ایمزٹی وی(کراچی/ تعلیم)جامعہ کراچی نے جعلی مارکس شیٹ ثابت ہونے پر داخلے منسوخ کردیئے۔

ذرائع کے مطابق جامعہ کراچی کے ڈائریکٹرایڈمیشن پروفیسرخالدعراقی کے مطابق شعبہ امتحانات جامعہ کراچی سے تصدیق کرانے پرماسٹرز /ڈپلومہ (ایوننگ پروگرام)برائے سال 2016-17 کے 5 طلبہ کی مارکس شیٹ جعلی ثابت ہوئی جس کی بنا پر ان کے داخلے فوری طورپرمنسوخ کردیے گئے ہیں۔

جن طلبہ کے داخلے منسوخ کیے گئے ہیں، ان میں شعبہ انگریزی کے شاہنوازرؤ ف ولد عبدالرؤ ف کھوکھر فارم نمبر2118 ،ہیلتھ فزیکل ایجوکیشن اینڈ اسپورٹس سائنسز کی آمنہ عباس بنت محمد عباس فارم نمبر 713،پبلک ایڈمنسٹریشن کے محمد احد اظہر ولد محمد اظہرفارم نمبر 588،اکنامکس کے ارسلان احمدخان ولدعبدالحمید خان فارم نمبر 1519 جبکہ کراچی یونیورسٹی بزنس اسکول کے قاسم خان ولد گلزارخان فارم نمبر 895 شامل ہیں۔

ایمزٹی وی(اسلام آباد)نادرا اور ڈائریکٹوریٹ جنرل آف امیگریشن اینڈ پاسپورٹ نے آن لائن پاسپورٹ سروس ” ای پاسپورٹ“ متعارف کرا دی ہے اور آج سے اس کا آغاز بھی ہو گیا ہے۔
وفاقی وزیر داخلہ چوہدری نثار علی خان کے مطابق پاسپورٹ دفاتر کے باہر لائنوں کو کم کرنے اور لوگوں کو ان کے گھروں سے ہی ہی انٹرنیٹ کے ذریعے پاسپورٹ ری نیو کرانے کی سہولت فراہم کرنے کیلئے متعارف کرائی گئی اس ”ای سروس“ کا دائرہ کار آئندہ 2 سال میں مزید وسیع کر دیا جائے گا۔ وزیر داخلہ کا کہنا تھا کہ ” لوگ گھروں میں بیٹھے ہی ای پاسپورٹ حاصل کر سکیں گے۔“

ای پاسپورٹ کا آغاز، شہری گھر بیٹھے پاسپورٹ حاصل کر سکیں گے، ای پاسپورٹ دس سال کیلئے جاری کیا جائے گا
یہاں یہ امر قابل ذکر ہے پاکستان بھر میں پاسپورٹ بنوانے کیلئے صرف 95 دفاتر ہیں جس کے باعث عوام کو شدید مشکلات کا سامنا کرنا پڑتا ہے۔ اگرچہ ان دفاتر کی تعداد بڑھانے کے منصوبے پر بھی کام کیا جا رہا ہے۔ لیکن ای پاسپورٹ کا منصوبہ اپنی آسانیوں کے باعث ایک بہترین کاوش ہے۔
اس منصوبے سے فائدہ اٹھاتے ہوئے آپ پاسپورٹ کے حصول کیلئے آن لائن اپلائی کیسے کر سکتے ہیں ؟ فیس کتنی ہے اور اس مقصد کیلئے کیا کچھ ضروری ہے؟ تمام تفصیلات ذیل میں دی گئی ہیں۔

اس مقصد کیلئے آپ کو ڈائریکٹوریٹ جنرل آف امیگریشن اینڈ پاسپورٹ کی ویب سائٹ پر جانا ہے۔

ایمز ٹی وی (کراچی) وزیر صنعت و تجارت سندھ منظور حسین وسان نے کہا ہے کہ اسٹیٹ بینک کے چار اہم شعبوں کی لاہور منتقلی کراچی کی صنعتوں اور بینکاری نظام کو تباہ کردے گی یوں لگتا ہے کہ پنجاب کو ملک بنانے کی سازش کی جارہی ہے۔
اپنے دفتر میں میڈیا سے بات چیت کرتے ہوئے انہوں نے کہا کہ اسٹیٹ بینک کی کراچی سے منتقلی سازش کا پہلا قدم ہے ،دارالخلافہ اسلام آباد لے جانے کا سلسلہ بھی ایسے ہی شروع کیا گیا تھا۔

انہوں نے کہا کہ وفاق کا موقف ہے کہ اسٹیٹ بینک لاہور منتقل ہوگا تو کام اچھا ہوگا میں وفاق سے پوچھتا ہوں کہ کراچی میں ہوتے ہوئے کیا خرابی ہے جو اسٹیٹ بینک لاہور منتقل کیا جارہا ہے۔

انہوں نے خدشہ ظاہر کیا کہ اسٹیٹ بینک کی لاہور منتقلی میں کسی اور ملک کا بھی ہاتھ ہوسکتا ہے پنجاب کو ملک بناکر چھوٹے صوبوں کو اس کی کالونی بنانے کی کوشش کی جارہی ہے جو کہ ہم نہیں ہونے دیں گے۔

منظور وسان نے کہا کہ وفاق کے رویوں سے سندھ میں پہلے ہی احساس محرومی ہے وفاقی حکومت ایسے اقدام کرکے کیا چاہتی ہے وزیر صنعت کی حیثیت سے اسٹیٹ بینک کو لا ہو ر منتقل نہیں ہونے دوں گا، سندھ کی صنعتوں اور صوبے کے مفادات کا ہر صورت تحفظ کروں گا۔

صوبائی وزیر نے کہا کہ لاہور سے کراچی میں امن وامان کی صورتحال بہتر ہے وفاقی حکومت ماحول کو زیادہ خراب نہ کرے اگر وفاق نے اس فیصلے کو واپس نہ لیا تو سندھ حکومت صنعت کاروں کے ساتھ مل کر احتجاج کرے گی، سی این جی پنجاب میں کھلی ہوئی ہے جبکہ سندھ میں بند کر دیتے ہیں وفاق اپنا قبلہ درست کرے۔

منظور وسان نے پی ٹی آئی چیئرمین عمران خان کو خبردار کرتے ہوئے کہا کہ 2018 تک عمران خان خود مائنس ون کا شکار ہوجائیں گے کیوں کہ تحریک انصاف میں بھی مائنس ون کی تحریک زور پکڑ رہی ہے ،شاہ محمود قریشی اور چوہدری سرور متبادل قائد بننے کا کام کر رہے ہیں۔

انہوں نے کہا کہ 30 اکتوبر کو اسلام آباد میں فلم کا ٹریلر چلے گا جبکہ اہم ترین دن 31 اکتوبر ہے اگر 31 اکتوبر کو بھی کچھ نہ ہوا تو پھر عام انتخابات 2018 میں ہوں گے۔

منظور حسین وسان نے مزید کہا کہ وزیراعظم بننا عمران خان کے نصیب میں نہیں ہے۔

ایمزٹی وی(اسلام آباد) پاکستان تحریک انصاف کی جانب سے اسلام آباد میں احتجاج کی تاریخ کے اعلان کے بعداحساس ہواکہ چھٹی کے روز بھر پور احتجاج کرناممکن نہیں،احتجاج اتوار30 اکتوبرکے بجائے کسی اوردن کرنے کا فیصلہ کیا ہے تاہم ابھی تک دن پر اتفاق نہیں ہوسکا۔
چیئرمین تحریک انصاف عمران خان کی صدارت میں بنی گالا میں تحریک انصاف کی اسلام آباد کی رہنماؤں کا اجلاس ہوا اجلاس میں اسلام آباد سے رکن اسمبلی اسد عمرسمیت دیگر رہنما شریک تھے ۔
ذرائع نے بتایا کہ اجلاس میں تفصیلی غورخوص کے بعداسلام آباد کا احتجاجی پروگرام30 اکتوبر کے بجائے کسی متبادل دن کو کرنے کا فیصلہ کیاگیا ہے تاہم اس حوالے سے ختمی فیصلہ آئندہ چند روز میں پارٹی کے اعلیٰ قیادت کی میٹنگ میں کیاجائے گا۔
ذرائع نےمیڈیا کو بتایا کہ چونکہ30 اکتوبر کو اتوار کا دن ہے اور اسلام آباد میں سرکاری چھٹی ہونے کے باعث ادارے بند ہوتے ہیں اور اسلام آباد ویران اور سڑکیں سنسنان ہوتی ہیں ۔اس لیے پارٹی رہنماؤں نے فیصلہ کیاہے کہ اسلام آباد کا احتجاجی پروگرام 30 اکتوبر اتوار کے بجائے کسی دوسرے دن کیاجائے۔

ذرائع نے بتایا کہ پارٹی چیئرمین عمران خان نے اسلام آباد کا احتجاج کامیاب بنانے کے لیے تمام تر ذمے داریاں اسلام آباد کی قیادت کے ذمے لگا دیں ہیں اس سلسلے میں میٹنگ میں اسلام آباد سے رکن اسمبلی اسد عمر کی صدارت میں ایک چھ رکنی کمیٹی قائم کردی ہے جواسلام آباد کے احتجاج کے انتظامات سمیت دیگر امور کی نگرانی کرے گی عمران خان راولپنڈی سے ریلی کی قیادت کرتے ہوئے اسلام آباد آئیں گے اسی طرح خیبرپختون خواکے وزیر اعلیٰ پشاور سے احتجاجی ریلی کی قیادت کرتے ہوئے اسلام آباد آئیں گے۔

ایمزٹی وی(تعلیم/پنجاب)محکمہ تعلیم راولپنڈی نے ضلع بھر کے سرکاری تعلیمی اداروں کا موسم سرما میں اوقات کار کا شیڈول جاری کردیا۔

جاری کردہ اعلامیہ کے مطابق 16اکتوبر سے 31مارچ تک اسکول صبح8:30 بجے کھلیں گے جبکہ 2:30 بجے بند ہوں گے جبکہ جمعہ کے رو8:30 سے دوپہر12:30 بجے تک کھلیں رہیں گے.

ڈبل شفٹ والے اسکول صبح 7.45سے 1.45تک کھلیں گے جبکہ مارننگ شفٹ میں اسکول 1.15سے 5.15تک کھلیں رہیں گے

تعلیمی اداروں میں اوقات کارکا باضابطہ نوٹیفکیشن جاری کردیا گیاہے ۔

ایمزٹی وی(اسلام آباد) چیف جسٹس انور ظہیر جمالی کا کہنا ہے کہ عوام کو حکومت کے خلاف اٹھ کھڑے ہونے کا نہیں کہا بلکہ عوام کو اپنے ووٹ کے صحیح استعمال کا کہا تھا۔
سپریم کورٹ میں اورنج لائن ٹرین منصوبے کی سماعت کے موقع پر چیف جسٹس آف پاکستان انور ظہیر جمالی کا کہنا تھا کہ گزشتہ روز عدالت میں ریمارکس دیتے ہوئے کہا تھا کہ عوام حکومت کو منتخب کرتے ہیں اس لئے عوام کو اپنے ووٹ کا صحیح استعمال کرنا چاہیئے، عوام کو حکومت کے خلاف اٹھ کھڑے ہونے کا نہیں کہا تھا۔

ان کا کہنا تھا کہ صرف ایک اخبار کی غلط رپورٹنگ دیکھی ہے، عدالت کی کل کی کارروائی کو غیر ذمہ دارانہ انداز میں رپورٹ کیا گیا، میڈیا کو خیال کرنا چاہیئے، سنسنی نہیں پھیلانی چاہیئے۔
سماعت کے موقع پر اورنج لائن ٹرین منصوبے کے حوالے سے دونوں فریقین نے 3، 3 ماہرین کے نام جمع کروائے جس پر عدالت نے فریقین کو ماہرین کے ناموں پر تبادلہ خیال کرنے کا حکم دیتے ہوئے کہا کہ کوشش کریں کسی ایک نام پر اتفاق ہو جائے تو کارروائی آگے بڑھائیں تاہم فریقین کے مابین اتفاق نہ ہونے پر سپریم کورٹ نے اورنج لائن ٹرین منصوبے پر 2 رکنی کمیشن تشکیل دے دیا۔

ایمزٹی وی(پشاور)تحریک انصاف نے وزیر اعظم کیخلاف آف شورکمپنیوں کے حوالے سے جاری تحریک کے دوران خیبرپختونخوا اسمبلی کی تحلیل کے ہتھیار کو تیسرے آپشن کے طور پر استعمال کرنے پر اتفاق کیاہے تاہم اسمبلی تحلیل کے حوالے سے پی ٹی آئی کی دونوں اتحادی جماعتیں اس سے متفق نہیں اور اپوزیشن نے بھی اسمبلی کی تحلیل کومتفقہ طور پر روکنے کاعندیہ دیتے ہوئے واضح کیا کہ اس ضمن میں گورنرسے رابطہ اورعدالت سے رجوع کرتے ہوئے اسمبلی کو ہرصورت بچایا جائے گا۔

تحریک انصاف نے 30 اکتوبر کووزیراعظم کیخلاف اسلام آباد میں دھرنے سے تحریک کے نئے آغازپر3آپشنز پر کام کرنے کافیصلہ کیا ہے جس کے تحت پہلے آپشن کے تحت مذکورہ دھرنے ہی کے ذریعے وزیر اعظم کو اپنے عہدہ سے مستعفی ہونے پرمجبورکیاجائے گاتاہم ایسا نہ ہونے پردوسرے آپشن کے طورپر تحریک انصاف ارکان اسمبلی مستعفی ہوں گے ،اس بارے میں تحریک انصاف ڈپٹی پارلیمانی سیکریٹری شوکت یوسفزئی نے ایکسپریس کو بتایا خیبر پختونخوا اسمبلی سے استعفے یا اس کی تحلیل ہماراتیسرا آپشن ہو گا، حالات کے مطابق آپشنز کا استعمال کیا جائے گا۔

صوبائی حکومت ترجمان مشتاق غنی نے بھی تصدیق کرتے ہوئے کہاکہ اسملبی تحلیل کرنے کا آپشن استعمال کیاجاسکتاہے تاہم یہ آخری آپشن ہو گا، اگراستعفوں کوفیصلہ ہوا تو پہلا نمبر ایم این ایز کا ہی ہو گا، خیبر پختونخوا اسملبی کانمبر آخری ہوگا، جب مسلم لیگ (ن) کے پارلیمانی لیڈر اورنگزیب نلوٹھہ کیساتھ رابطہ کیاگیا تو انہوں نے کہاکہ تحریک انصاف جان بچاکر بھاگنے کے چکر میں ہے کیونکہ ساڑھے 3 سال میں انھوںنے کچھ نہیں کیا جمہوریت کو نقصان پہنچانے کی کوشش کی گئی تو تمام اپوزیشن جماعتوں سے مل کر اس کا راستہ روکاجائے گا

ایمزٹی وی(تعلیم/ لاہور) تعلیمی بورڈ میں گیارہویں جماعت کے بعض طالبعلموں کو حیران کن نمبر ملنے اور بعض کے فیل ہوجانے پر طلبا کا احتجاج رنگ لے آیا اور چیئرمین بورڈ نے غلطی تسلیم کرتے ہوئے کاپیوں کی ری چیکنگ کی یقین دہانی کرادی۔
تفصیلات کے مطابق لاہور کے گیارہویں جماعت کے امتحانات کی انوکھی چیکنگ کرنے پر طالبعلموں کی جانب سے لاہوربورڈ کے خلاف پریس کلب کےسامنے احتجاج کیا گیا جس کے بعد طلبا نے پنجاب اسمبلی کے سامنے دھرنا دیتے ہوئے امتحانی بورڈ کے خلاف شدید نعرے بازی کی۔

فرسٹ ائیرکے امتحانات کی چیکنگ میں لاہور بورڈ نے انوکھا کارنامہ دکھایا اور 85 نمبروں والے پرچے میں بچوں کو ٹوٹل نمبروں میں سے بھی زیادہ نمبر دے ڈالے۔
اسی طرح انگریزی اور اردو کے پرچوں میں بھی طلبہ کو 100 میں سے 100 نمبر دیئے گئے جو مارکنگ کے اصولوں کے مطابق کسی صورت ممکن نہیں۔

نمبروں کی اندھی تقسیم کے خلاف طلبا نے بورڈ کے خلاف احتجاج کیا تو وزیراعلی پنجاب شہباز شریف نے احتجاج کا نوٹس لیتے ہوئے حکام سے جواب طلب کرلیا جس کے بعد چیئرمین بورڈ نے بھی غلطی تسلیم کرتے ہوئے یقین دہانی کرائی ہے کہ ری چیکنگ کا عمل آئندہ ایک ہفتے میں شروع کردیا جائے گا۔

چیئرمین بورڈ محمد اسماعیل کا کہنا ہے کہ ہم نے ایک لاکھ 40 ہزار طالبعلموں کا نتیجہنکالا ہے کسی کو زائد نمبردینا ممکن نہیں تاہم جن طلبا نے غلط مارکنگ کا الزام لگایا ہے ان سے درخواستں ما نگ لی ہیں اور جو طالب علم ری چیکنگ کی فیس نہیں دے سکتے ان سے فیس نہیںلی جائے گی۔