Reporter SS
کراچی: نجی چینل کے بیوروچیف ڈاکٹرخالدحمیدفاروقی نے شیخ الجامعہ پروفیسر ڈاکٹر خالد محمودعراقی کے ہمراہ گزشتہ روز شعبہ ابلاغ عامہ جامعہ کراچی کا دورہ کیا اور شعبہ کی فیکلٹی سے ملاقات کی اور باہمی امور پر تبادلہ خیال کیا۔
۔ڈاکٹر خالد حمید نے شعبہ ابلاغ عامہ کی فیکلٹی کومخاطب کرتے ہوئے کہا کہ شعبہ ابلاغ عامہ کی اہمیت وافادیت سے دنیا بھر میں استفادہ کیاجارہاہے اور پاکستانی بیانیے کو دنیاکے کونے کونے تک پہنچایا جارہے جس کے لئے شعبہ ہذا کا کلیدی کردار ہے۔
انہوں نے تجویز دی کہ شعبہ ہذا کو چاہیئے کہ وہ پوری دنیا اور بالخصوص یورپی جامعات کے شعبہ ابلاغ عامہ اور میڈیاسائنسز کے ساتھ روابط کوفروغ دیں تاکہ شعبہ ہذا کے فیکلٹی ممبران اور طلبہ اعلیٰ معیاری تدریس وتحقیق اور جدید تقاضوں سے ہم آہنگ ہوکر اپنی صلاحیتوں میں نکھار پیداکرسکیں۔فیکلٹی ممبران اور طلبہ کو یورپی جامعات میں ہونے والی تحقیق سے استفادہ کرتے ہوئے جدید تقاضوں کے مطابق کام کرنے کی ضرورت ہے۔
اس موقع پر جامعہ کراچی کے وائس چانسلر پروفیسر ڈاکٹر خالد محمد عراقی نے کہا کہ میڈیا ایک طاقت ہے اور اس طاقت کو لوگوں میں شعور بیدار کرنے کے لئے استعمال کیا جائے تو معاشرے ترقی کی جانب گامزن ہوسکتے ہیں۔
میڈیا وسیع تر اور موثر ترین ذریعہ ابلاغ ہونے کی وجہ سے آج معاشرے کا اہم جزو ہے، اور محسوس و غیر محسوس طریقوں سے انسانی زندگی کو متاثر کررہا ہے۔ہمارے نوجوانوں میں صلاحیتوں کی کمی نہیں ہے اور میڈیا کی رہنمائی ان کی صلاحیتوں کو کئی گنا بڑھا سکتی ہے۔
کراچی: جامعہ کراچی کےوائس چانسلر ڈاکٹرخالدعراقی نے مختلف کھیلوں میں جامعہ کی نمائندگی کرنے والے طلباوطالبات میں اسپورٹس کٹس تقسیم کئے
اس موقع پروائس چانسلرکاکہناتھا کہ تقریب سے خطاب کرتے ہوئے کہا کہ یہ طلبہ پورے پاکستان میں جامعہ کراچی اور بین الاقوامی سطح پر پاکستان اور جامعہ کراچی کی نمائندگی کرتے ہیں۔مجھے خوشی ہے کہ ہمارے طلباوطالبات کو دفتر مشیر امور طلبہ کی جانب سے غیر نصابی سرگرمیوں میں بھی حصہ لینے کے بھر پور مواقع فراہم کئے جارہے ہیں۔تقریب کا اہتمام دفترمشیر امورطلبہ جامعہ کراچی کے زیر اہتمام انتظامی عمارت کے سامنے کیا گیا تھا۔
ڈاکٹر خالد عراقی نے مزید کہا کہ نصابی سرگرمیوں کے ساتھ ساتھ غیر نصابی سرگرمیوں میں حصہ لینے کی وجہ سے طلبہ کی ذہنی وجسمانی نشوونما بہترانداز میں ہوپاتی ہے۔جامعات کا یہ ہی کام ہے کہ طلباوطالبات کو مثبت سرگرمیوں میں مصروف عمل رکھنے کے لئے مواقع فراہم کریں ۔ اسپورٹس آپ کو تحمل ،برداشت اور یگانگت سیکھاتاہے اور آپ کی قائدانہ صلاحیتوں میں اضافے کا باعث بنتا ہے۔
مشیر امور طلبہ جامعہ کراچی ڈاکٹر سید عاصم علی نے کہا کہ مذکور ہ تقریب جامعہ کراچی کی اسپورٹس سوسائٹی کی حوصلہ افزائی کے لئے منعقد کی گئی ہے اور مجھے امید ہے کہ یہ طلبہ جامعہ کراچی کی نمائندگی کرتے ہوئے اس کے عزت اور وقار کا پاس رکھیں گے۔
کراچی: جامعہ کراچی نے ایم اے انگریزی سال اول اور سال آخر پرائیوٹ سالانہ امتحانات برائے 2018ءکے نتائج کا اعلان کردیا۔
ناظم امتحانات جامعہ کراچی پروفیسر ڈاکٹر محمد ارشد اعظمی کے مطابق ایم اے انگریزی سال اول اور سال آخر پرائیوٹ سالانہ امتحانات برائے 2018ءکے نتائج کا اعلان کردیا گیا ہے۔
نتائج کے مطابق ایم اے سال آخر کے امتحانات 70 طلبہ شریک ہوئے،13 طلبہ کو سیکنڈ ڈویژن میں کامیاب قراردیا گیا جبکہ 57 طلبہ ناکام قرارپائے۔کامیاب طلبہ کا تناسب 18.57 فیصدرہا۔
ایم اے سال اول کے امتحانات میں 89 طلبہ شریک ہوئے،13 طلبہ کو کامیاب قراردیاگیا جبکہ 76 طلبہ ناکام قرارپائے۔کامیاب طلبہ کا تناسب 14.61 فیصدرہا۔