Reporter SS
ایمز ٹی وی (انٹرٹینمنٹ)یوں تو بھارتی اپنے آپ کو دنیا بھر میں مہمان نواز کہلواتے ہیں اور دعویٰ کرتے ہیں کہ وہ بیرون ملک سے آنے والے افراد کا بہت خوش دلی اور عزت سے استقبال کرتے ہیں۔ لیکن حال ہی میں جب ہالی ووڈ اداکار وین ڈیزل بھارت پہنچے تو بھارتی صحافیوں کی بدتہذیبی نے پورے بھارت کو شرمندگی سے سر جھکانے پرمجبور کردیا۔ مشہور فلم سیریز ’فاسٹ اینڈ فیورس‘ کے اداکار وین ڈیزل آج کل اپنی فلم ’ٹرپل ایکس ۔ ریٹرن آف زینڈر کیج‘ کی تشہیر کے لیے بھارت میں موجود ہیں۔وین ڈیزل جب ایئرپورٹ سے باہر نکلے تو وہاں جمع بھارتی صحافیوں نے ایک طوفان بدتمیزی مچا دیا اور زور زور سے ’ڈیزل، اوئے ڈیزل، دیکھ، دیکھ‘ چلانا شروع کردیا۔
جب وین ڈیزل ان سب کونظرانداز کر کے اندر چلے گئے تو کسی دل جلے صحافی نے ’ٹکلے‘ کہہ کراپنے دل کی بھڑاس نکالی۔اس طرح کہہ کر اس نے اپنے طور پر وین ڈیزل کے گنج پن کا مذاق اڑانے کی کوشش کی لیکن شاید وہ یہ بھول گیا کہ یہ ون ڈیزل کی منفرد شخصیت اور اسٹائل کا حصہ ہے۔یہی نہیں جب یہ ویڈیو وائرل ہوئی تو ٹویٹرپربھی بھارتیوں نے اپنی جہالت کا شاندار ثبوت دیا۔
انہوں نے بجائے اس کی مذمت کرنے کے، وین ڈیزل کا مذاق اڑانا شروع کردیا، اور دنیا کو بتا دیا کہ جس کو اپنی عزت عزیز ہو وہ کبھی بھارت نہ جائے۔ واضح رہے کہ اس فلم سے بالی ووڈ اداکارہ دپیکا پڈوکون بھی اپنے ہالی وڈ کیرئیر کی شروعات کرنے جارہی ہیں۔ دپیکا فلم میں سیرینا نامی ایک شکاری کا کردار ادا کر رہی ہیں۔فلم ’دا ریٹرن آف زینڈر کیج‘ 2002 میں آنے والی ’ٹرپل ایکس‘ اور 2005 میں آنے والی ’اسٹیٹ آف دی یونین‘ کا سیکوئل ہے۔
ایمزٹی وی(اسپورٹس)آسٹریلیا کے خلاف پرتھ کے واکا گراؤنڈ میں کھیلے جانے والے تیسرے ون ڈے میچ میں سمتھ الیون نے پروفیسر الیون کو 7 وکٹوں سے شکست دے کر سیریز میں 2-1 سے برتری حاصل کر لی۔ پاکستان نے آسٹریلیا کو جیت کے لیے 264 رنز کا ہدف دیا تھا جس کے تعاقب میں سمتھ کی شاندار سنچری کی بدولت کینگروز نے میچ 45 ویں اوور میں بآسانی جیت لیا۔ کینگروز نے ٹاس جیت کر فیلڈنگ کا فیصلہ کیا تو کپتان محمد حفیظ صرف چار رنز بنا کر ہیزل ووڈ کی گیند پر میدان بدر ہوئے۔ اوپنر شرجیل خان نے روایتی انداز سے بیٹنگ کرتے ہوئے سٹین لیک کے ایک اوور میں تین چوکے اور ایک فلک شگاف چھکا لگایا۔ شرجیل خان ففٹی مکمل کرنے کے بعد ٹریوس ہیڈ کی گیند پر کلین بولڈ ہوئے۔
اس کے بعد اسد شفیق بھی 5 رنز بنا کر ٹریوس ہیڈ کی گیند پر خواجہ کے ہاتھوں کیچ آؤٹ ہوگئے۔ باقی کے کھلاڑی بھی رنز میں خاطرخواہ اضافہ نہ کر سکے۔ شعیب ملک اور کامران اکمل 39,39، عماد وسیم 9، محمد رضوان 14 اور محمد عامر صرف 4 رنز بنا سکے۔ بابر اعظم نے بہترین بلے بازی کا مظاہرہ کرتے ہوئے 84 رنز بنائے وہ ہیزل وڈ کی گیند پر ہینڈز کامب کے ہاتھوں کیچ آؤٹ ہوئے۔ آسٹریلیا کی طرف سے کپتان سٹیون سمتھ شاندار سنچری کی بدولت 108 رنز بنا کر ناقابل شکست رہے۔ آسٹریلیا کی پہلی وکٹ 44رنز کے مجموعی سکور پر گری جب ہیزل وڈ جنید خان کی گیند پر محمد رضوان کے ہاتھوں کیچ آؤٹ ہوئے۔ عثمان خواجہ بھی رنز میں خاطر خواہ اضافہ نہ کر سکے اور صرف 9 رنز پر چلتے بنے۔ پیٹر ہینڈز کومب نے بہترین بلے بازی کا مظاہرہ کرتے ہوئے 82 رنز بنائے۔
ایمزٹی وی(اسلام آباد)وفاقی وزیر ریلوے خواجہ سعد رفیق نے گزشتہ روز شیخ رشید کے خلاف دئیے گئے بیان پر شرمندگی ظاہر کردی ۔ان کا کہنا تھا کہ کل شیخ رشید کے خلاف بات کی بعد میں محسوس ہوا کہ یہ کیا بات کی ہے پاناما لیکس کیس کی سماعت کے بعد میڈ یا سے گفتگو کرتے ہوئے خواجہ سعدرفیق نے کہا کہ عمران خان میڈ یا پر آتے ہیں اور کہتے ہیں تلاشی سے ڈر گئے ،اس طرح کی بازاری باتوں پر ہمیں بھی جواب دینا پڑتا ہے ۔ انہوں نے کہا کہ کل میں نے شیخ رشید کے بارے میں بات کی بعد میں احساس ہوا کہ یہ کیا بات کی ہے ۔
ان کا کہنا تھا کہ عمران خان اور ان کے رفقاءکی باتوں کے جواب میں کچھ باتیں نکل جاتی ہیں جن پر بعد میں تکلیف بھی ہوتی ہے ۔وفاقی وزیر ریلوے نے سپریم کورٹ سے استدعا کی کہ ٹی وی پروگراموں اور سیاسی تقریروں میں پاناما لیکس کیس کے بارے میں جو جو باتیں کی جا رہی ہیں ،ان سب پر توہین عدالت لگانے کے لیے جائزہ لینا چاہیے ۔ ان کا کہنا تھا کہ کچھ لوگ نادانستہ یا دانستہ طور پر اداروں پر دباﺅ ڈالنا چاہتے ہیں ۔
انہوں نے کہا کہ اعلیٰ عدالت کی جانب سے بعض ریمارکس پر ہمیں بھی اعتراض ہیں لیکن ہم ان پر بات نہیں کرتے کیونکہ عدلیہ کا تقدس پامال نہ ہو اور عدالت کا جو بھی فیصلہ آئے ہم سب کو قبول ہونا چاہیے ۔ واضح رہے کہ گزشتہ روز خواجہ سعد رفیق نے شیخ رشید کے بارے میں کہا تھا کہ اگر مسلم لیگ ن انہیں بھی ہڈی ڈال دیتی تو آج ہمارے خلاف باتیں نہ کرتے ۔