Reporter SS
بنی گالہ میں شکرانے کے نوافل ادا ایمزٹی وی(اسلام آباد)سپریم کورٹ کی جانب سے پانامہ کیس کا فیصلہ سنائے جانے کے بعد عمران خان اور دیگر رہنماﺅں نے بنی گالہ میں شکرانے کے نوافل ادا کئے۔ تفصیلات کے مطابق پانامہ لیکس کے فیصلے میں منی ٹریل کی تحقیقات کیلئے جے آئی ٹی بنانے اور تمام فریقین کو اس کے سامنے پیش ہونے کا حکم دیدیا گیا ہے۔
مسلم لیگ (ن) کے رہنماءجہاں اس فیصلے کو اپنی جماعت کیلئے کامیابی قرار دے رہے ہیں تو دوسری جانب تحریک انصاف اسے اپنی فتح بتا رہی ہے جبکہ بنی گالہ میں شکرانے کے نوافل بھی ادا کئے گئے ہیں۔ میڈیا ذرائع کے مطابق تحریک انصاف کے چیئرمین عمران خان نے پی ٹی آئی کے دیگر رہنماﺅں کے ساتھ بنی گالہ میں شکرانے کے نوافل ادا کئے
ایمز ٹی وی (صحت)بلوچستان میں انسداد پولیو مہم کا آج چوتھا روز ہے۔ مہم میں 100 فیصد ہدف کے حصول کے لئے کوششیں جاری ہیں۔ ایمرجنسی آپریشن سینٹر برائے انسداد پولیو حکام کے مطابق صوبے کے انیس اضلاع میں انسداد پولیو مہم کامیابی سے جاری ہے۔پولیو ٹیمیں گھر گھر جا کر 5 سال تک کے بچوں کو پولیو وائرس سے بچاؤ کے قطرے پلارہے ہیں۔
پولیو حکام کےمطابق مہم میں 100 فیصد ہدف کے حصول کے لئے بھرپور کوشش جاری ہیں
ایمزٹی وی(تجارت)پاناما کیس کا فیصلہ وزیر اعظم نواز شریف کے حق میں آتے ہی اسٹاک مارکیٹ میں تیزی کا رجحان دیکھا جا رہا ہے ،آج دن کے آغاز میں ہیجانی کیفیت پائی گئی اور کے ایس ای 100انڈیکس میں تین سو پوائنٹس کی کمی ہوئی تاہم فیصلہ آنے کے بعد کاروبار میں تیزی دیکھی گئی ۔
تفصیل کے مطابق پاناما لیکس کا فیصلہ وزیر اعظم کے حق میں آنے کے بعد کے ایس ای 100انڈیکس میں1900پوائنٹس کے اضافے کے بعد 49ہزار 509پوائنٹس کی سطح پر آگیا۔اس سے قبل گزشتہ کئی روز سے پاکستان اسٹاک ایکسچینج میں مندی کا رجحان تھا ،گزشتہ روز بھی پاکستان اسٹاک ایکسچینج میں ہیجانی کیفیت پائی گئی اورسرمایہ کاروں نے کے ایس ای 100انڈیکس میں دلچسپی نہ ہونے کے برابر دکھائی جس کی وجہ سے انڈیکس میں شدید کمی ہوئی ۔
ایمزٹی وی(اسلام آباد)پاناماکیس کے فیصلے کے بعد عمران خان افسردہ ہوگئے ۔ میڈیا ذرائع کے مطابق پاناما کیس کا فیصلہ سننے کے بعد عمران خان سپریم کورٹ سے باہر نکلتے ہوئے بے حد افسردہ اور مایوس نظر آئے جن کے چہرے پر مایوسی کے آثار نمایاں تھے ۔وہ میڈیا سے بات کیے بغیر ہی بنی گالہ روانہ ہو گئے۔ ذرائع کا کہنا ہے کہ اس موقع پر انہوں نے کسی سے بات بھی نہیں کی اور صحافیوں کے سوالات پر کوئی جواب بھی نہیں دیا ۔عمران خان بار بار اپنے چہرے کے تاثرات سے مایوسی کا اظہار کرتے رہے ۔
پاناما کیس کے بعد وزیر اعظم کا قوم سے خطاب ایمزٹی وی(اسلام آباد)پاناما کیس کے فیصلے کے بعد وزیراعظم نوازشریف نے قوم سے خطاب کریں گے ۔ ذرائع کے مطابق وزیراعظم اپنے خطاب میں پاناما کیس پر اپنے موقف اور فیصلے پر قوم کو اعتماد میں لیں گے اور حکومت کی کارکردگی قوم کے سامنے رکھیں گے تاہم سرکاری ذرائع سے تصدیق نہیں ہوسکی جبکہ وزیراعظم کے ترجمان نے خطاب کرنے کی تردید کی ۔ ذرائع کے مطابق وزیراعظم نوازشریف نے اپنی صاحبزادی مریم نواز، بھائی شہبازشریف اور دیگر پارٹی رہنماؤں کے ہمراہ وزیراعظم ہاؤس میں بیٹھ کر فیصلہ سنا جس کے بعد شہبازشریف نے وزیراعظم کو گلے لگا کر مبارکباد دی۔