ایمزٹی وی (کراچی/تعلیم)وفاقی اردویونیورسٹی کے وائس چانسلر پروفیسر ڈاکٹر سلیمان ڈی محمد نے جامعہ اردو میں ایم فل اور پی ایچ ڈی کے طلباء و طالبات میں پرائم منسٹر محمد نواز شریف اسکیم کے تحت لیپ ٹاپ تقسیم کئے۔ لیپ ٹاپ تقسیم کی تقریب سے خطاب کرتے ہوئے ان کا کہنا تھا کہ لیپ ٹاپ اسکیم سے مستفید ہونے والے طلباء و طالبات جدید ٹیکنالوجی کے ذریعے اپنے علوم اور رجحانات سے فوائد حاصل کریں اور ملکی ترقی میں اپنا کردار ادا کریں۔
انہوں نے کہا کہ مجموعی طور پر حکومت کی جانب سے پاکستانی جامعات میں لیپ ٹاپ کی تقسیم کا یہ عمل مثبت اورخوش آئند ہے اس طرح طلباء کو تحقیق میں مدد ملے گی۔ انہوں نے کہا کہ اس میں کوئی شک نہیں کہ جامعہ کی انتظامیہ نے لیپ ٹاپ تقسیم کرنے کا کام بہترین اور شفاف انداز میں انجام دیا جس پرمیں انہیں مبارکباد پیش کرتا ہوں۔
وزیر اعظم محمد نواز شریف اسکیم فیزIIIمیں بروز ہفتہ20مئی2017کوصبح10:30بجے ایڈمن بلاک کی تیسری منزل پر بی ایس (16سالہ)کے طلباء و طالبات میں لیپ ٹاپ تقسم کئے جائیں گے
ایمزٹی وی (کراچی/ تعلیم)اعلیٰ ثانوی تعلیمی بورڈ نے عملی امتحانات کی تاریخ کا اعلان کردیا ۔
اعلامیہ کے تحت انٹر سائنس کے عملی امتحانات کا آغاز 29 مئی سے ہوگا
ایمزٹی وی (تعلیم/ کراچی)اعلیٰ ثانوی تعلیمی بورڈ کراچی کے تحت جاری امتحانات مین نقل کا سلسلہ جاری ہے،امتحانی مراکز سے موصولہ رپورٹس کی تفصیلات کے مطابق گزشتہ روز مجموعی طور پر نقل کے9کیسز رپورٹ ہوئے۔
تفصیلات کے مطابق گزشتہ روز پہلی شفٹ میں طبعیات سال اول اور دوسری شفٹ میں انگریزی سال اول کا پرچہ ہوا۔وزیر ِ اعلیٰ سندھ سید مراد علی شاہ صاحب نے پرنسپل سیکریٹری سہیل راجپوت، اور چیئرمین انٹر بورڈ پروفیسر انعام احمد کے ساتھ اچانک امتحانی سینٹرز کا دورہ کیا سب سے پہلے انہوں نے پی ای سی ایچ ایس یجوکیشن فاؤنڈیشن گورنمنٹ سائنس کالج کشمیر روڈ کا دورہ کیا اور طلباء سے پیپر کی تیاری اور اس میں درپیش مسائل کے حوالے سے معلومات لیتے رہے ۔ اس کے بعد وزیر اعلیٰ صاحب ڈی جے سندھ گورنمنٹ سائنس کالج پہنچے۔ انہوں نے مختلف کلاسز کا وزٹ کیا اور طلباء سے بات چیت کی اور کہا کہ میں خوش ہوں کہ آپ لوگوں نے نقل ترک کر دی ہے اور محنت سے اپنے امتحان دے رہے ہیں جس کے بے شمار فوائد آپ کو اپنے مستقبل میں نظر آئیں گے
اس موقع پر انہوں نے بتایا کہ میں نے بھی اسی کالج سے پڑھا ہے ۔ اس کے بعد وزیر اعلیٰ صاحب نے پرنسپل کے کمرے میں جاکر اپنے زمانہ طالب علمی کے دور کے اعزازی بورڈز کو دیکھا ۔ڈائریکٹر جنرل کالجز سندھ ڈاکٹر ناصر انصار اور سیکریٹری ایجوکیشن کالجز کراچی پرویز احمد سیہڑ نے گورنمنٹ ڈگری کالج برائے خواتین کورنگی ڈھائی کا دورہ کیا
ایمزٹی وی(اسپورٹس) یونس خان اور مصباح الحق کے متوقع جانشینوں میں کئی نام جھلملانے لگےتفصیلات کے مطابق ویسٹ انڈیز میں سیریز فتح کے ساتھ ہی یونس خان اور مصباح الحق کا انٹرنیشنل کیریئر ختم ہوگیا، پی سی بی کو اب نہ صرف ٹیسٹ کپتان کا انتخاب بلکہ دونوں کا خلا پُر کرنے کیلیے باصلاحیت بیٹسمین بھی تلاش کرنا ہوں گے، متوقع جانشینوں پر نظر ڈالی جائے تو ڈومیسٹک کرکٹ میں عمدہ کارکردگی کا مظاہرہ کرنے والے چند کرکٹرز کے نام سامنے آتے ہیں، البتہ اب دیکھنا ہے کہ سلیکٹرز کی نظرکرم کس پر ٹھہرتی ہے،گزشتہ سیزن میں سب سے زیادہ 2415 رنز کامران اکمل نے بنائے تھے،ان کی اوسط بھی سب سے بہتر 63.55رہی،لارڈز ٹیسٹ2010کے بعد کامران کو طویل فارمیٹ میں ملک کی نمائندگی کا موقع نہیں ملا،ویسٹ انڈیز کیخلاف ٹوئنٹی 20 اور ون ڈے سیریز میں کم بیک پر ناکامی کے بعد انھیں ڈراپ کردیاگیا۔
ان کی عمر بھی اب 35 سال ہوگئی،اس لیے مڈل آرڈر میں آزمانے کا امکان نہیں،33سالہ آصف ذاکر نے ڈومیسٹک مقابلوں میں عمدہ فارم کا مظاہرہ کرتے ہوئے 58.82کی اوسط سے 2059 رنز بنائے،وہ کیریبیئنز سے ون ڈے سیریز کے اسکواڈ میں شامل تھے لیکن ڈیبیو کیے بغیر ہی واپس آنا پڑا،31سالہ فواد عالم نے 60.99کی ایوریج سے 1890 رنز جوڑے،آخری ٹیسٹ 2009 میں کھیلنے سے قبل انھوں نے 3میچز میں 41.66کی اوسط سے 250رنز بنائے تھے،38 ون ڈے مقابلوں میں 40.25 کی ایوریج سے 966رنز بنانے کے باوجود فواد اپریل 2015کے بعد سے ڈراپ ہیں،26سال کے عثمان صلاح الدین نے گزشتہ ڈومیسٹک سیزن میں 54.75 کی اوسط سے 1807رنز بناکرٹیسٹ اسکواڈ میں جگہ بنائی لیکن دورئہ ویسٹ انڈیز میں ڈیبیو کیے بغیر ہی وطن واپس آنا پڑا،انھوں نے اس سے قبل 2011میں 2ون ڈے انٹرنیشنل بھی کھیلے ہیں، سلیکٹرز کو 27سالہ افتخار احمد کی بھی یاد آسکتی ہے۔
انھوں نے گزشتہ سیزن میں 46.67کی اوسط سے 1727رنز جوڑے،مڈل آرڈر بیٹسمین کو گزشتہ سال دورء انگلینڈ میں ایک ٹیسٹ اور 2ون ڈے میچز کے بعد ڈراپ کردیا گیا تھا،ڈومیسٹک کرکٹ کے دیگر عمدہ پرفارمرز میں 24سالہ عمر صدیق1714،35سال کے نعیم الدین1677اور 34سالہ اکبرالرحمان1640 رنزبنانے میں کامیاب ہوئے، تینوں کی اوسط 40سے زائد ہے، 28 سال کے عبدالرحمان مزمل نے 34.04ایوریج سے 1600 رنز جوڑے، سلیکٹرز ان کی تکنیک سے متاثر ہیں، عامر سجاد 1551رنز کے ساتھ ٹاپ پرفامرز میں شامل ہیں لیکن وہ زندگی کی 36بہاریں دیکھ چکے،سلیکٹرز مستقبل کو پیش نظر رکھتے ہوئے نوجوان بیٹسمینوں کو ترجیح دے سکتے ہیں۔
ایمزٹی وی (اٹک/ تعلیم)کھوڑ روڈ پر بے قابو ڈمپر نے سڑک کنارے کھڑے بچوں کو روند ڈالا جس کے نتیجے میں 4 طلبا جاں بحق ہو گئے۔
ذرائع کے مطابق اٹک میں کھوڑ روڈ کے ملال اسٹاپ پر اسکول جانے کے لئے اپنی سواری کے انتظار میں کھڑے بچوں کو بے قابو ڈمپر نے روند ڈالا جس کے نتیجے میں 4 طلبا موقع پر ہی جاں بحق ہو گئے۔ جاں بحق ہونے والے چاروں بچوں کی میتوں کو تحصیل ہیڈ کوارٹر اسپتال فتح جھنگ منتقل کردیا گیا ہے۔
ایمزٹی وی (ہانگ کانگ)وزیراعظم نواز شریف سے ہانگ کانگ کے چیف ایگزیکٹو لی چن یانگ نے ملاقات کی جس میں دونوں ممالک کے درمیان اقتصادی تعاون بڑھانے سمیت مختلف امور پر تبادلہ خیال کیا گیا۔ اس موقع پر وزیراعظم کا کہنا تھا کہ پاکستان اور ہانگ کانگ کے درمیان پرانے تجارتی تعلقات قائم ہیں اور ہانگ کانگ کی مختلف کمپنیوں کے مستقل دفاتر بھی پاکستان میں قائم ہیں۔
وزیراعظم نے کہا کہ پاکستان سرمایہ کار دوست ملک ہے اور ہانگ کانگ کے سرمایہ کار پاکستان میں کاروبار سے فائدہ اٹھا سکتے ہیں۔ انہوں نے کہا کہ دونوں ممالک کے درمیان تجارت کے وسیع مواقع موجود ہیں، ہانگ کانگ کے تاجر سی پیک میں بھی حصہ لیں جب کہ ون بیلٹ ون روڈ چینی قیادت کا بڑا وژن ہے۔
ہانگ کانگ کے چیف ایگزیکٹو نے وزیراعظم پاکستان کی جانب سے سی پیک میں سرمایہ کاری کی پیش کش پر ان کا شکریہ ادا کیا اور کہا کہ پاکستان اور ہانگ کانگ مختلف شعبوں میں ایک دوسرے سے تعاون کر رہے ہیں۔ لی چن یانگ نے بھی پاکستان اور ہانگ کانگ کے درمیان اقتصاد تعاون بڑھانے پر زور دیا۔
ایمزٹی وی(اسپورٹس)کرکٹ چیمپئنز ٹرافی کی خوشی میں تمام ’’جرم‘‘ معاف کر دیے گئے،پی سی بی کی مصلحت پسندی نے عمر اکمل اور جنید خان کے انگلینڈ جانے کا راستہ صاف کردیا، پاکستان کپ ون ڈے ٹورنامنٹ میں محاذ آرائی فراموش ہوگئی، دونوں کو تحقیقاتی کمیٹی کی مجوزہ سزا دینے کے بجائے وارننگ دے کر چھوڑ دیا گیا۔
تفصیلات کے مطابق راولپنڈی میں منعقدہ پاکستان کپ ون ڈے ٹورنامنٹ میں انٹرنیشنل کرکٹرز عمر اکمل اور جنید خان تنازع میں الجھ گئے تھے، پنجاب کے کپتان عمر اکمل نے میچ سے قبل ٹاس کے موقع پر ٹی وی میزبان کو ٹیم میں تبدیلی کی بات پر بتایا کہ جنید خان لاپتہ ہیں، مینجمنٹ کو بھی ان کے بارے میں کچھ معلوم نہیں اس لیے میچ نہیں کھیل رہے، چند منٹ بعد ہی پیسر نے اپنے ویڈیو پیغام میں کہا کہ طبیعت خراب ہے، مینجمنٹ کو آگاہ بھی کردیا تھا۔ اس واقعے کو میڈیا نے خوب اچھالا اور پاکستان کرکٹ کی جگ ہنسائی ہوئی، تحقیقات کیلیے بنائی جانے والی 3 رکنی کمیٹی نے اپنی رپورٹ چیئرمین پی سی بی شہریار خان کو بھجوائی، دونوں کرکٹرز کو برابر کا قصوروار قرار دیتے ہوئے 4سے 6 ہفتے تک معطلی کی سزا تجویز کردی تھی۔
رپورٹ میں بتایا گیا تھا کہ عمر اکمل نے جھوٹ کہا، جنید خان بغیر اجازت ویڈیو بیان جاری کر کے قواعد وضواط کی خلاف ورزی کے مرتکب ہوئے، دونوں کرکٹرز یکم جون سے انگلینڈ میں شروع ہونے والی چیمپئنز ٹرافی کے اسکواڈ میں بھی شامل ہیں،کمیٹی کی رپورٹ کو یکسر نظر انداز کرتے ہوئے انھیں پاکستان سے روانہ ہونے والے دیگر 5 کرکٹرز کے ہمراہ رخصتی کا پروانہ جاری کردیا گیا، ذرائع کا کہنا ہے کہ اگرچہ کمیٹی کی رپورٹ میں عمراکمل اور جنید خان کیخلاف کارروائی کی تجویز دی گئی تھی لیکن مصلحت پسندی سے کام لیتے ہوئے ایونٹ سے قبل متبادل کھلاڑیوں کا انتظام کرنے کے جھمیلوں میں پڑنے کے بجائے دونوں کو وارننگ دے کر چھوڑ دیا گیا، ان کو ہدایت دی گئی ہے کہ آئندہ ڈسپلن کی کسی قسم کی خلاف ورزی سامنے آئی تو کمیٹی کی مجوزہ سزا کا سامنا کرنا پڑے گا۔
ایمزٹی وی (پشاور)پیپلزپارٹی کے شریک چیرمین آصف علی زرداری سے آرمی پبلک اسکول کے شہدا کوو یاد کرکے آبدیدہ ہوگئے۔
ذرائع کے مطابق سابق صدر آصف علی زرداری سے سانحہ آرمی پبلک اسکول کے والدین کے وفد نے ملاقات کی جس دوران سابق صدر شہدا کو یاد کرکے آبدیدہ ہوگئے۔
وفد میں شامل والدین نے اپنے بچوں کی تصاویر بھی اٹھا رکھی تھیں۔
اس موقع پر آصف زرداری کا کہنا تھا کہ سانحہ اے پی ایس میں بچوں پر انتہائی ظلم کیا گیا، ہم بچوں کو شہید کرنے کی مذمت کرتے ہیں۔ انہوں نے شہدا فورم کے وفد کو یقین دلایا کہ وہ ان کے مطالبات سینیٹ میں پیش کرنے کا کہیں گے اور شہدا کو نشان حیدر دینے کے لیے سینٹ میں قرارداد بھی پیش کریں گے۔
واضح رہے سابق صدر آصف علی زرداری اس وقت پشاور کے دورے پر ہیں:
ایمزٹی وی(اسپورٹس)قومی ٹیم کے حال ہی میں ریٹائر ہونے والے کپتان مصباح الحق ویسٹ انڈیز کے خلاف الوداعی سیریز میں تاریخی فتح کے بعد وطن پہنچے تو ان کا شاندار استقبال کیا گیا۔
قومی ٹیم کے سابق کپتان مصباح الحق ویسٹ انڈیز کے خلاف سیریز جیتنے کے بعد اہلیہ اور بچوں کے ہمراہ لاہور کے علامہ اقبال انٹر نیشنل ایئرپورٹ پہنچے تو ان کے مداحوں، دوستوں اور پی سی بی حکام نے ان کا شاندار استقبال کیا اور قومی ہیرو کو پھولوں کے ہار پہنائے گئے اور ان پر پھولوں کی پتیاں بھی نچھاور کی گئی۔
اس موقع پر مصباح الحق کا کہنا تھا کہ ویسٹ انڈیز کے خلاف پہلی بار ٹسیٹ سیریز جیتنے پر پوری ٹیم کی جتنی تعریف کی جائے کم ہے۔ انہوں نے کہا کہ ویسٹ انڈیز کے خلاف یادگار فتح زندگی بھر یاد رہے گی۔
ایمزٹی وی(انٹرٹینمنٹ)بالی ووڈ اداکارعرفان خان کا کہنا ہے کہ موجودہ دور میں اب ہندی فلموں کو مزید بہتر اور معیاری بنانے کی ضرورت ہے۔ بھارتی میڈیا رپورٹس کے مطابق بالی ووڈ اداکارعرفان خان نے اپنی نئی آنے والی فلم ’ہندی میڈئیم‘ کی اسکریننگ کے دوران کہا کہ آج کا سنیما تبدیل ہورہا ہے اورشائقین اس بدلتے دور کے ساتھ سنیما کو لے کر بہت سنجیدہ ہوتے جارہے ہیں جہاں اچھی فلمیں بن رہی ہوں تو شائقین تعریف کرتے ہیں لیکن ہالی ووڈ اورعلاقائی فلموں کے مقابلے میں اب ہندی سنیما کومزید بہتری اورمعیاری ہونے کی ضرورت ہے۔ عرفان خان نے حال ہی میں ریکارڈ توڑبزنس دینے والی تیلگو فلم باہوبالی کا حوالہ دیتے ہوئے کہا کہ فلم کی بہترین انداز میں نبھائی گئی کہانی نے بھارت بھر میں بہترین کمائی کی۔ اداکار کا اپنی فلم ہندی میڈیم کے حوالے سے کہنا تھا کہ فلم کے ذریعے بھارت میں بہترین انگریزی بولنے کے جنون کو دکھایا گیا ہے، انگریزی زبان کی اہمیت اپنی جگہ ہے لیکن ہمیں صرف ایک زبان کے پیچھے نہیں پڑنا چاہیئے بلکہ ساری زبانیں سیکھنی چاہیئں۔ اس سے قبل بھی اداکارنے کہا تھا کہ بالی ووڈ فلمیں ناظرین کو ذہنی تفریح مہیا نہیں کرپا رہی ہیں اور آج کے دور میں کہانی کہنے کا طریقہ بدل رہا ہے جب کہ نوجوان ناظرین ہالی ووڈ فلمیں زیادہ پسند کررہے ہیں۔ واضح رہے کہ اداکارعرفان خان کی پاکستانی اداکارہ صبا قمرکے ہمراہ فلم ’ہندی میڈئیم‘ رواں ماہ 19 مئی کو ریلیزکی جارہی ہے۔