کراچی: ضیاءالدین یونیورسٹی کی جانب سے چوتھی دو روزہ بین الاقوامی کانفرنس بہ عنوان''ادویہ کی دریافت اور معالجیات کو درپیش مسائل" 6 تا 7 دسمبر ابوالحسن جعفری آڈیٹوریم، ضیاءالدین یونیورسٹی میں منعقد کی جارہی ہے۔

کانفرنس کا مقصد بین الاقوامی مندوبین کی مدد سے پاکستان میں جدید آلات کو استعمال کرتے ہوئے ایسی ادویات متعارف کروانا ہے جو علاج معالجے کو زیادہ کامیاب اور موثر بنا سکیں ۔

کانفرنس میں پاکستان سمیت ملائیشیا ، کینیڈا، ایتھوپیا اور امریکہ کے سائنسدان اور مندوبین شرکت کریں گے۔ کانفرنس میں ینگ سائنٹسٹ، پوسٹ کانفرنس ورکشاپ اور سیٹلائٹ سمپوزیہ کے سیشنز بھی شامل ہوں گے ۔

لاہور: نیب لاہور نے شہباز شریف کے تمام اثاثے منجمد کرنے کے احکامات جاری کردیے۔     

نیب ذرائع کے مطابق نیب لاہور نے سابق وزیراعلیٰ پنجاب شہباز شریف کے تمام اثاثے منجمد کرنے کے احکامات جاری کردیے ہیں،

منجمد کیے جانے والے اثاثوں میں لاہور کی 96 ایچ اور 86 ایچ ماڈل ٹاؤن کی پراپرٹی سمیت ایبٹ آباد ڈانگہ گلی میں 9 کنال کا پلاٹ اور ہرہ پور میں 2 پراپرٹیاں شامل ہیں۔

اس کے علاوہ جوہر ٹاؤن میں 13 پراپرٹیاں، چنیوٹ میں 2 پراپرٹیاں اور ڈیفنس فیز 5 لاہور میں پلاٹ بھی شامل ہیں۔

لاڑکانہ: لاڑکانہ میں چار بچوں کے معذور باپ نے بے روزگاری سے تنگ آکر خودکشی کرلی۔

ورثا نے پولیس کو بیان دیا کہ اللہ بخش نے خودکشی سے قبل اہلخانہ اور بچوں کو اپنے عزیزوں کے گھر بھیجا اور پھر انتہائی قدم اٹھایا۔

کراچی اعلیٰ ثانوی تعلیمی بورڈ کراچی نے اعلان کیا ہے کہ انٹر میڈیٹ حصہ اول سائنس پری انجینئرنگ گروپ کے سالانہ امتحانات برائے 2019ء کی مارکس شیٹس تیار ہوگئی ہیں۔

کالجوں اور ہائر سیکنڈری اسکولوں کے نمائندے  پرنسپل کے اتھارٹی لیٹر کے ساتھ بروز منگل 2 دسمبر 2019ء سے بورڈ کے متعلقہ سیکشن سے مارکس  شیٹس حاصل کرسکتے ہیں۔

کراچی اعلیٰ ثانوی تعلیمی بورڈ کراچی نے اعلان کیا ہے کہ انٹر میڈیٹ حصہ اول سائنس پری انجینئرنگ گروپ کے سالانہ امتحانات برائے 2019ء کی مارکس شیٹس تیار ہوگئی ہیں۔

کالجوں اور ہائر سیکنڈری اسکولوں کے نمائندے  پرنسپل کے اتھارٹی لیٹر کے ساتھ بروز منگل 2 دسمبر 2019ء سے بورڈ کے متعلقہ سیکشن سے مارکس  شیٹس حاصل کرسکتے ہیں۔

 لاہور: آسٹریلیا میں رسوائیوں کی نئی تاریخ رقم ہو گئی،کسی ایک ملک میں مسلسل سب سے زیادہ ٹیسٹ ہارنے کا ریکارڈ پاکستان ٹیم کا داغ بن گیا، آسٹریلیا میں 14شکستوں کے ساتھ بنگلہ دیش کو پیچھے چھوڑ دیا۔

ایڈیلیڈ میں ناکامی کے ساتھ کینگروز کے دیس میں گرین کیپس کی 1999سے تاحال شکستوں کی تعداد 14 ہوگئی، اس دوران میزبان ٹیم نے 4بار 3-0سے کلین سوئپ کیا، اس مرتبہ بھی دونوں میچز جیتے، پاکستان کی آسٹریلیا میں آخری فتح 24سال قبل تھی، اس سے قبل بنگلہ دیش نے اپنے ہی ملک میں مسلسل 13میچز میں شکست کھائی تھی۔

آسٹریلیا کی پاکستان کیخلاف ہوم سیریز میں فتح کا تناسب 70.27 ہے، اس سے بہتر ریکارڈ صرف سری لنکا کیخلاف رہا،گرین کیپس کو دوسری بار مسلسل چھٹے ٹیسٹ میں شکست ہوئی،جنوبی افریقہ کیخلاف تینوں، نیوزی لینڈ کیخلاف ایک اور اب آسٹریلیا میں دونوں میچز میں ناکامی ہوئی۔

حالیہ سیریز میں آسٹریلیا نے اپنی تیسری بہترین بیٹنگ اوسط فی وکٹ 87.84 حاصل کی،اس سے قبل سری لنکا کیخلاف2007-08 میں 112.36اور ویسٹ انڈیز کیخلاف  2015-16کی سیریز میں 119.66کی ایوریج سے رنز بنے تھے۔

ڈیوڈ وارنر نے 2ٹیسٹ کی سیریز میں کسی بھی آسٹریلوی بیٹسمین کی جانب سے دوسرا بڑا سکور 489کیا، اس سے قبل میتھیو ہیڈن نے زمبابوے کیخلاف 2003میں 501رنز جوڑے تھے۔