ایمزٹی وی(تعلیم/ کراچی)سندھ حکومت نے طالب علم احمد کا امریکہ میں علاج کرانے کیلئے کوششیں تیز کر دی ہیں اور وزیراعلیٰ سندھ نے بچے اور اس کے والدین کیلئے امریکی ویزہ کی درخواستیں امریکی قونصل جنرل کے حوالے کر دی ہیں۔

تفصیلات کے مطابق وزیراعلیٰ سندھ سید مراد علی شاہ سے امریکی قونصل جنرل کی سربراہی میں وفد نے ملاقات کی۔

ذرائع کے مطابق ملاقات میں وزیر تعلیم سندھ، چیف سیکرٹری اور سیکرٹری ایجوکیشن بھی موجود تھے۔ وزیراعلیٰ سندھ نے لاڑکانہ کے طالب علم احمد کے ویزے کیلئے کاغذات امریکی قونصل جنرل کے حوالے کئے تو امریکی قونصل جنرل نے جلد از جلد ویزہ دینے کی یقین دہانی کرائی۔

ایمز ٹی وی(صحت) ہماری دنیا میں انسانوں کے مختلف بلڈ گروپس ہوتے ہیں، یعنی خون کے بنیادی عناصر تو یکساں ہوتے ہیں مگر اس میں کچھ مختلف چیزیں انہیں چار گروپس میں تقسیم کرتی ہیں۔

سائنسدان ابھی تک یہ جاننے کی کوشش کررہے ہیں کہ آخر انسانوں کے اتنے بلڈ گروپس کیوں ہیں مگر ان مختلف گروپس کا خیال نہ رکھنا جان لیوا ثابت ہوتا ہے۔

سائنسدانوں کے خیال میں یہ بلڈ گروپس لاکھوں برسوں سے انسانی جسم کا حصہ ہیں مگر ڈاکٹرز کو اس بارے میں 116 سال پہلے علم ہوا تھا۔

1900 سے قبل لتعداد افراد کی ہلاکت اس وجہ سے ہوجاتی تھی کیونکہ ان کے جسم میں دوسرے گروپ کا خون چڑھا دیا جاتا تھا۔

مگر کیا چیز ہے جو کسی مخصوص بلڈ گروپ کو کسی کے لیے جان لیوا اور کسی کے لیے حیات بخش ثابت ہوتی ہے؟

ان چاروں بلڈ گروپس کو جو چیز ایک دوسرے سے الگ کرتی ہے وہ اینٹی جنز ہے یعنی ایسے پروٹین یا کاربوہائیڈریٹ جو خون میں شامل ہوکر اینٹی باڈیز بنانے کا عمل تیز کرتے ہیں۔

مثال کے طور پر اے بلڈ گروپ میں اینٹی جنز بھی اے ہوتے ہیں جبکہ بی بلڈ گروپ میں ٹائپ بی اینٹی جنز ہوتے ہیں۔

اگر اے اینٹی جنز اور بی اینٹی جنز کو ملایا جائے تو وہ جسم کے اندر ایک جنگ شروع کردیتے ہیں۔

ہمارے جسموں کے اندر بلڈ پلازما میں ایسے اینٹی باڈیز ہوتے ہیں جو کسی بھی انجان چیز کی روک تھام کرتے ہیں بشمول ان اینٹی جنز کے جو ہمارے بلڈ گروپ سے مطابقت نہیں رکھتے۔

جب جسم میں دوسرے گروپ کے اینٹی جنز داخل ہوتے ہیں تو یہ اینٹی باڈیز ان پر حملہ آور ہوجاتی ہیں جس کے نتیجے میں خون میں خرابی آنے لگتی ہے یعنی خون کی شریانیں بلاک ہوسکتی ہیں، دوران خون تھمنے کی وجہ سے موت کا خطرہ ہوتا ہے۔

کسی دوسرے گروپ کے خون کی چند ملی میٹر مقدار ہی جان لیوا ثابت ہوسکتی ہے یعنی اپنے بلڈ گروپ سے واقفیت بہت ضروری ہوتی ہے۔

ویسے تو سائنسدان خون کے گروپس کو 35 کی تعداد میں تقسیم کرتے ہیں (یعنی انسانوں اور جانوروں کے گروپس) مگر دنیا کی نوے فیصد انسانی آبادی 8 بلڈ گروپس کی حامل ہوتی ہے یعنی اے پازیٹو، اے نیگیٹو، بی پازیٹو، بی نیگیٹو، او پازیٹو، او نیگیٹو، اے بی پازیٹو، اے بی نیگیٹو۔

اے پازیٹو اور او پازیٹو ایسے بلڈ گروپس ہیں جو مجموعی طور پر 65 فیصد تمام انسانی بلڈ گروپس پر مشتمل ہیں جبکہ اے بی نیگیٹو سب سے زیادہ نایاب ہوتا ہے۔

ایمزٹی وی(تعلیم) بلوچستان بھر میں آج ہونے والا پانچویں جماعت کا پرچہ آوٹ ہونے کے باعث منسوخ کردیا گیا
تفصیلات کے مطابق چیئر مین امتحانات سعد اللہ توخئی کا کہنا ہے کہ بلوچستان میں پانچویں جماعت کا پرچہ آوٹ ہو گیا تھا جس کے باعث پرچے کو فوری طور پر منسوخ کرنے کا حکم جاری کردیا گیا ۔پرچے کی نئی تاریخ کا اعلان بعد میں کیا جائے گا۔

ایمز ٹی وی(ما نیٹرنگ ڈیسک) اگر تو آپ واٹس ایپ استعمال کرتے ہیں تو جان لیں کہ دنیا بھر میں کروڑوں فونز پر اب یہ ایپ کام نہیں کرسکے گی۔جی ہاں واٹس ایپ اب پرانے فونز میں کام نہیں کرسکے گی کیونکہ دنیا کے مقبول ترین میسنجر نے ایسی ڈیوائسز کے لیے سپورٹ ختم کرنے کا فیصلہ کیا ہے ۔

اس حوالے سے واٹس ایپ نے رواں سال کے شروع میں اعلان کرتے ہوئے کہا تھا کہ متعدد ڈیوائسز پر ایپ سپورٹ 2016 کے آخر تک ختم کردی جائے گی جس کے بعد ان پر اس چیٹ ایپ کو استعمال نہیں کیا جاسکے گا۔

اس میسنجر کی سپورٹ تمام بلیک بیری فونز، آئی فون تھری جبکہ کچھ نوکیا اور اینڈرائیڈ ڈیوائسز پر ختم کی جائے گی۔یہ سپورٹ دسمبر میں کسی وقت بھی ختم کردی جائے گی یعنی اب محض چند دن ہی رہ گئے ہیں۔واٹس ایپ کے اس فیصلے سے بلیک بیری کا ہر فون متاثر ہوگا چاہے اس میں نیا بلیک بیری 10 سسٹم ہی کیوں نہ موجود ہو۔

اس طرح نوکیا S40، نوکیا S60، ہر وہ فون جو اینڈرائیڈ 2.1 یا 2.2 اور ونڈوز 7.1 پر چل رہا ہوگا اس پر بھی واٹس ایپ کی سپورٹ ختم ہوجائے گی۔

ان تمام ڈیوائسز کو استعمال کرنے والے صارفین کی تعداد کروڑوں میں ہے اور اس فیصلے سے وہ ضرور متاثر ہوں گے ۔

واٹس ایپ کا کہنا تھا یہ فونز استعمال کرنے والے صارفین سال کے ختم ہونے سے قبل نئی ڈیوائسز پر منتقل ہوجائیں۔کمپنی کے بقول اس فیصلے سے سروس میں مزید سکیورٹی ٹولز اور نئے فیچرز کا اضافہ کرنے میں مدد ملے گی۔

ایمز ٹی وی (مانیٹرنگ ڈیسک) نیشنل جیوگرافک نے اس سال آب و ہوا میں تبدیلی (کلائمٹ چینج) اور گلوبل وارمنگ سے وابستہ کئی اہم ایوارڈ یافتہ تصاویر جاری کی ہیں جو نہ صرف شاہکار کا درجہ رکھتی ہیں بلکہ اس ہولناک موسمیاتی تبدیلی کے خوفناک اثرات کو بھی ظاہر کرتی ہیں۔ ان میں سے بعض تصاویر کے لیے تو کسی عنوان کی ضرورت ہی نہیں تاہم ہر تصویر کے نیچے اس کی تفصیل جاری کی گئی ہے۔ نیشنل جیوگرافک کے اس مقابلے میں دنیا بھر سے درجنوں

فوٹوگرافروں نے اپنی تصاویرجاری کی ہیں۔

یہ تصویر ترکی میں زغروس کے اہم جنگلات کی تباہی کا منظر دکھارہی ہے۔ درختوں کی بے دریغ کٹائی سے ترکی کے یہ جنگلات 30 فیصد تک کم ہوکر رہ گئے ہیں۔

آئس لینڈ کے گلیشیئر بہت تیزی سے پگھل رہے ہیں۔ ماہرین کے مطابق 2000 کے بعد سے آئس لینڈ کے گلیشیئرپگھلنے کی رفتار میں غیرمعمولی اضافہ ہوا ہے۔ تصویر لینے والے فوٹوگرافر ٹام شائفینیلا کے مطابق 15 سال سے بھی کم عرصے میں آئس لینڈ گلیشیئر 12 فیصد تک پگھل چکے ہیں۔

بھارتی علاقے مغربی بنگال میں دریائے گنگا کی ایک تصویر، جہاں موجود خشکی کے ٹکڑے بہت تیزی سے دریا بُرد ہورہے ہیں۔ بپھرے ہوئے دریاؤں میں طغیانی سے اس کے کنارے چوڑے ہورہے ہیں اور زمینی کٹاؤ جاری ہے۔ یہ تصویر آرکا دتہ نے اتاری ہے۔

قطبین پر برف پگھلنے سے برفانی ریچھ شدید مشکلات کے شکار ہیں۔ اس تصویر میں ایک مردہ ریچھ دیکھا جاسکتا ہے جو اپنی طبعی عمر پوری کرنے یا پھر غذائی کمی کی وجہ سے مرا ہے۔ ماہرین کا خیال ہے کہ یہ خوراک کی قلت سے مرا ہے کیونکہ اس کے دانت کسی نوجوان ریچھ کی ہی طرح ہیں۔ گلوبل وارمنگ سے برفانی ریچھوں کی بقا کو شدید خطرات لاحق ہیں۔

یہ تصویر بنگلا دیش کے شہر جمال پور کے ایک مقام اسلام پور میں کھینچی گئی ہے۔ اس میں ایک خاتون بانسوں سے بنے تختے پر آگے بڑھ رہی ہیں۔ بنگلا دیش پہلے ہی سائیکلون، طوفان ، سیلاب اور دیگر قدرتی آفات کا شکار ہے۔

اس تصویر کا عنوان ہے ’’خود تباہی کا کینوس‘‘ جس میں انسانی لالچ اور تیل کے بے دریغ استعمال کے انسان اور زمین پر ہونے والے اثرات کو دیکھا جاسکتا ہے۔ انسانی جلد پر خود انسانی غلطیوں کے ہولناک نتائج کو اس تصویر میں دیکھا جاسکتا ہے۔

ایمز ٹی وی(مانیٹرنگ ڈیسک) یونیورسٹی آف کیلیفورنیا برکلے کے ماہرین نے ایک دلچسپ ایپ تیار کی ہے جس کے ذریعے گزشتہ 6 ماہ میں 200 زلزلے کامیابی سے شناخت کیے گئے ہیں۔

اس ایپ کے ذریعے زلزلوں کے نیٹ ورک کو بھی سمجھا جاسکتا ہے۔ اس کے تخلیق کار کا کہنا ہے کہ مائی شیک چھوٹے اور بڑے زلزلوں کو شناخت کرسکتی ہے، اس ایپ کو فروری 2016 میں ریلیز کیا گیا تھا اور اینڈروئڈ ایپ ابتک2لاکھ افراد ڈاؤن لوڈ کرچکے ہیں۔

فرانس میں یورپ اور بحیرہ روم کے زلزلہ مرکز کے ماہر کے مطابق اس سے قبل کئی لوگوں نے زلزلہ ایپ بنائی لیکن ان میں سے مائی شیک ایپ سب سے زیادہ مؤثر اور بہتر ہے۔ فی الحال یہ ڈیٹا ریکارڈ کرتی ہے لیکن مستقبل میں انہیں زلزلوں سے خبردار کرنے کے قابل بھی بنایا جائے گا تاکہ لوگوں کو محفوظ مقامات تک پہنچا کر قیمتی جانوں کو بچایا جاسکے۔

زلزلے والے علاقوں میں مہنگے اور حساس سینسر بہت گہرائی میں لگائے جاتے ہیں اور اسی طرح کے سینسر یورپی تعاون سے کوئٹہ اور بلوچستان کے چلتن فالٹ کے اطراف میں بھی لگائے گئے ہیں۔ لیکن ہر جگہ یہ سینسر موجود نہیں جس کی

ایک مثال بھوٹان ہے جہاں بار بار زلزلے آتے رہتے ہیں مگر عوام کے پاس اسمارٹ فون موجود ہیں۔ اگر نیپال میں ہزاروں لوگ مائی شیک استعمال کر یں تو اسے زلزلوں کی اتبدائی وارننگ کے طور پر استعمال کیا جاسکتا ہے۔

اسی طرح زلزلوں کے خطرے سے دوچار جاپان میں بھی لوگ اس ایپ کے ذریعے خبردار ہوسکتے ہیں اور اتنا وقت ضرور مل سکتا ہے کہ وہ میز یا پلنگ کے نیچے گھس جائیں یا کھلے میدانوں کی جانب بھاگ سکیں۔ اس طرح اگر 100 مربع

کلومیٹر پر چند سو افراد بھی یہ ایپ استعمال کریں تو اس سے ایک زبردست زلزلہ نیٹ ورک بن سکتا ہے۔

مائی شیک ٹیم نے نیورل نیٹ ورک پر مبنی ایک طریقہ استعمال کیا ہے جو عام تھرتھراہٹ اور زلزلے کے ارتعاش میں فرق محسوس کرتا ہے اور زلزلے سے خبردار کردیتا ہے۔ اسے بنانے والی ٹیم نے ایپ کو کئی طرح سے آزمایا ہے، موبائل فون ایپ سے بننے والا نیٹ ورک بہت حساس ہوتا ہے اور زلزلے کے بعد تیز لیکن کم نقصان دہ پرائمری یا پی امواج کی شناخت کرتا ہے اور اس کے بعد سست لیکن زیادہ تباہ کن ایس امواج آتی ہیں، اس ایپ کے ذریعے زلزلے کے مرکز ایپی سینٹر کی شناخت کرنا بھی ممکن ہوتا ہے۔

ایمزٹی وی(تعلیم) کینیڈا میں پاکستانی نژاد کینیڈین طالب علم نوح ربانی کو 2 افراد وحشیانہ تشدد کا نشانہ بنانے کے بعد فرار ہوگئے۔
کینڈا کے شہر ہملٹن میں 15 سالہ پاکستانی نژاد طالب علم نوح ربانی کو 2 افراد نے بیس بال کے بیٹ سے تشدد کا نشانہ بنایا جس کے نتیجے میں نوح ربانی شدید زخمی ہوگیا، پولیس کے مطابق ربانی اپنے گھر سے قریب چہل قدمی کررہا تھا کہ اچانک ایک گاڑی میں سے 2 افراد اترے اور انہوں نے نوح ربانی کو بیس بال کے بیٹ سے بری طرح مارا اور اس کا بیگ چھین کر فرار ہوگئے۔

نوح کے اہل خانہ کے مطابق اس وقت وہ انتہائی نگہداشت میں ہے اور اس کے سر کا کامیاب آپریشن کیا گیا ہے لیکن ابھی بھی ربانی کو نہ صرف بولنے میں مشکلات کا سامنا ہے کہ بلکہ اس کے جسم کا دایاں حصہ بھی کام نہیں کررہا جب کہ ڈاکٹرز کا کہنا ہے کہ ربانی کو مکمل صحتیاب ہونے میں وقت لگے گا۔

دوسری جانب پولیس کا کہنا ہے کہ واقعے کی تحقیقات کی جارہی ہیں اور ملزمان کی تلاش کا کام بھی جاری ہے تاہم لڑکے کے اہل خانہ کی جانب سے خدشہ ظاہر کیا جارہا ہے کہ واقعہ نسل پرستی کا شاخسانہ ہے۔

واضح رہے کہ کینیڈا سمیت یورپ اور امریکا کے کئی ممالک میں مسلمانوں کے خلاف مذہبی اور نسل پرستی کی بنیاد پر تشدد کے واقعات بڑھ گئے ہیں۔

ایمزٹی وی(واشنگٹن) امریکا کے نومنتخب صدر ڈونلڈ ٹرمپ کے عملے کی جانب سے پاکستانی وزیراعظم نواز شریف کے ساتھ ٹیلیفون پر بات چیت کی وضاحت کرتے ہوئے گفتگو کا اپنا مختلف متن جاری کیا ہے۔

بی بی سی کے مطابق وزیراعظم پاکستان نے بدھ کو ڈونلڈ ٹرمپ کو مبارکباد دینے کیلیے فون کیا تھاجس کے بعد وزیرِاعظم ہاؤس نے روایت کے برعکس دونوں سربراہان کے درمیان ہونے والی گفتگو کا تمام متن پریس ریلیز کے ذریعے جاری کر دیا،اس کے نتیجے میں امریکی میڈیا اور سابق امریکی حکومتی اہلکاروں نے پاکستان کو شدید تنقید کا نشانہ بناتے ہوئے اسے سفارتی آداب کی خلاف وزری قرار دیا۔ پاکستانی وزیراعظم کے ساتھ ٹیلیفونک گفتگو پر تنقید کے بعد ڈونلڈ ٹرمپ کی انتقال اقتدار ٹیم نے دونوں رہنماؤں کے درمیان ہونے والی گفتگو کا اپنا مختلف متن جاری کیا ہے۔

ٹرمپ کی ٹیم نے کہا ہے کہ نومنتخب صدر ڈونلڈ ٹرمپ اور پاکستانی وزیراعظم کے درمیان موثر بات چیت ہوئی جس میں پاک امریکا باہمی تعلقات کو مضبوط بنانے پر بات کی گئی۔ میڈیا رپورٹس میں بغیر کسی مشیر کا نام لیے کہا گیا کہ پاکستان کی جانب سے جاری بیان میں ایسی باتیں ڈونلڈ ٹرمپ سے منسوب کی گئی جو کہنا ان کا مقصد نہیں تھا۔

مشیر کے مطابق ٹیلیفونک گفتگو کے پاکستانی متن میں نومنتخب صدر کی بات چیت کو بہت بڑھا چڑھا کر بیان کیا گیا۔ ادھر بی بی سی سے بات کرتے ہوئے پاکستانی دفتر خارجہ کے ترجمان نفیس ذکریا نے اس پر تبصرہ کرنے سے انکار کر دیا۔ ان کا کہنا تھا کہ ہمارے پاس ان (ٹرمپ کے انتقال اقتدار کے عملے ) کی جانب سے کوئی بیان نہیں آیا اس لیے میں اس پر تبصرہ نہیں کروں گا۔

ایمزٹی وی(نئی دہلی) افغانستان میں امن و ترقی کے حوالے سے مشاورت کیلئے ہارٹ آف ایشیاءکانفرنس آج سے بھارت میں شروع ہو رہی ہے جس میں پاکستان کی نمائندگی کیلئے مشیر خارجہ سرتاج عزیز شرکت کریں گے ۔
افغانستان میں ترقی، امن و استحکام سے متعلق دو روزہ کانفرنس بھارت کے صوبہ پنجاب کے شہر امرتسر میں ہوگی۔ ہفتے اور اتوار کے روز ہونے والے کانفرنس میں پاکستان سمیت خطے کے ممالک کے وزرا خارجہ ،وفود اور نمائندگان شرکت کریں گے۔کانفرنس میں پاکستانی وفد کی قیادت وزیر اعظم کے مشیر خارجہ سرتاج عزیز کریں گے۔

کانفرنس میں خطے کے 14 ممالک کے نمائندے شرکت کریں گے اور مشیر خارجہ سرتاج عزیز بھی کل امرتسر پہنچیں گے ، کانفرنس میں موجود وفود کے شرکاء کل خطاب کریں گے ۔

افغانستان سمیت خطے کے ممالک میں ترقی و تعاون سمیت غربت اور دیگر چیلنجز کا سامنا کرنے کیلئے اس کانفرنس کی تجویز ترکی نے استنبول میں ایک اجلاس کے دوران دی تھی۔ خطے کے ممالک کے درمیان پہلی کانفرنس نومبر 2011ءمیں ہوئی تھی جس کے بعد امریکا سمیت20 ممالک نے ترکی کی اس کانفرنس کی تجویز کی حمایت کی تھی۔

ایمزٹی وی(کراچی)بلدیہ فیکٹری کیس میں ملوث ملزم عبدالرحمان عرف بھولا کو بنکاک سے گرفتار کر لیا گیا۔
ذرائع کے مطابق بنکاک پولیس اور انٹرپول نے مشترکہ کارروائی کرتے ہوئے رائل گارڈن ہوٹل پر چھاپہ مار کر بلدیہ فیکٹری کیس میں ملوث مفرور ملزم عبدالرحمان عرف بھولا کو گرفتار کرلیا، گرفتار ملزم کو آئندہ 24 سے 48 گھنٹوں کے دوران کراچی منتقل کردیا جائے گا۔
واضح رہے کہ گرفتار ملزم نے ساتھیوں کے ساتھ ستمبر2012 کوکراچی کے علاقے سائٹ میں بلدیہ حب ریور روڈ پر واقع علی انٹرپرائیزئز نامی کمپنی کو بھتہ نہ دینے کی پاداش میں آگ لگا دی تھی اور اس افسوسناک واقعے میں 260 افراد زندہ جل گئے تھے۔

ملزم کے ایک ساتھی رضوان صدیقی کی گرفتاری کے بعد سے ہی عبدالرحمان بھولا بیرون ملک فرار ہوگیا تھا جب کہ انسداد دہشت گردی کی عدالت گرفتار ملزم کے ناقابل ضمانت وارنٹ جاری کر رکھے ہیں۔