ایمز ٹی وی (اسپورٹس) پاکستانی سلیکٹرز کی جانب سے نظر انداز عبدالرزاق غیروں کو اب بھی یاد ہیں۔

اتوار کو ایڈیلیڈ میں ورلڈ کپ میچ  میں فتح کے بعد بھارتی کپتان دھونی کا کہنا تھا کہ پاکستان کے پاس ماضی جیسے کھلاڑی نہیں ہیں تاہم اب بھی ٹیلنٹ کی کمی نہیں، کئی باصلاحیت بولرز بھی موجود ہیں، عبدالرزاق جیسے آل رائونڈرز گرین شرٹس کی قوت ہوا کرتے تھے لیکن اب یہ سہولت میسر نہیں ہے، اچھا آل رائونڈر نہ ہونے کی وجہ سے کمبی نیشن نہیں بن پارہا، موجودہ وسائل کے پیش نظر ٹیم کو 3 فاسٹ بولرز اور 2 اسپنرز کے ساتھ میدان میں اترنا پڑتا ہے، اگر ایک ایسا آل رائونڈر ہو جو پیسر کے طور پر بھی موثر کردار ادا کرسکے تو اسکواڈ متوازن ہوسکتا ہے۔

ایمز ٹی وی (اسپورٹس) بھارت سے بدترین شکست کے بعد جاوید میانداد ٹیم مینجمنٹ پر برس پڑے، سابق کپتان کا کہنا ہے کہ اسپیشلسٹ کو چھوڑ کر آؤٹ آف فارم کھلاڑیوں کو ٹیم میں جگہ دی گئی۔

تفصیلات کے مطابق ورلڈ کپ میں  روایتی حریف بھارتی ٹیم سے کبھی نہ جیتنے کی روایت  برقرار رہنے پر میانداد بھی سخت نالاں ہیں، آئی سی سی کیلیے خصوصی کالم میں انھوں نے تحریر کیا کہ مینجمنٹ نے غلط ٹیم کھلا کردنیا بھر میں موجود پاکستانی شائقین کی امیدوں پر پانی پھیر دیا، بڑے میچزمیں ٹیمیں اپنے بہترین11کھلاڑی میدان میں اتارتی ہیں، تجربات نہیں کیے جاتے، افسوس کہ پاکستان کویہ آسان فارمولا کبھی سمجھ نہیں آتا، مینجمنٹ نے غلط ٹیم کھلا کردنیا بھرمیں پاکستانی شائقین کودھچکا پہنچایا، یونس خان سے اننگز اوپن کرانے میں کیا راکٹ سائنس تھی میری سمجھ سے بالا تر ہے، انھوں نے سوال کیا کہ اوپنرناصرجمشید کوکیا صرف وارم اپ میچ کھلانے کیلیے بھیجا گیا تھا؟ ریگولروکٹ کیپرسرفرازاحمد جارحانہ بیٹنگ بھی کرلیتے ہیں انھیں ڈراپ کرنے کی کیا منطق تھی؟ میانداد نے کہا کہ مجھے عمراکمل کی جانب سے کوہلی کا کیچ ڈراپ کرنے پرحیرت نہیں ہوئی کیونکہ وہ کئی بارایسا کرچکے ہیں۔

ٹیم مینجمنٹ اپنی قوت کے حوالے سے تذبذب کا شکار ہے،اسپیشلسٹ کو چھوڑ کر آؤٹ آف فارم کھلاڑیوں کی ٹیم میں جگہ بنانے کی کوشش ہوئی،ملک کا مفاد پہلے اور افراد بعد میں آتے ہیں، یہی پیش نظر رکھ کر فیصلے کرنے کی ضرورت ہے لیکن ایسا نہیں کیا جارہا،ہم اپنی بیٹنگ بھی نمبر 8تک دیکھنا چاہتے ہیں، اس کے ساتھ چھٹے بولر کو بھی ضروری سمجھا جا رہا ہے، انھوں نے کہا کہ غلط حکمت عملی سے مصیبت کو خود ہی آواز دیدی گئی دوسری جانب بھارت کا ہوم ورک بہت اچھا تھا،شیکھر دھون اور ویرات کوہلی نے خراب گیندوں کا انتظار کرتے ہوئے اچھی بنیاد فراہم کی، پاکستان محمد عرفان کے قد کا فائدہ اٹھا سکا نہ تینوں اسپنرز لائن اور لینتھ پر بولنگ کرسکے، سابق کپتان نے کہا کہ پاکستانی ٹیم کو ابتدا میں ہی ایک بڑا جھٹکا لگ گیا ہے، اب پلیئرزکے کندھوں سے بوجھ اتر جانا چاہیے،اگلے 5گروپ میچز پر توجہ مرکوز کرنے کی ضرورت ہے۔

ایمز ٹی وی(سندھ) دہشتگردی اور ٹارگٹ کلنگ کے خلاف شکارپور سے روانہ ہونے والے لانگ مارچ قافلے کے شرکاء دولت پور پہنچ گئے۔ جہاں ان کا والہانہ استقبال کیا گیا۔ اس موقع پر لانگ مارچ شرکاء کا کہنا تھا کہ شیعہ نسل کشی روکنے کے بجائے مزید بڑھتی جارہی ہے۔ انہوں نے سانحہ شکار پور کے ملزمان کی گرفتاری کا پھر مطالبہ کیا جبکہ لانگ مارچ کے قائد مولانا امین مشہدی اور  علامہ مقصود ڈومکی کا کہنا تھا کہ لانگ مارچ قافلہ دولت پور سے کراچی کیلئے روانہ ہوگا جہاں  انصاف کے ملنے تک وزیر اعلی ہاؤس کا گھیراؤ جاری رہے گا۔