ایمزٹی وی(اسپورٹس) آئی سی سی نے محمد حفیظ کا باﺅلنگ ایکشن کلیئر آنے کے بعد انہیں انٹرنیشنل کرکٹ میں باﺅلنگ کرانے کی اجاز ت دیدی ہے ۔

انہوں نے 17نومبر کو آسڑیلیا کے شہر برسبن میں باﺅلنگ ٹیسٹ دیا تھا جس کے رپورٹ آگئی ہے اور اس میں کہا گیا ہے کہ انکے بازو کا خم 15ڈگری سے کم پایا گیا ہے ۔

محمد حفیظ کا باﺅلنگ ایکشن گزشتہ سال مشکوک قراردیا گیا تھا جس کے بعد ان پر 7 جولائی 2015ء کو ایک سال کیلئے انٹرنیشنل کرکٹ میں باؤلنگ کرانے پر پابندی لگائی گئی تھی۔

ایمزٹی وی(اسپورٹس)قومی کرکٹ ٹیم کے آل راﺅنڈر محمد حفیظ نے باﺅلنگ ایکشن کلیئر ہونے پر اللہ کا شکر ادا کرتے ہوئے کہا ہے کہ ایک بہت بڑی مشکل تھی جو دور ہو گئی ہے۔ ایک مرتبہ پھر ٹیم کا مستقل حصہ بننے کا خواہشمند ہوں۔

تفصیلات کے مطابق باﺅلنگ ایکشن کلیئر ہونے کے بعد ایک بیان میں محمد حفیظ نے کہا ہے کہ اللہ کا شکر ہے کہ میرا باﺅلنگ ایکشن کلیئر ہو گیا ہے اور اب میں بین الاقوامی مقابلوں میں باﺅلنگ کر سکو نگا، ایک مشکل تھی جو دور ہو گئی ہے۔ ان کا کہنا تھا کہ بین الاقوامی مقابلوں میں باﺅلنگ کو بہت مس کر رہا تھا، باﺅلنگ ایکشن کلیئر کرنے پر بہت خوش اور مطمئن ہوں۔

محمد حفیظ نے کہا کہ باﺅلنگ ایکشن کلیئر ہونے کے بعد ایک مرتبہ پھر ٹیم کا مستقل حصہ بننے کا
خواہشمند ہوں اور کوشش کروں گا کہ دنیا کا نمبر ون آل راﺅنڈر بن جاﺅں۔ واضح رہے کہ محمد حفیظ پر جولائی 2015ءمیں پابندی لگائی تھی جبکہ 17 نومبر 2016ءکو برسبین میں ان کے نئے باﺅلنگ ایکشن کا ٹیسٹ ہوا تھا ۔

ایمزٹی وی(تعلیم/ کراچی) سندھ پبلک سروس کمیشن کے متنازع انٹرویو کے باعث ناکام ہونے والے شہری علاقوں کے امیدواروں نے الزام عائد کیا ہے کہ دیہی ڈومیسائل کے حامل امیدواروں کو من پسند طریقے سے نوازا جارا رہا ہے اور شہری ڈومیسائل کے حامل امیدواروں کو نظر انداز کیا جارہا ہے۔

گزشتہ روز کراچی پریس کلب میں پریس کانفرنس سے خطاب کرتے ہوئے کراچی کے اعلیٰ تعلیمی اداروں سے نمایاں نمبروں میں کامیابی حاصل کرنے والے امیدواروں شمائلہ شفیق، ماریہ یونس، محمد ذولقرنین اور قرۃ العین نے کہا کہ صوبائی سول سروس کے امتحان اور انٹرویو کے نتیجے میں دیہی علاقوں کے لیے مختص تمام امیدواروں کی نشستیں پُر کر دی گئیں مگر شہری علاقوں کے لیے 27نشستیں خالی چھوڑ دی گئیں۔

ان شہری امیدواروں کوسیٹ میں نمایاں نمبروں سے کامیابی کے باجود متنازع انٹرویو میں ناکام کردیا گیا شمائلہ رفیق نے کہا کہ 18نومبر کو سندھ اسمبلی میں ایک قرار داد منظور کی گئی کہ مذکورہ امتحان میں جو امیدوار نشستیں حاصل کرنے میں ناکام رہے ہیں ان کو نشستیں الاٹ کی جائیں یہ قرار داد صرف اور صرف سندھ کے دیہی علاقوں کے امیدواروں کے مفاد میں ہے کیونکہ اس قرارداد میں لفظ Unallocatedاستعمال کرکے صرف سندھ کے دیہی علاقوں کے امیدواروں کو فائدہ دیا گیا ہے اور شہری ڈومیسائل کے تمام امیدواروں کو یکسر نظر انداز کیا گیا ہے۔ انہوں نے کہا وزیر اعلیٰ سے اپیل ہے اس مسئلے پر نظر ثانی خصوصی احکامات جاری کئے جائیں

ایمزٹی وی(تعلیم/ کراچی) اعلیٰ ثانوی تعلیمی بورڈ کراچی نے الحاق شدہ تمام نجی اور سرکاری تعلیمی اداروں کو طلباکی 75فیصد حاضری مکمل کرنے حوالے سے خطوط لکھے ہیں جس میں تمام سرکاری اور نجی کالجز اور ہائر سیکنڈری اسکولوں سے کہا گیا ہے کہ وہ اپنے تعلیمی اداروں میں طلباء کی حاضری ماہانہ بنیادوں پر انٹربورڈ کو بھیجیں۔

ناظم امتحانات محمد عمران خان چشتی کی جانب سے لکھے گئے تعلیمی اداروں میں تعلیم کا معیار بہتر بنانے کیلئے ان خطوط کو اساتذہ ،طلباء ، والدین اور سول سوسائٹی کی جانب سے زبردست پذیرائی حاصل ہوئی ہے،مختلف مکتبہ فکر سے تعلق رکھنے والے افراد کا کہنا ہے کہ کالجوں اور ہائر سیکنڈری اسکولوں میں طلباکی75فیصد حاضری یقینی بنانے کیلئے ناظم امتحانات کا یہ قدم انتہائی موثر ثابت ہوگا جبکہ طلبہ کی کالجوں میں تسلسل کے ساتھ حاضری سے تعلیمی معیار بھی بہت بہتر ہوجائے گا۔

ذرائع کے مطابق اعلیٰ ثانوی تعلیمی بورڈ نے الحاق شدہ نجی اور سرکاری تعلیمی اداروں کے طلباء کی حاضری کا ریکارڈ مرتب کرنے کیلئے ایک علیحدہ سیکشن قائم کیا ہے جہاں تمام کالجز اور ہائر سیکنڈری اسکولوں سے آنے والی حاضری کا ریکارڈ رکھا جائے گا ۔

انٹربورڈ کے تعلیمی اداروں کو لکھے گئے خطوط میں بورڈ کا ای میل ایڈریس بھی دیا گیا ہے اور ان سے کہا گیا ہے کہ ان کے پاس انٹرنیٹ کی سہولت موجود ہے تو وہ حاضری کے ریکارڈ کی ہارڈ کاپی ناظم امتحانات کے دفتر بھجوانے کے ساتھ ای میل کے ذریعے بھی حاضری ریکارڈ انٹربورڈ کو بھیجیں لیکن اگر انٹرنیٹ موجود نہیں ہے تو حاضری ریکارڈ کی ہارڈ کاپی ضرور ناظم امتحانات کے دفتر میں بھجوائیں۔انٹربورڈ کی طرف سے لکھے گئے۔

خط میں واضح کیا گیا ہے کہ جس الحاق شدہ کالج یا ہائر سیکنڈری اسکول کی دو مہینے لگاتار حاضری نہیں آئی اس کالج کے انٹرولمنٹ اور امتحانی فارم وصول نہیں کیے جائیں گے۔ ذرائع کے مطابق 75فیصد حاضری سے متعلق اس فیصلے سے سرکاری کالجوں کے لیے ڈی جی کالجز اور نجی کالجوں کے لیے ڈائریکٹر جنرل پرائیویٹ انسٹیٹیوشنز کو بھی خطوط لکھ کر آگاہ کیا گیا ہے۔

ایمزٹی وی(تعلیم/ کراچی) جامعہ سندھ جام شورو کے ناظم امتحانات (سالانہ) کی جانب سے جاری کردہ اعلامیہ کے مطابق جامعہ سے ملحقہ انڈس لا کالج کے ایل ایل بی(آنرز) پارٹ اول 2016ء‘ پارٹ دوم 2015ء‘ پارٹ سوم 2014ء‘ پارٹ چہارم 2013ءاور پارٹ پنجم 2012ء(پانچ سالہ پروگرام) کے سیکنڈ سمسٹر کے امتحانات انڈس لا کالج حیدرآباد میں یکم دسمبر 2016ءسے لیے جائیں گے

ایمزٹی وی(تعلیم/ کراچی) اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے انرولمنٹ فارمز جمع کروانے کی نئی تاریخوں کا اعلان کردیا ہے۔

تفصیلات کے مطابق تمام گروپس کے انٹرمیڈیٹ پارٹ ون 2017ء کے امتحانات میں شرکت کے خواہشمند اور اہل ریگولر امیدوار اپنے انرولمنٹ فارم یکم دسمبر 2016ء سے 15دسمبر 2016ء تک پانچ سو روپے لیٹ فیس کے ساتھ اپنے کالجوں میں جمع کرواسکتے ہیں۔

ایمزٹی وی(تعلیم/ کراچی) جامعہ کراچی نے ایم فل کی ڈگریاں تفویض کردیں۔

جامعہ کراچی کے وائس چانسلر پروفیسر ڈاکٹر محمد قیصر کی صدارت میں منعقدہ مجلس برائے اعلیٰ تعلیم وتحقیق کے حالیہ اجلاس میں02 طلبہ کو ایم فل جبکہ08 طلبہ کو پی ایچ ڈی کی ڈگریاں تفویض کی گئیں۔پی ایچ ڈی کی ڈگری حاصل کرنے والوں میں رابعہ مشتاق (کلینکل سائیکولوجی)،شکیلاپروین (زولوجی)، جبین زہرا (اسلامک ہسٹری)، ناصرعباس (جغرافیہ)،سیدہ فضا نقوی (بائیوکیمسٹری)، سید منصور نقوی(فزکس)، ارم (کلینکل سائیکولوجی)، سعدیہ محمود (ماس کمیونیکشن)جبکہ ایم فل کی ڈگریاں حاصل کرنے والوں میں تحریم عمر(جغرافیہ) اور سید حمید الدین ہاشمی(ایریااسٹڈی سینٹر)شامل ہیں۔

ایمزٹی وی(سندھ/ کراچی) شہید ذوالفقار علی بھٹو انجنیئرنگ کیمپس کے طلبہ نے آئی بی اے سکھر کے سیبا کام مقابلے میں شرکت کی مقابلے کا میدان مار لیا

کیمپس کے جاری کر دہ اعلامیے کے مطابق مقابلے میں شہید ذوالفقار علی بھٹو کیمپس کے علاوہ این ڈی یونیورسٹی کراچی ،فاسٹ یونیورسٹی کراچی ،ہمدرد یونیورسٹی کراچی ،بحریہ یونیورسٹی کراچی اورمہران یونیورسٹی جام شوروکے طلبہ شریک ہوئے

جس میں شہید ذوالفقار علی بھٹو کیمپس خیرپور کے الیکٹریکل کے طالب علم ارشد علی کھوسو بیسٹ ایمبیسڈر مقابلے میں پہلی پوزیشن پروجیکٹ ایگزیبیشن میں مہانور زاہد اور گل صنوبر نے دوسری پوزیشن اور 10ہزار روپے کا نقد انعام حاصل کیا آن لائین کاؤنٹر سٹرائیک گیم میں محمد سید حیدر زیدی اور فائذ محمد نے دوسری پوزیشن اور10ہزار روپے انعام حاصل کیا کیمپس کے پرووائیس چانسلر انجنیئر غلام سرور کندھر نے پوزیشن حاصل کرنے والے طلبہ کو اپنے دفتر میں بلا کر ان کے ساتھ خصوصی ملاقات دی اور ان کو مبارکباد دی۔

اس موقع پر پروائس چانسلر غلام سرور کندھر نے طلبہ سے مخاطب ہو کر کہاکہ آپ نے بڑی یونیورسٹیوں کے طلبہ کے ساتھ مقابلہ کر کے میدان مارا ہے مجھے بہت خوشی ہوئی ہے میں پر امید ہوں کہ آپ پاکستان اور دیگر ممالک کے تعلیمی اداروں کے مقابلوں میں بھی جائیں گے اور خیرپور کیمپس کا نام روشن کریں گے۔

ایمزٹی وی(تعلیم/ سندھ)بینظیر بھٹو شہید یونیورسٹی لیاری میں سندھ کا یوم ثقافت روایتی جوش و خروش اور جذبے کے ساتھ منایا گیا۔اس موقع پر طلباء نے سندھ کے روایتی نغمات ،ٹیبلو اور رقص پیش کیا جسے حاضرین نے داد تحسین پیش کیا۔

ایک ڈاکومنٹری فلم بھی دیکھائی گئی جس میں سندھ کی تاریخ اور ثقافت کو شاندار طریقے سے پیش کیا گیا۔ ممبر صوبائی اسمبلی ثانیہ ناز اور پاکستان پیپلز پارٹی کے سابق ضلع صدر حاجی قاسم بطور مہمان خاص شریک تھے۔مہمانان گرامی نے طلباء کی جانب منائے گئے گئے سندھ کے یوم ثقافت پر بھرپور داد دی اورشاندار یوم ثقافت کے انعقاد پر مبارکباد پیش کی۔

مہمانوں نے یوم ثقافت کے حولے سے گفتگو کرتے ہوئے کہا کہ بے نظیر بھٹو شہید یونیورسٹی لیاری میں سندھی کے یوم ثقافت کا انعقاد بہت خوشی کی بات ہے انھوں نے کہا کہ زندہ قومیں اپنی ثقافت کے فروغ دینے کے لیے ہمیشہ کوشاں رہتی ہیں او ر کبھی اپنی روایات اور ثقافت کو فراموش نہیں کرتیں۔

ہم پر واجب ہے کہ ہمیں اپنی آئندہ نسلوں کو بھی اپنی ثقافت سے روشناس کرائیں ہے۔اس رنگارنگ تقریب میںڈائریکٹر فنانس عبدالمناف ایڈوانی،ناظم امتحانات نور محمد میمن،ہیڈ آف ڈپارٹمنٹس،فیکلٹی ممبران،اسٹوڈنٹس ویلفیئر آفیسر عبدالشکور اور طلباء کی بہت بڑی تعداد شریک تھی

ایمزٹی وی(تعلیم/ اوہائیو)امریکی ریاست اوہائیو کی اوہائیو اسٹیٹ یونیورسٹی میں چاقو بردار حملہ آور نے 11 افراد کو زخمی کر دیا۔

غیرملکی خبررساں ادارے کے مطابق امریکی ریاست اوہائیو کے شہر کولمبس میں واقع اوہائیو اسٹیٹ یونیورسٹی کے اندر کار میں بیٹھے ایک شخص نے پہلے پیدل چلنے والوں کے متعین راستے پر اپنی گاڑی چڑھا دی اور پھر تیز دھارے آلے سے وار کر کے 11 افراد کو زخمی کر دیا۔

یونیورسٹی انتظامیہ نے حملہ آور کی شناخت عبدالرازق علی آرتن کے نام سے کی ہے جو کہ صوما لی نژاد اور اسکول کا طالب علم تھا۔
پولیس کا کہنا ہے کہ حملہ آور کو ہلاک کردیا گیا ہے جب کہ حملے میں زخمی ہونے والوں کی حالت خطرے سے باہر ہے۔