Reporter SS
کراچی : کراچی کے ایک معروف پارک میں یتیم بچوں کے لئے تفریحی میلےکاانعقاد کیا گیا۔ میلے میں بطور مہمان ِ خصوصی گورنر سندھ عمران اسماعیل نے شرکت کی ۔ اس موقع پر ان کا کہنا تھاکہ سندھ میں موجود 4.2 ملین ناخواندہ بچوں کو تعلیم سے آراستہ کرنے کی مہم کا موجودہ حکومت بھرپور ساتھ دے گی کیونکہ ایسے ہی اقدامات سے ملک میں مدینہ جیسی فلاحی ریاست کا قیام عمل میں لایا جا سکتا ہے۔ موجودہ حکومت صوبے کے پسماندہ اور غیر مراعات یافتہ گھرانوں کے بچوں میں تعلیم کے فروغ کے لیے ہونے والی فلاحی کوششوں کا بھرپور ساتھ دے گی انھوں نے کہا کہ غریب اور یتیم بچوں کی فلاح و بہبود، تعلیم، اور تفریح کے لیے کی جانے والی کوششیں لائق تحسین ہیں اور ایسے اقدامات اٹھانے والے فلاحی اداروں کی بھرپور اعانت کی جائے گی۔نہوں نے کہا کہ حکومت ہر ممکن کوشش کرے گی کہ تعلیم کے شعبے میں کام کرنے والے جی سی ٹی جیسے مستند فلاحی اداروں کی بھرپور مدد کرے تاکہ وہ اپنی بےلوث خدمات کا دائرہ صوبے بھر میں وسیع کر سکے
اس موقع پر خطاب کرتے ہوئے جی سی ٹی کے چیف ایگزیکٹو آفیسر زاہد سعید نے اپنے فلاحی ادارے سے منسلک عطیات دینے والے افراد کا بھرپور شکریہ ادا کیا اورکہا کہ کہ ایسے ہی بے لوث تعاون کی بدولت ان کا ادارہ اپنے رفاعی سکولوں کے نیٹ ورک میں موجود 1600 سے زائد بچوں کی بھرپور کفالت اور بحالی کے اقدامات ہرسال اٹھا رہا ہےانہوں نے کہا کہ صرف صوبہ سندھ میں ناخواندہ بچوں کی تعداد 4.2 ملین ہے اور اس مسئلہ کو حل کرنے کے لئے تعلیمی نظام کی بہتری اور دستیاب وسائل کا شفاف استعمال ضروری ہے۔انہوں نے کہا کہ جی سی ٹی نے اپنے تعلیمی سفر کا آغاز 25 سال پہلے کراچی کے ضلع غربی کے دور دراز کے ایک علاقے میں اپنا پہلا سکول قائم کرکے کیا۔ اس سکول میں 50 طالب علم اور ایک استاد تھا۔ آج جی سی ٹی کے نیٹ ورک میں طالب علموں کی تعداد 29 ہزار ہے جن کو چودہ سو قابل اساتذہ تعلیم دے رہے ہیں۔ جی سی ٹی ان علاقوں میں اسکولوں کا قیام عمل میں لے کر آئ جہاں پر پہلے کوئی پرائیویٹ یا سرکاری سکول موجود نہ تھا۔انہوں نے کہا کہ جی سی ٹی نے اپنے تعلیمی سفر کا آغاز 25 سال پہلے کراچی کے ضلع غربی کے دور دراز کے ایک علاقے میں اپنا پہلا سکول قائم کرکے کیا۔ اس سکول میں 50 طالب علم اور ایک استاد تھا۔ آج جی سی ٹی کے نیٹ ورک میں طالب علموں کی تعداد 29 ہزار ہے جن کو چودہ سو قابل اساتذہ تعلیم دے رہے ہیں۔ جی سی ٹی ان علاقوں میں اسکولوں کا قیام عمل میں لے کر آئ جہاں پر پہلے کوئی پرائیویٹ یا سرکاری سکول موجود نہ تھا۔
واضح رہے
بیجنگ: چین میں خطرناک کرونا وائرس سے مرنے والوں کی تعداد 17 تک پہنچ گئی ہے جب کہ وائرس سے متاثرہ افراد کے اب تک 611 کیسز رپورٹ ہوئے ہیں۔
چین کے شہر ووہان میں سے پھیلنے والے خطرناک کرونا وائرس کے باعث مرنے والوں کی تعداد 17 تک پہنچ گئی ہے جب کہ 611 مزید کیسز رپورٹ ہوئے ہیں، خطرناک کرونا وائرس چین کے شہر ووہان سے نکل کر دیگر شہروں میں بھی پھیلنا شروع ہوگیا ہے۔
دوسری جانب خطرناک کرونا وائرس کے امریکا، تھائی لینڈ اور جاپان سمیت جنوبی کوریا میں بھی کیسز رپورٹ ہوئے ہیں جس کے بعد سے ان تمام ممالک نے وائرس سے بچاؤ کے لیے ایئرپورٹس پر ہنگامی اقدامات شروع کردیے ہیں۔
کراچی: جامعہ کراچی میںچینی زبان کے سرٹیفیکٹ کورسز میں داخلوں کے لئے فارم جمع کرانے کی تاریخ میں توسیع کردی گئی ہے۔
انچارج ڈائریکٹوریٹ آف ایڈمیشنز جامعہ کراچی ڈاکٹر صائمہ اخترکے مطابق چینی زبان کے سرٹیفیکٹ کورسز میں داخلوں کے لئے فارم حاصل اورجمع کرانے کی تاریخ میں دو دن کی توسیع کردی گئی ہے۔
چینی زبان کے سرٹیفیکٹ کورسز کے خواہشمند طلبہ 24جنوری بروز جمعہ تک داخلہ فارم صبح 9:00بجے تاشام4:00 بجے تک جامعہ کراچی میں واقع ایچ بی ایل(HBL) بینک کے مین کیمپس برانچ سے500 روپے کے عوض حاصل کرکے جمعہ کے روز تک جمع کراسکتے ہیں۔
کراچی : فیڈریشن آف آل پاکستان یونیورسٹیز اکیڈمک اسٹاف ایسوسی ایشن ( فپواسا)نے بدھ 22 جنوری کو کراچی پریس کلب میں پریس کانفرنس کرتے ہوئے مطالبہ کیا ہےکہ سندھ سمیت پاکستان بھر کی جامعات اور ان سے ملحقہ تحقیقی اور تعلیمی اداروں میںریٹائرڈاساتذہ کو فوراً انتظامی عہدوں سے ہٹایا جائے۔
مذید مطالبات میں اعلی تعلیم سے وابستہ اساتذہ کی تنخواہوں پر75فیصد ٹیکس ریبیٹ بحال کی جائے اور پوسٹ پی ایچ ڈی کی شرط کےخاتمہ کامطالبہ شامل ہیں۔اس پریس کانفرنس میں فپواسا کے قائم مقام صدر ڈاکٹر نعمت اللہ لغاری،سیکریٹری جنرل ڈاکٹر کلیم اللہ بڑیچ،نائب صدر KUTSڈاکٹر طحہ ،دائو یونیورسٹی کے صدر پروفیسرڈاکٹر ذیشان علی میمن ، سیکریٹری ڈاکٹر انعام اللہ میتھلواوردیگر نے شرکت کی