کراچی دورہ میں آرمی چیف کو کور اور رینجرز ہیڈ کوارٹرز میں تفصیلی بریفنگ بھی دی گئی جہاں کورکمانڈر لیفٹیننٹ جنرل شاہد بیگ مرزابھی ان کے ہمراہ تھے۔کراچی کی تاجر برادری نے بھی آرمی چیف سے ملاقات کی۔

#COAS visited Karachi. Lauded Rangers & LEAs ops for restoring normalcy. Army would cont to sp all govt institutions involved in Kci ops. pic.twitter.com/52sJYLQyf0

— Maj Gen Asif Ghafoor (@OfficialDGISPR) January 19, 2017

ایمز ٹی وی (مانیٹرنگ ڈیسک)آسٹریلیا میں شہد کی مکھیاں اور بِھڑبھی سانپوں سے کم خطرناک نہیں ہیں،جن کے ڈسنے سے مرنے والوں کی تعداد یکساں ہے۔ کینگروز کے دیس میں 13 برسوں میں شہد کی مکھی اور بِھڑ کے کاٹے سے 27 افراد ہلاک ہوچکے ہیں ۔

رپورٹ کے مطابق دوسری طرف اتنے ہی افراد سانپ کے ڈسنے سے بھی ہلاک ہوئے ۔

Hon

ایمز ٹی وی (انٹرٹینمنٹ)کوئل جیسی مدھر آواز والی نامور گلوکارہ مہناز بیگم کی چوتھی برسی آج منائی جا رہی ہے۔1958ء کو کراچی میں پیدا ہونیوالی مہناز کااصل نام کنیز فاطمہ تھا انکے استاد امراو بندوخان کے بھتیجے نذیر نے انھیں مہناز کا نام دیا۔ مہناز نے موسیقی کی تربیت مہدی حسن کے بڑے بھائی پنڈت غلام قادر سے حاصل کی۔امیر امام نے انھیں پاکستان ٹیلی ویژن کے پروگرام نغمہ زار کے ذریعے عوام سے متعارف کروایا۔ جسکے بعد مشہور موسیقار اے حمید نے مہناز کو فلمی دنیا میں آنے کی دعوت دی۔ ہدایتکار نذرالاسلام کی فلم ’’حقیقت ‘‘مہناز کی بطور گلوکارہ ریلیز ہونے والی پہلی فلم تھی۔ جلد ہی مہناز فلمی دنیا کی مقبول ترین آواز بن گئیں اور فلم کی ضرورت بن گئیں۔مہناز نے ساڑھے تین سو سے زائد فلموں کے لیے پانچ سو سے زیادہ نغمات ریکارڈ کروائے۔

یاد رہے کہ حکومت نے مہناز کی فنی خدمات کے اعتراف کے طور پر انھیں صدارتی تمغہ برائے حسن کارکردگی عطا کیا تھا۔ اس کے علاوہ دس نگار ایوارڈ، دو نیشنل ایوارڈ، سات گریجویٹ ایوارڈ اور ایک پی ٹی وی ایوارڈ شامل ہیں۔ مہناز نے 1977 سے 1983 تک مسلسل سات سال تک نگارایوارڈ حاصل کیا جو ایک منفرد اعزاز ہے۔ واضح رہے کہ مہناز طویل عرصے سے ہائی بلڈ پریشر اور پھیپھڑوں کے انفیکشن میں مبتلا تھیں۔19 جنوری 2013ء کو وہ اپنے علاج کے لیے پاکستان سے امریکا جارہی تھیں کہ اچانک راستے میں انکی طبیعت خراب ہوگئی۔جہاز کو ہنگامی طور پر بحرین میں اتارا گیااور انھیں فوری طور پر اسپتال پہنچایا گیا لیکن وہ جانبر نہ ہوسکیں۔

ایمز ٹی وی (صحت)برطانیہ میں 15کاسمیٹک کمپنیوں پر مضر صحت کریمیں بیچنے پر ایک لاکھ 68 ہزار 579 پاؤنڈ کا بھاری جرمانہ عائد کردیا گیا ، یہ کمپنیاں مختلف برانڈز کی رنگ گورا کرنے والی کریمیں فروخت کرتی تھیں جن میں پاکستان کی مشہور کمپنیوں کی کریمیں اور صابن بھی شامل ہیں۔ ان کریموں میں کینسر کا سبب بننے والے مضر صحت کیمیکلز پائے گئے ، لندن میں کئی دکانداروں کو بھاری جرمانوں کے علاوہ گرفتار بھی کیا گیا ۔

دکانوں کے مالکان کو خبردار کیا گیا ہے کہ اگر انہوں نے دوبارہ مضر صحت کریمیں اور صابن فروخت کئے تو انہیں ایک سال تک جیل کی سزا بھی کاٹنی پڑسکتی ہے۔

واضح رہے کہ گزشتہ کئی برسوں کے دوران کئے گئے طبی مطالعہ سے ثابت ہوچکا ہے کہ رنگ گورا کرنے اور جلد کو شاداب رکھنے والی بیشتر کریموں اور کاسمیٹک مصنوعات میں صحت کو نقصان پہنچانے اور کینسر کی وجہ بننے والے کیمیکلز شامل ہوتے ہیں۔

ایمز ٹی وی(ایٹرٹینمنت)شا ہ رخ خان کے قریبی دوست اور کئی سپر ہٹ فلموں کے پروڈیوسر کریم مورانی پر ان کی بیٹی کی سہیلی نے زیادتی اور بلیک میلنگ کا مقدمہ درج کرادیا ہے۔ چنائے ایکسپریس اور ہیپی نیو ایئر جیسی سپر ہٹ فلموں کے پروڈیوسر اور شاہ رخ خان کے دوست کریم مورانی پر حیدرآباد دکن کی رہائشی 25 سالہ لڑکی کی جانب سے زیادتی اوربلیک میل کرنے کا الزام عائد کیا گیا ہے۔ لڑکی نے اپنی درخواست میں کہا ہے کہ وہ کریم مورانی کی بیٹی کی دوست ہیں اور دونوں تھیٹر میں ایک ساتھ اداکاری کرتی ہیں۔ کریم مورانی نے انہیں کئی مرتبہ زیادتی کا نشانہ بنایا، کریم نے ان کی ذاتی نوعیت کی تصاویر اپنے موبائل سے فلم بند کی تھیں ، جس کی بنیاد پر وہ انہیں بلیک میل کرتے رہے ہیں۔

لڑکی نے اپنی درخواست میں مزید کہا کہ کریم نے انہیں آخری مرتبہ ستمبر اور اکتوبر 2015 میں زیادتی کا نشانہ بنایا اور یہ سب کچھ ممبئی میں ہوا لیکن وہ اس وجہ سے حیدر آباد میں درخواست دائر کرارہی ہیں کیونکہ ممبئی میں کریم اس کیس پر اثر انداز ہوسکتے ہیں۔ پولیس کا کہنا ہے کہ کریم مورانی کے خلاف زیادتی، بلیک میلنگ، حبس بے جا میں رکھنے اور دیگر مجرمانہ اقدامات کی دفعات کے تحت مقدمہ درج کیا گیا ہے، درخواست گزار کے مطابق آخری مرتبہ انہیں ایک سال سے بھی زیادہ عرصہ پہلے زیادتی کا نشانہ بنایا گیا ہے، اس لئے وہ واقعے کی تحقیقات کررہے ہیں تاہم اب تک کریم مورانی سے کوئی پوچھ گچھ نہیں کی گئی۔ دوسری جانب پروڈیوسر کے ترجمان کے مطابق درج کرائی گئی شکایت جھوٹ پرمبنی ہے جو مورانی کی شہرت اورساخت کو متاثر کرنے کے لیے کیا گیا ہے۔ موارنی اس کے خلاف قانون کے مطابق قدم اٹھائیں گے اور انہیں عدلیہ اور انصاف پر مکمل اعتماد ہے جب کہ وہ پوچھ گچھ میں بھی تعاون کرنے کے لیے بھی تیارہیں۔

ایمزٹی وی(انٹرٹینمنٹ)بالی ووڈ انڈسٹری میں مسٹر پرفیکشنسٹ کے نام سے مشہور اداکار عامر خان صرف بہترین اداکاری کے ماہر نہیں بلکہ وہ صاف بات کہنے پربھی خاصا یقین رکھتے ہیں اوراب اداکار نے ہالی ووڈ میں کام کے حوالے سے صاف صاف بتادیا ہے۔ بھارتی میڈیا رپورٹس کے مطابق بالی ووڈ اداکارعامرخان سے جب مستقبل میں ہالی ووڈ میں فلمیں کرنے کے حوالے سے پوچھا گیا توان کا کہنا تھا کہ امریکا جاکر ہالی ووڈ میں کام کرنے میں انہیں ذرا بھی دلچسپی نہیں، بھارت میں مداحوں کے ساتھ میرا تعلق 26 سال پرانا ہے اورجو میرے لیے بہت اہم ہے۔ عامرخان نے کہا کہ ہالی ووڈ کی فلموں میں کام نہ کرنے کا مطلب یہ نہیں کہ میں دنیا کے مداحوں کو محظوظ کرنا نہیں چاہتا۔ ہالی ووڈ میں کام نہ کرنا ان کی ضد نہیں لیکن اگر کچھ دلچسپ کرنے کو ملا تو ضرور کروں گا کیونکہ تخلیقی کام کی کوئی حدود نہیں ہوتی ہیں، اگرمجھے جاپان سے بھی اچھے کام کی آفرہوئی تومیں وہاں بھی کرلوں گا۔

عامرخان نے مزید کہا کہ ان کے خیال میں بھارتی سنیما کو ہالی ووڈ سے کوئی خطرہ نہیں، ہمیں خود کے کام سے خوف کھانا چاہیئے کہ اگرہم بری فلمیں بنائیں گے تو ہمارے مداح ہم سے دورہوجائیں گے، کسی کے لیے بھی یہ آسان اور ممکن نہیں کہ وہ آئے اورہمارے اس بڑے کاروبارکو ختم کرسکے۔ فلم کسی بھی زبان میں ہو اچھی ہونی چاہیئے پھراس کا ردعمل بھی بہتراوراچھا آئے گا، ہمارا مقصد اچھی فلمیں بنانا ہوچاہیئے کیونکہ لوگ اچھی فلمیں دیکھنے کے خواہشمند ہوتے ہیں۔واضح رہے کہ اداکارکی گزشتہ دنوں ریلیز ہونے والی فلم دنگل تاحال بھارت سمیت دنیا بھرمیں کھڑکی توڑ بزنس دے رہی ہے۔