کراچی: شہرت کی بلندیوں کو چھوتا ہوا ڈرامہ ’میرے پاس تم ہو‘ کا ٹائٹل سانگ ویسے ہی مشہور تھا تاہم اب بچوں کی آوازمیں گائے گئے اس گانے کی سوشل میڈیا پردھوم مچ گئی ہے۔

ڈرامہ ’میرے پاس تم ہو‘ اپنے ڈائیلاگ اورکرداروں سمیت کہانی کی وجہ سے سب کا من پسند ڈرامہ بن چکا ہے جہاں تقریبا ہرہفتے ہی اس ڈرا مہ کی کہانی میں ایک نیا موڑ آجاتا ہے جس کے بعد مداح ان ڈائیلاگزکے میمز بھی بناتے ہیں جب کہ طرح طرح سے سوشل میڈیا پر ڈرامے سے متعلق خیالات کا اظہاربھی کیا جاتا ہے۔

ڈرامہ کی کہانی جہاں دلچسپ ہے وہیں ڈرامے کا عالمی شہرت یافتہ گلوکارراحت فتح علی خان کی آوازمیں گایا گیا اوایس ٹی سانگ (ٹائٹل سانگ) بھی اب تک بہت مشہورہوچکا ہے اوراب اس ٹائٹل سانگ مزید پزیرائی مل رہی ہے جب سے اسے 2 ننھے گلوکار اپنی بہترین آوازمیں جاندار طریقے سے گا رہے ہیں۔

سوشل میڈیا پربچوں کی وڈیو پسند کی جارہی ہے۔ وڈیوسے متعلق صارفین کا کہنا ہے کہ بچوں نے یہ گانا اصل گانے سے زیادہ بہترگایا ہے، کچھ صارفین نے کہا کہ بچوں کی آوازمیں جادوہے جب کہ کچھ نے بچوں کو چھوٹے راحت فتح علی خان قراردے دیا۔

 کراچی جامعہ کراچی کے وائس چانسلر پروفیسر ڈاکٹرخالد محمود عراقی کی صدارت میں منعقدہ ایڈوانسڈ اسٹڈیز اینڈریسرچ بورڈ کے حالیہ اجلاس میں34طلبا وطالبات کو پی ایچ ڈی ،36 طلباوطالبات کو ایم فل جبکہ 02 طالبات کوایم ایس کورس ورک(30 کریڈٹ آرز) مکمل کرنے پر ڈگریاں تفویض کی گئیں۔

جامعہ کراچی کے رجسٹرار پروفیسر ڈاکٹر سلیم شہزاد کے مطابق پی ایچ ڈی  کی ڈگرحاصل کرنے والوں میں فاطمہ رضوی(فارماکو لوجی بی ایم ایس آئی)،طاہرہ فردوس (اسلامک لرننگ)،عبدالرﺅف شاہ(کیمسٹری)،شازیہ شرافت ،شگفتہ جہانگیر(ویمن اسٹڈیز)،مدیحہ رحمان،معراج زہرہ(بائیوکیمسٹری)،پنیراعلی،محمد عیسیٰ،نزہت اکرم(یورپین اسٹڈیز)،مہرالنسائ(اکنامکس)،بلقیس فاطمہ میمن(زولوجی)،عمران خان(جغرافیہ)،ناجیہ منصور(فارماکولوجی)،عالیہ کاشف (جغرافیہ جی آئی ایس)،رقیہّ خلیل(مالیکیولر میڈیسن)،ماریہ کلیم،صدف اسماعیل،ایم بلال (جیولوجی)،فوزیہ سہیل (اپلائیڈ اکنامکس)،شہناز نسیم(مائیکروبائیولوجی)،انسیا حسین (اسٹیٹسٹکس)،حافظہ فرحت مُطلب (باٹنی)،وجیہہ گل،ربیعہ منور، عروج ناظم(فارماسیوٹیکل کیمسٹری)،محمد عثمان(بائیوکیمسٹری این سی پی)،شجیلہ ارم (مائیکروبائیولوجی)،(عائشہ ضیا(کلینکل سائیکولوجی)،ابیرا معین (فوڈ سائنس اینڈ ٹیکنالوجی)، سید مزمل احمد (فارماکوگنوسی)،پروین اختر،مشہد فاطمہ (کیمسٹری)،ثروت افشاں(جینیٹکس)

جبکہ ایم فل کی ڈگریاں حاصل کرنے والوں میںواجد علی(اسلامک لرننگ)،گل گُونا،صنوبر جمیل،طاہرہ خالد،شبانہ ناز (کلینکل سائیکولوجی)،سیدہ انعم فاطمہ،سلمیٰ،(فارماکولوجی)،مہرین شہزاد(کیمسٹری)،ارشد،شاہد اقبال،جاوید حسین (کامرس)،سدرہ یوسف(میرین بائیولوجی)،زیب النساء(سائیکولوجی)،زیتون کریم،خالد محمود،اقصیٰ صدف،طیب منظور (اُردو)،سدرہ فاطمہ حمیدی، محمد افراہیم،اُمِ فروہ،سلمیٰ حسن،خیر اللہ،رابعہ،رمیز راجہ(کیمسٹری ایچ ای جے)،سمعیہ مشتاق(فزیالوجی)،حافظ نعمان خان(اسلامک اسٹدیز ایس زیڈ آئی سی)،طاہرہ منصور (بائیوٹیکنالوجی)،ایم تابش (میرین بائیولوجی)،وفا محمود (کیمسٹری)،مونا شاہین (مائیکروبائیولوجی)،وقار احمد (اپلائیڈ اکنامکس)،عادل شہزاد(جینیٹکس)،انعم اختر (باٹنی)،عترت وقار(فارماسیوٹیکل کیمسٹری)،روحینہ (کیمسٹری)،منعم ظفر (مالیکولر میڈیسن)

اور ایم ایس کورس ورک(30 کریڈٹ آرز) مکمل کرنے پر ڈگریاں حاصل کرنے والوں میں زیباسلمان،فرزانہ نسیم(جغرافیہ جی آئی ایس)شامل ہیں

وزیراعلیٰ سندھ سید مراد علی شاہ نے طلباء یونینز پر پابندی ختم کرنے کی منظوری دیتے ہوئے کہا ہے کہ ان کی بحالی سے متعلق قانون سازی کریں گے۔

مراد علی شاہ نے کہا کہ جلد ایک قانون بنا کر کابینہ اور پھر سندھ اسمبلی سے منظور کرایا جائے گا۔

اس حوالے سے سندھ حکومت کے ترجمان مشیر قانون ، ماحولیات و ساحلی ترقی بیرسٹر مرتضی وہاب نے پریس کانفرنس کرتے ہوئے بتایا کہ سندھ اسمبلی طلباء یونینز کی بحالی کے حوالے سے قرارداد منظور کرچکی ہے۔

انہوں نے بتایا کہ بلاول بھٹو زرداری بھی طلباء یونینز کے حوالے سے اعلانات کرچکے ہیں، جبکہ وزیر اعلیٰ سندھ بھی طلباء یونیز کی بحالی کی ہدایت کرچکے ہیں۔

بیرسٹر مرتضی وہاب کا کہنا ہے کہ ہم نے طلباء تنظیموں کی ہمیشہ حمایت کی ہے ، سابق وزیر اعظم یوسف رضاگیلانی نے یونین بحالی کا اعلان کیا تھا، جبکہ سندھ حکومت قرارداد بھی پاس کرچکی ہے۔

ان کا کہنا تھا کہ طلباء کو سیاسی سرگرمیوں کی اجازت ہونی چاہیے، دوران طالب علمی نوجوان سیکھتے ہیں۔

انہوں نے بتایا کہ طلباء تنظیموں سے مشاورت شروع ہوچکی ہے، سندھ حکومت نے ہمیشہ پہل کی ہے اور اس سلسلے میں آج پہلی میٹنگ کی گئی ہے جبکہ کابینہ کے آئندہ اجلاس میں قانون پیش کیا جائے گا۔

2دسمبر کا دن دنیا بھر میں ورلڈ کمپیوٹر لٹریسی ڈے کے نام سے منایا جاتا ہے اس دن کو منانے کی ابتدا 2001 سے ہوئی جب کمپیوٹر سے آگاہی اور اس کا استعمال میں اضافہ ہوا۔

کمپیوٹر اور دوسرے تمام الیکٹرونک گیجٹس ہماری روز مرہ زندگی کا لازمی اور اہم حصہ بن چکے ہیں ہماری زندگی کا ایک بڑا حصہ ان کو استعمال کرتے گزرتا ہے پہلے زمانے میں جو کام کئی افراد مل کر کئی ھفتوں اورمہینوں میں کرتے تھے آج کمپیوٹر کی بدولت وہی کام منٹوں میں اور کافی جدید طریقوں کے تحت کر لیا جاتا ہے کمپیوٹر لٹریسی اس قابلیت کو کہا جاتا ہے جس کے ذریعے کوئی فرد کمپیوٹر اور اس کا استعما ل جانتا ہو اس کو چلانے کے نت نئے طریقوں سے واقفیت رکھتا ہو کیوں کہ آج کا دور کمپیوٹر کا دور ہے وقت کے ساتھ ساتھ ہر ہر چیز کاانحصار سائنس اور ٹیکنالوجی پر بڑھتا جا رہا ہے۔

کمپیوٹر اور اس کی بڑھتی ہوئی افادیت کو مد نظر رکھتے ہوئے پرائمری کلاسوں کے نصاب میں کمپیوٹر کا مضامین شامل ہےمختلف اسکولوں میں ہوم ورک بھی کمپیوٹر پہ دیا جاتا ہے  تاکہ بچوں کی جسمانی نشونما کے ساتھ ساتھ ان کی ذہنی صلاحییتوں کو بھی استعمال میں لایا جا سکے.

ایک نیوز رپورٹ کے مطابق دنیا بھر میں ہر سال تقریبا دو بلین سے زیادہ کمپیوٹر فروخت کیے جاتے ہیں ۔ اس دن کو منانے کا بنیادی مقصد لوگوں کے اندر کمپیوٹر کی افادیت، ہماری روز مرہ زندگی میں سائنس اور ٹیکنالوجی کئ بڑھتی ہوئ ضرورت اور جدید ٹیکنالوجی کے استعمال کو اجاگر کرنا ہے تاکہ ہم لوگ بھی ترقی کی دوڑ میں شامل ہو سکیں اور اس پل پل رنگ بدلتی دنیا کے ساتھ چل سکیں

 اڑیسہ: جنگی جارحیت میں مبتلا بھارت کا چین اور پاکستان کے تمام بڑوں شہروں تک رینج رکھنے والے 17 میٹر لمبے، 50 ٹن وزنی اور 2 میٹر قطر والے ایٹمی میزائل کا تیسرا تجربہ بھی بری طرح ناکام ہوگیا۔

بھارتی میڈیا کے مطابق ریاست اوڈیشا میں عبدالکلام آئی لینڈ میں رات کے اندھیرے میں زمین سے زمین پر مار کرنے والے جدید ایٹمی میزائل اگنی تھری کا تجربہ ناکام ہوگیا ہے، اگنی تھری میزائل بھی اپنے پیشروؤں (اگنی-1 اور اگنی-2) کی طرح فضا میں ہی ناکام ہو کر سمندر برد ہوگیا۔ ناکام تجربے کی وجہ کا تعین کرنے کیلیے کمیٹی تشکیل دے دی گئی۔

اگنی تھری کو تجربے کے مرحلے سے گزارنے کیلیے بھارتی انجینیئرز نے ’جعلی پلے لوڈ‘ کے ساتھ فضا میں 2 ہزار 800 کلومیٹر کی دوری پر ہدف کو نشانہ بنانے کیلیے مار کیا تو محض 115 کلومیٹر کا سفر طے کرنے کے بعد میزائل نے خود ہی اپنا رخ ہدف کے مخالف تبدیل کرلیا تھا اور سمندر میں گر گیا۔

لاہور:  پاکستان کرکٹ بورڈ نےبنگلہ دیش پریمیر لیگ  (بی پی ایل) کے لیے قومی کرکٹرز کو این او سی دینے کا فیصلہ کیاہے۔

ٹی ٹین کرکٹ لیگ کے بعد یہ پہلی لیگ ہے جس کے لیے قومی کرکٹرز کو کھیلنے کی اجازت دی گئی ہے۔ پی سی بی ذرائع کے مطابق  شعیب ملک اور محمد عرفان کو اب تک این او سی دیے گئے ہیں۔

دوسرے کرکٹرز کے رابطے کرنے پر این او سی کا فیصلہ کر دیا جائے گا ۔ وہاب ریاض ،آصف علی، شاہد آفریدی اور  محمد عامر کے بھی بی پی ایل میں معایدے ہوچکے ہیں۔ محمد نواز، عماد وسیم اور محمد موسی بھی بی پی ایل کے لیے سائن کرنے والوں میں شامل ہیں۔

اسلام آباد:  ڈی جی ایف آئی اے بشیر میمن نے احتجاجاً ملازمت سے استعفیٰ دے دیا۔   

ایف آئی اے کے ڈائریکٹر بشیر میمن نے احتجاجاً ملازمت سے استعفیٰ دیدیا ہے، بشیر میمن نے استعفی سیکرٹری اسٹیبلشمنٹ کو بھجوا دیا جس میں کہا گیا ہے کہ سرکاری افسر کو ریٹائرمنٹ کے نزدیک پوسٹنگ نہ دینا آداب کی خلاف ورزی ہے، ریٹائرمنٹ سے چند روز قبل تبادلہ کرنے کا مطلب حکومت مجھ سے خوش نہیں لہذا حکومتی فیصلے کے پیش نظر میں ملازمت سے استعفیٰ دیتا ہوں۔

ذرائع کے مطابق بشیر میمن حکومت سے کچھ ایشوز پر اختلافات کی وجہ سے چھٹی پر چلے گئے تھے جب کہ ان پر حزب اختلاف کے لیڈروں پر مقدمات بنانے کے لیے دباؤ تھا تاہم بشیر میمن نے سیاسی دباؤ قبول کرنے سے انکار کر دیاتھا۔

 کراچی : دنیا بھر کی طرح کراچی میں بھی یکم دسمبرکوایچ آئی وی اور ایڈز سے بچاؤ اور آگاہی کا عالمی دن منایاگیا۔

کراچی میں ایچ آئی وی سے آگاہی کے لیے بائیک ریلی کا انعقاد کیا گیا جس میں خواتین بائیکرز نے بھی حصہ لیا، تفصیلات کے مطابق کراچی سمیت ملک بھر میں ایچ آئی وی (ایمیونو ڈیفیشنسی وائرس) ایڈز کی آگاہی کے لیے مختلف مقامات پر ریلی سمیت سیمینار کا انعقاد کیا گیا۔