ایمز ٹی وی(مانیٹرنگ ڈیسک) ایسا لگتا ہے کہ فیس بک کی زیر ملکیت ایک اور ایپ بھی ایک ارب صارفین کا اعزاز حاصل کرنے والی ہے۔ اب تک فیس بک، میسنجر اور واٹس ایپ وغیرہ اس سنگ میل کو طے کرچکی ہیں اور اب انسٹاگرام بھی اس کے قریب پہنچ گئی ہے۔

انسٹاگرام کی جانب سے اعلان کیا گیا ہے کہ فوٹو شیئرنگ ایپ کے ماہانہ متحرک صارفین کی تعداد 70 کروڑ سے تجاوز کرگئی ہے جو دسمبر میں 60 کروڑ تھی۔ اگرچہ یہ فوٹو شیئرنگ ایپ گزشتہ برسوں کے دوران صارفین میں کافی مقبول رہی ہے مگر حالیہ مہینوں میں اس کے صارفین کی تعداد میں تیزی سے اضافہ ہوا ہے۔ اس کی وجہ انسٹاگرام کی جانب سے سائن اَپ کے عمل کو بہتر بنانا، متنازع تبدیلیاں اور دنیا بھر میں نئے صارفین تک رسائی کے لیے اقدامات ہیں۔

واٹس ایپ، میسنجر اور فیس بک ایپ کے مقابلے میں انسٹاگرام کو ترقی پذیر ممالک میں کچھ زیادہ مقبولیت حاصل نہیں تاہم حال ہی میں اس نے ان ممالک کے لیے اینڈرائیڈ فونز میں آف لائن ورژن کی آزمائش شروع کی ہے۔ مگر اس کی مقبولیت میں نمایاں اضافہ اسنیپ چیٹ کے اسٹوریز جیسے فیچر کو متعارف کرانے کے بعد ہوا جسے استعمال کرنے والوں کی تعداد اسنیپ چیٹ کے مجموعی صارفین سے بھی زیادہ ہوگئی ہے۔ اب اس ایپ کے بیشتر صارفین امریکا کی بجائے دنیا کے مختلف حصوں سے تعلق رکھتے ہیں۔ انسٹاگرام کے مطابق نئے اقدامات جیسے الگورتھم فیڈ اور نئے فیچرز جیسے آف لائن دستیابی نے صارفین کی تعداد بڑھانے میں مدد کی ہے اور توقع ہے کہ رواں سال ہی ایک ارب صارفین کا سنگ میل طے ہوجائے گا

ایمز ٹی وی(اسپورٹس) بگ تھری کے خاتمے کے بعد آئی سی سی کا ریونیو کی تقسیم کیلئے نیا ماڈل سامنے آگیا ہے جس کے تحت پاکستان کو 132 ملین ڈالرز ملیں گے۔ تفصیلات کے مطابق آئی سی سی کی بگ تھری کیلئے کی گئی میٹنگ کی مزید تفصیلات سامنے آگئی ہیں اور اب ریونیو کی تقسیم کیلئے نیا ماڈل بھی سامنے آیا ہے۔ جس کے تحت پاکستان کو 132 ملین ڈالرز،بھارت کو 293 ملین ڈالرز،زمبابوے کو 94 ملین ڈالرز،انگلینڈ کرکٹ بورڈ کو 143 ملین ڈالرز جبکہ ایسوسی ایٹ ممبرز کو280 ملین ڈالرز ملیں گے۔ ریونیو کی تقسیم کے نئے ماڈل کی منظوری آج ہونے والے اجلاس میں دی جائے گی۔واضح رہے کہ آئی سی سی میٹنگ میں بگ تھری کو ختم کردیا گیا تھا اور بھارت کی مخالفت میں 8 ممالک نے ووٹ دیا تھا۔

ایمزٹی وی(اسلام آباد)سپریم کورٹ نے ای او بی آئی پینشنرز کیس میں حکومتی جواب مسترد کرتے ہوئے رقم کا مسئلہ حل کرنے کیلئے حکومت کو 11مئی تک مہلت دیدی ۔ میڈیا ذرائع کے مطابق جسٹس عظمت سعید شیخ کی سربراہی میں سپریم کورٹ کے تین رکنی بینچ نے ای او بی آئی پینشن میں اضافے سے متعلق درخواست کی سماعت کی

سماعت کے دوران حکومتی وکیل نے عدالت کے سامنے موقف پیش کیا کہ حکومت نے صرف ایک بار پینشن ادائیگی کا وعدہ کیا تھا جس پر جسٹس عظمت سعید شیخ نے ریمارکس دیے کہ عدالت حکومتی جواب سے مطمئن نہیں ، فیصلہ کر لیں معاملہ کیسے حل کرنا ہے کیونکہ اگر عدالتی حکم پر عملدرآمد نہ کیا گیا تو توہین عدالت کے علاوہ اور بھی راستہ ہے ۔ جسٹس عظمت سعید شیخ نے ریمارکس دیے کہ عدالت نے حکومتی یقین دہانی پر حکم جاری کیا تھا اور عدالت کے پاس حکم پر عمل کرانے کے اختیارات ہیں ۔ای او بی آئی پینشن کا مسئلہ حل کریں

ایمز ٹی وی(تجارت) پانامہ کیس فیصلے کے بعد مزید تحقیقات کیلئے جے آئی ٹی کےلئے اسٹیٹ بینک نے 3 نام سپریم کورٹ کو بھجوا دیئے ہیں۔ تفصیلات کے مطابق پانامہ کیس کا فیصلہ آنے کے بعد جے آئی ٹی کی تشکیل کیلئے اسٹیٹ بینک نے گورنر محمود اشرف وتھرا کی مشاورت سے 3 نام سپریم کورٹ کو بھجوا دیئے ہیں ۔ ترجمان اسٹیٹ بینک کے مطابق تجویز کردہ نام اسٹیٹ بینک کے سینئر افسران کے ہیں اور گورنر محمود اشرف وتھرا اس وقت واشنگٹن میں ہیں۔ ترجمان نے کہاکہ تینوں افسران کے نام نہیں بتا سکتے اوران کے ناموں کو گزشتہ روز کوریئر کے ذریعے بھجوایا گیا۔ یاد رہے کہ سپریم کورٹ نے جے آئی ٹی کی تشکیل کیلئے 7 روز میں نام مانگے تھے جبکہ نیب،سکیورٹی ایکسچینج کمیشن،ایف آئی اے،آئی ایس آئی اور ایم آئی کی جانب سے بھی سپریم کورٹ کو نام بھجوائے جاچکےہیں ۔

ایمزٹی وی(تعلیم/ کراچی)انجمنِ اساتذہ جامعہ کراچی کا اجلاسِ عام کلیۂ فارمیسی کے آڈیٹوریم میں ڈاکٹر شکیل فاروقی کی زیر صدارت منعقد ہوا جس میں اساتذہ کی ایک بڑی تعداد شریک ہوئی- اجلاس میں ہائر ایجوکیشن کمیشن کی جانب سے جامعہ کے آئینی اداروں کے فیصلوں کو نطر انداز کرنے اور سربراہ ایچ ای سی ڈاکٹر مختار احمد کے حالیہ دورۂ جامعہ کراچی کے بعد اساتذہ کی جانب سے ان کے غیرمناسب طرزِعمل اور جارحانہ رویے کے خلاف متفقہ طور پر ایک قرارداد منظور کی گئی جس میں مطالبہ کیا گیا ہے کہ سربراہ ایچ ای سی جامعہ کراچی کے آئینی اداروں کے فیصلوں کو قبول کریں۔ اساتذہ نے مطالبہ کیا کہ ہائر ایجوکیشن کمیشن ایم فل کے داخلوں کی بوقتِ ضرورت پی ایچ ڈی میں منتقلی کو تسلیم کرے اور دنیا بھر میں نافذ اس طریقۂ کار کی پاکستان میں مخالفت نہ کرے۔اساتذہ نے فیصلہ کیا کہ جب امریکہ اور برطانیہ میں بھی پی ایچ ڈی کرنے کے لیے ایم فل کرنے کی شرط لازمی نہیں تو ہائر ایجوکیشن کمیشن کی جانب سے پاکستان میں اس شرط کا نفاذیقینی طور پر تعلیمی اور تحقیقی سرگرمیوں میں تعطل پیدا کرنے کے مترادف ہے-اساتذہ نے ہائر ایجوکیشن کمیشن کی جانب سے مستقل طور پر پالیسیوں میں تبدیلیوں اور ناقابل عمل اور انوکھے احکامات پر شدید غم وغصہّ کا اظہار کیا-

ایمز ٹی وی(انٹرٹینمنٹ) لالی ووڈ انڈسٹری کی آن اداکار وہدایتکار شان آج 45 ویں سالگرہ منا رہے ہیں، انہیں اس موقع پر دوست احباب اور مداحوں کی جانب سے مبارکباد کے پیغامات دیئے جارہے ہیں۔ لالی ووڈ انڈسٹری کی آن مداحوں کی جان اداکار وہدایتکار شان 45 برس کے ہو گئے ہیں اور آج ان کی سالگره ہے، شان کو دوستوں، رشتے داروں اور مداحوں کی جانب سے مبارکباد کے پیغامات بھیجے جارہے ہیں۔ 1987 میں اپنا فلمی کیرئیر شروع کرنے والے شان اب بھی بطور ہیرو ہر فلم کی کامیابی کی ضمانت سمجھے جاتے ہیں۔ شان نے اپنی سالگره پر نیک خواہشات بجھوانے پر اپنے دوستوں اور مداحوں کا شکریہ ادا کیا ہے۔

ایمز ٹی وی(تجارت) گورنراسٹیٹ بینک اشرف وتھرا نے کہا ہے کمرشل بینکس، ایکسچینج کمپنیز کے ذریعے کوئی غلط کام ہو تو اسٹیٹ بینک اُن کے خلاف کارروائی کرتا ہے۔ واشنگٹن میں گفتگو کرتے ہوئے انہوں نے کہا کہ منی لانڈرنگ اوپن مارکیٹ میں ہو تو اس کے خلاف قانون نافذکرنے والے ادارے ایکشن لیتے ہیں۔ ان کا کہنا تھا کہ ملک میں بجلی سستی ہو گئی ،مہنگائی کی شرح بھی کم ترین سطح پر ہے، آئندہ سال ترقی کی شرح 5 فی صد سے زیادہ ہو گی، اگلے دو سال میں اسے 7 فی صد تک پہنچانا ہے ۔