکومت ان کے خلاف ہتک عزت کا دعویٰ دائر کرے گی، اور یہ دعویٰ سیاسی نہیں بلکہ ایک جھوٹے عوامی لیڈر کو بے نقاب کرنے کےلئے ہوگا۔
ترجمان پنجاب حکومت نے کہا کہ پیپلزپارٹی کے شریک چئیرمین آصف زرداری کو بحیثیت بڑی جماعت کے رہنما اپنی زبان اور اعصاب پر قابو رکھنے کی ضرورت ہے انہوں نے مالاکنڈ میں علاقائی تعصب پھیلانے کی کوشش کی کیوں کہ وہ سی پیک اور توانائی منصوبوں سے لاعلم ہیں۔
ایمزٹی وی (کراچی)کراچی میں گورنرہاؤس میں گورنر سندھ محمد زبیر سے برطانیہ کے ہائی کمشنر تھامس ڈریو کی ملاقات ہوئی. ملاقات کے دوران برطانیہ کی ڈپٹی ہائی کمشنر بیلنڈا لوئس بھی موجود تھیں۔ ملاقات میں مختلف شعبوں میں پاک برطانیہ اقتصادی تعاون، صوبہ میں سرمایہ کاری کے مواقعوں اورباہمی دلچسپی کے دیگر امور پر تبادلہ خیال کیا گیا۔
اس موقع پر گورنر سندھ نے کہا کہ صوبے میں صحت اور تعلیم کے شعبوں میں برطانیہ کا تعاون قابل تحسین ہے، کراچی سرمایہ کاری کے لئے آئیڈیل شہر بن چکا ہے جب کہ بڑے صنعتی مراکزاورکاروباری اداروں کے باعث کراچی کو ملک کا معاشی حب ہونے کا اعزازحاصل ہے۔
گورنرسندھ نے کہا کہ غیرملکی سرمایہ کاروں کی آمد سے پاکستان کا مثبت تاثر اجاگر ہوگا، دونوں ممالک کے مابین باہمی تجارت میں مزید اضافہ کے لئے جامع کوششوں کی ضرورت ہے جس پر تھامس ڈریونے کہا کہ برطانیہ صوبہ میں بنیادی سہولیات کے ڈھانچہ کی فراہمی
میں تعاون جاری رکھے گا۔
ایمزٹی وی(اسلام آباد) کابل کے دورے کے بعد بھارت واپسی پر وزیراعظم نواز شریف سے پاکستان کے غیر اعلانیہ دورے پر آئے ہوئے بھارتی کاروباری شخصیت سجن جندال نے ملاقات کی اور نریندر مودی کا خصوصی پیغام پہنچایا تاہم وزیراعظم کی صاحبزادی مریم نواز نے ملاقات کی تصدیق کرتے ہوئے کہا ہے کہ وزیراعظم اور جندال کے درمیان ملاقات خفیہ نہیں تھی، جندال نواز شریف کے پرانے دوست ہیں، ان کی ملاقات کو سیاق و سباق سے ہٹ کر پیش نہیں کرنا چاہیے۔ تفصیلات کے مطابق وزیراعظم نواز شریف سے بھارتی کاروباری شخصیت سجن جندال کے وفد کے ہمراہ ملاقات کی۔ بھارتی وفد اسلام آباد کے بعد مری گیا اور وزیراعظم کے ساتھ لنچ کیا۔ 3 رکنی بھارتی وفد گزشتہ روز خصوصی طیارے میں پاکستان آیا تھا۔
وزیر مملکت کیڈ طارق فضل چوہدری نے کہا ہے کہ بھارتی صنعت کار جندال اس وقت بھی پاکستان میں موجود ہیں۔ نجی ٹی وی کے مطابق طارق فضل چوہدری نے بھارتی صنعت کار جندال کی پاکستان موجودگی کی تصدیق کرتے ہوئے کہا کہ بحیثیت وزیر اس بات کی تصدیق کرتا ہوں کہ جندال ابھی بھی پاکستان میں موجود ہے، واپس بھارت نہیں گئے۔انہوں نے کہا کہ وزیراعظم نواز شریف سے جندال کی ملاقات ذاتی نوعیت کی تھی۔
سابق وزیر خارجہ خورشید محمود قصوری نے کہاہے کہ پاکستان کی اندرونی سیاست میں بہت زیادہ ٹینشن ہوگئی ہے۔ جندال کی آمد کی ٹائمنگ بہت غلط ہے۔ ورنہ عمران خان خود بھی بھارت کے ساتھ اچھے تعلقات کے حامی ہیں۔ پہلے سے مجھے پتا تھا کہ یوپی کے الیکشن کے بعد جندال پاکستان آئے گا۔ اس وقت حالات بہت خراب ہیں۔ کشمیر سمیت دیگر معاملات پر معاملات بہت بگڑ چکے ہیں ایسے میں وزارت خارجہ کے نمائندوں کو ملنا چاہیے تھا۔ ہوسکتا ہے کہ مودی کو جندال پر اعتماد ہو اور اس کا کوئی پیغام لے کر آیا ہوگا۔
ایمزٹی وی(اسلام آباد) کابل کے دورے کے بعد بھارت واپسی پر وزیراعظم نواز شریف سے پاکستان کے غیر اعلانیہ دورے پر آئے ہوئے بھارتی کاروباری شخصیت سجن جندال نے ملاقات کی اور نریندر مودی کا خصوصی پیغام پہنچایا تاہم وزیراعظم کی صاحبزادی مریم نواز نے ملاقات کی تصدیق کرتے ہوئے کہا ہے کہ وزیراعظم اور جندال کے درمیان ملاقات خفیہ نہیں تھی، جندال نواز شریف کے پرانے دوست ہیں، ان کی ملاقات کو سیاق و سباق سے ہٹ کر پیش نہیں کرنا چاہیے۔ تفصیلات کے مطابق وزیراعظم نواز شریف سے بھارتی کاروباری شخصیت سجن جندال کے وفد کے ہمراہ ملاقات کی۔ بھارتی وفد اسلام آباد کے بعد مری گیا اور وزیراعظم کے ساتھ لنچ کیا۔ 3 رکنی بھارتی وفد گزشتہ روز خصوصی طیارے میں پاکستان آیا تھا۔
ذرائع کے مطابق وزیراعظم نواز شریف سے بھارتی وفد کی ملاقات دو گھنٹے جاری رہی، بھارتی مہمانوں کیلئے خصوصی ضیافت کا اہتمام کیا گیا۔ بھارتی وفد تین گاڑیوں میں اسلام آباد سے مری پہنچا جہاں وزیراعظم سے ملاقات ہوئی اور وزیراعظم نریندرا مودی کا خصوصی پیغام پہنچا یا گیا۔ بھارتی وفد میں سجن جندال، سوگیت سنگال اور وریندر سنگھ بب شامل تھے۔واضح رہے کہ بھارتی وفد کو اسلام آباد اور لاہور جانے کی اجازت تھی تاہم وہ مری میں بھی گھوم آئے۔ بابر اعوان نے کہا کہ جندال کے پاس اسلام آباد اور لاہور کا ویزہ تھا وہ مری نہیں جاسکتا تھا اگر گیا تو اسے گرفتار کیا جانا چاہیے تھا۔ متعلقہ اداروں کو اس حوالے سے جواب دہی کرنا ہوگی کہ کیوں ملک کے قانون کی خلاف ورزی کی گئی۔ آج امیگریشن محکمہ کہاں ہے جو ہماری خواتین پر تشدد کرنے میں بڑا ماہر ہے اب کیوں نہیں آرہا۔ جندال اس طرح پاکستان آیا جس طرح فاتح وائسرائے آتا ہے۔
وزیر مملکت کیڈ طارق فضل چوہدری نے کہا ہے کہ بھارتی صنعت کار جندال اس وقت بھی پاکستان میں موجود ہیں۔ نجی ٹی وی کے مطابق طارق فضل چوہدری نے بھارتی صنعت کار جندال کی پاکستان موجودگی کی تصدیق کرتے ہوئے کہا کہ بحیثیت وزیر اس بات کی تصدیق کرتا ہوں کہ جندال ابھی بھی پاکستان میں موجود ہے، واپس بھارت نہیں گئے۔انہوں نے کہا کہ وزیراعظم نواز شریف سے جندال کی ملاقات ذاتی نوعیت کی تھی۔
سابق وزیر خارجہ خورشید محمود قصوری نے کہاہے کہ پاکستان کی اندرونی سیاست میں بہت زیادہ ٹینشن ہوگئی ہے۔ جندال کی آمد کی ٹائمنگ بہت غلط ہے۔ ورنہ عمران خان خود بھی بھارت کے ساتھ اچھے تعلقات کے حامی ہیں۔ پہلے سے مجھے پتا تھا کہ یوپی کے الیکشن کے بعد جندال پاکستان آئے گا۔ اس وقت حالات بہت خراب ہیں۔ کشمیر سمیت دیگر معاملات پر معاملات بہت بگڑ چکے ہیں ایسے میں وزارت خارجہ کے نمائندوں کو ملنا چاہیے تھا۔ ہوسکتا ہے کہ مودی کو جندال پر اعتماد ہو اور اس کا کوئی پیغام لے کر آیا ہوگا۔
ایمزٹی وی(اسلام آباد)بھارتی صنعتکار سجن جندال کے ویزا انفارمیشن فارم کی مزید تفصیلات سامنے آگئی ہیں جس کے مطابق سجن جندال پاکستان میں 10 روز تک قیام کریں گے۔
ذرائع کے مطابق بھارتی اسٹیل ٹائیکون جن کی پاکستان میں آمد اور پھر وزیراعظم میاں نواز شریف سے ملاقات کی خبریں سامنے آئی تھیں کے ویزا انفارمیشن فارم کی مزید تفصیلات کے مطابق ویزا 25 اپریل کو جاری کیاگیا تھا۔ دستاویز کے مطابق سجن جندال کو پولیس رپورٹنگ سے خصوصی طور پر استثنیٰ دیا گیا ،فارم میں بھارتی صنعتکار کے میزبان کا خانہ خالی ہے۔
سجن جندال کس طرح پاکستان آئیں گے اس فارم میں ذکر نہیں کیا گیا جبکہ وزیراعظم ہاﺅس اور وزارت خارجہ کے افسران نے سجن جندال کا استقبال کیا تھا۔واضح رہے کہ گزشتہ روز خبر سامنے آئی تھی کہ بھارتی اسٹیل ٹائیکون سجن جندال نے وزیراعظم میاں نواز شریف سے مری میں ملاقات کی ہے۔
ایمزٹی وی(اسلام آباد)الیکشن کمشن نے صوبائی الیکشن کمشنرز کو ہدایت جاری کرتے ہوئے کہا ہے کہ پی ٹی آئی کو انٹراپارٹی انتخابات کرانے تک بلے کا نشان الاٹ نہ کیا جائے ۔
تفصیلات کے مطابق پی ٹی آئی کے انتخابی نشان کے معاملہ پرالیکشن کمشن نے صوبائی الیکشن کمشنرز کو مراسلہ جاری کر دیا۔ مراسلے میں کہا گیا کہ پی ٹی آئی کو انٹراپارٹی انتخابات کرانے تک بلے کا نشان الاٹ نہ کیا جائے ۔ نشان حاصل کرنے سے قبل تحریک انصاف انٹراپارٹی انتخابات کے قانونی تقاضے مکمل کرے ۔
واضح رہے کہ انٹرا پارٹی انتخابات مکمل نہ ہونے تک تحریک انصاف کسی قسم کے انتخابات میں حصہ نہیں لے سکے گی۔الیکشن کمشن کے مطابق تحریک انصاف اب تک انٹرا پارٹی انتخابات کرانے میں ناکام ہے۔ تحریک انصاف پارٹی آئین کے مطابق ہر 4سال میں انٹرا پارٹی الیکشن کرانے کی پابند ہے۔ تحریک انصاف کو پارٹی آئین کے مطابق انٹرا پارٹی الیکشن 2016ءمیں کرانا تھے۔
ایمزٹی وی (گجرات)سابق آرمی چیف جنرل(ر)راحیل شریف کے بڑے بھائی میجر شبیر شریف شہید نشان حیدر کا یوم ولادت آج عقیدت و احترام کے ساتھ منایا جارہا ہے۔ تفصیلا ت کے مطابق شہید میجر شبیر شریف 28 اپریل 1943 ءکو گجرات میں پیدا ہوئے اور 1964 ءمیں 21 برس کی عمر میں پاک فوج میں شمولیت اختیار کی جبکہ ان کے والد شریف احمد بھی فوج میں میجر کے عہدے پر فائز رہے۔
میجر شبیر شریف کو 1971 کی پاک بھارت جنگ میں سلیمانکی سیکٹر میں فرنٹیئر فورس رجمنٹ کی ایک کمپنی کو اونچے بند پر قبضہ کی ذمہ داری سونپی گئی تھی جس پر پہلے ہی بھارتی فوج کا قبضہ تھا۔میجر شبیر شریف شہید نے اس مقابلے میں43 سپاہیوں کو ہلاک کیا اور 28 کو قیدی بنانے کے علاوہ دشمن کے 4 ٹینکوں کو بھی تباہ و برباد کردیا۔1971 ءکی جنگ میں 6 دسمبر کو ہیڈسلیمانکی کی حفاظت کے موقع پر دشمن کے ٹینک کا گولہ ان کو لگا اور صرف 28 برس کی عمر میں جام شہادت نوش کرگئے۔
ایمزٹی وی(اسلام آباد)طیبہ تشدد کیس میں طیبہ کے والدین نے فرد جرم کو چیلنج کرتے ہوئے ایک بار پھر عدالت میں صلح نامہ جمع کرادیا ہے۔تفصیلات کے مطابق اسلام آباد ہائیکورٹ میں طیبہ تشدد کیس کا روزانہ کی بنیاد پر ٹرائل ہوا اور جسٹس محسن اختر کیانی نے کیس کی سماعت کی۔
طیبہ کے والدین نے راجہ خرم اور ان کی اہلیہ کیخلاف فرد جرم کو چیلنج کرتے ہوئے کہا کہ راجہ خرم اور اہلیہ کیخلاف جھوٹا مقدمہ درج کیا گیا ہے اور طیبہ پر تشدد کا راجہ خرم اور ان کی اہلیہ سے کوئی تعلق نہیں ہے۔طیبہ کے والدین نے صلح نامہ عدالت میں جمع کراتے ہوئے استدعا کی کہ مقدمے کی مزید پیروی نہیں کرنا چاہتے جبکہ عدالت نے پولیس کو نوٹس جاری کرتے ہوئے 5 مئی تک جواب طلب کرلیا ہے۔
یاد رہے کہ کمسن گھریلو ملازمہ طیبہ پر تشدد پر چیف جسٹس سپریم کورٹ نے ازخود نوٹس لیا تھا جس کے بعد کیس کو اسلام آباد ہائیکورٹ میں منتقل کردیا گیا تھا ۔اسلام آباد ہائیکورٹ نے کیس کی روزانہ کی بنیاد پر سماعت کا حکم دیا تھا۔
ایمزٹی وی(اسلام آباد) سرکاری حج اسکیم کے تحت عازمین حج کی قراندازی آج ہوگی۔
تفصیلات کے مطابق وزارت مذہبی امور کے زیر اہتمام رواں سال سرکاری حج اسکیم کے تحت عازمین حج کے انتخاب کیلئے قرعہ اندازی آج ہوگی۔ اب تک وزارت کو سرکاری حج سکیم کے تحت مجموعی طور پر تین لاکھ پینتیس ہزار تین سو ترپین درخواستیں وصول ہوئی ہیں۔جبکہ گزشتہ سال مجموعی طور پر دولاکھ اسی ہزار چھ سو سترہ درخواستیں موصول ہوئی تھیں۔
وزارت مذہبی امور کے مطابق کامیاب عازمین حج کو خطوط اور موبائل میسجز کے ذریعے اطلاع دی جائے گی جبکہ کامیاب عازمین حج کے نام ویب سائیٹس www.mora.gov.pkاور www.hajjinfo.orgپر بھی موجود ہوں گے۔