ایمزٹی وی(ایمسٹر ڈیم) ہالینڈ میں مخصوص عوامی مقامات پر خواتین کے برقعہ پہنے اور نقاب کرنے پر پابندی عائد کردی گئی ہے اور پابندی کی خلاف ورزی پر 400 یورو تک جرمانہ عائد کیا جاسکتا ہے، اس قانون کی منظوری ہالینڈ کی ایوان زیریں کے 150 میں سے 132 ارکان نے دی ہے تاہم ابھی ایوان بالا سے اس کی توثیق باقی ہے.

ہالینڈ کے وزیراعظم کا صحافیوں سے بات کرتے ہوئے کہنا تھا کہ یہ قانون صرف مخصوص جگہوں
کے لیے ہے جہاں سیکیورٹی وجوہات کے باعث چہرہ دکھانا ضروری ہے تاہم اس کا کسی مذہب سے کوئی تعلق نہیں ہے۔

واضح رہے کہ اس سے قبل فرانسیسی حکام نے بھی فرانس کے بعض ساحلی علاقوں میں برقینی پہنے پر پابندی لگادی تھی اور وجہ یہ بتائی گئی تھی کہ یہ سیکیولرزم کے قانون کے منافی ہے تاہم بعد میں عدالت نے پابندی کو معطل کردیا تھا۔

ایمزٹی وی(روس)روسی وزارت خارجہ نے کہاہے کہ سی پیک کے حوالے سے روس اورپاکستان کے درمیان ’خفیہ مذاکرات‘ کے حوالے سے پاکستانی میڈیا پر چلنے والی رپورٹس حقائق کے منافی ہیں۔
وزارت خارجہ کی ویب سائٹ پرجاری بیان میں کہاگیا ہے کہ ماسکو سی پیک میں شمولیت کے حوالے سے اسلام آباد سے مذاکرات نہیں کررہا۔

بیان میں کہاگیاہے کہ روس اور پاکستان کے درمیان تجارتی اورمعاشی تعاون کی اپنی اہمیت ہے اورہم انہیں مضبوط کرنا چاہتے ہیں، روسی کمپنیاں پاکستان میں تجارتی منصوبوں پر عملدرآمد کر رہی ہیں جن میں کراچی سے لاہورتک نارتھ ساؤتھ گیس پائپ لائن کی تعمیر بھی شامل ہے

ایمزٹی وی(واشنگٹن)امریکا نے اپنے شہریوں کو پاکستان سفر کرنے سے گریز کرنے کی ہدایت کی ہے جس پر ترجمان امریکی محکمہ خارجہ جان کربی کا کہنا ہے کہ کہ امریکی شہریوں کو پاکستان کے سفر کے حوالے سے جاری کی گئی وارننگ معمول کی کارروائی ہے اور پاکستان کو اس سے پریشان ہونے کی ضرورت نہیں ہے۔
واشنگٹن میں میڈیا بریفنگ کے دوران جان کربی کا کہنا تھا پاکستان کو انتہاپسندی اور دہشت گردی سے
خطرہ ہے اور پاکستانی رہنما اس سے بخوبی آگاہ ہیں۔ دہشت گردی کی وجہ سے بہت سے پاکستانی شہریوں اور فوجیوں کی جانیں گئیں اور یہ خطرہ پاکستان کے اندر موجود ہے۔

انہوں نے کہا پاکستانی حکام نے سفری وارننگ کا معاملہ امریکا کے ساتھ اٹھایا ہے لیکن یہ معمول کی کارروائی ہے کیونکہ اپنے شہریوں کو کسی خطرے سے خبردار کرنا ہمارا فرض ہے تاہم کسی شہری کی پاکستان جانے کے حوالے سے حوصلہ شکنی نہیں کی گئی۔

ایمزٹی وی(کراچی)وزیراعلی سندھ مراد علی شاہ نے سابق آرمی چیف جنرل راحیل شریف کو فون کیا، وزیراعلی نے جنرل راحیل شریف کی آرمی چیف کی حیثیت سے خدمات کو سراہا۔

وزیراعلی نے سابق آرمی چیف سے گفتگو کرتے ہوئے کہا کہ آپ نے ضربِ عضب، نیشنل ایکشن پلان اور دہشت گردوں سے ڈٹ کر مقابلہ کیا جب کہ آپ کی خدمات ہمیشہ یاد رکھی جائیں گی۔ واضح رہے کہ گزشتہ روزسبکدوش آرمی چیف جنرل ریٹائرڈ راحیل شریف نے جنرل قمرجاوید باجوہ کو روایتی چھڑی پیش کرکے پاک فوج کی کمان ان کے حوالے کردی تھی۔

ایمزٹی وی(لاہور)پیپلز پارٹی کے چیئرمین بلاول بھٹو زرداری پارٹی کے یوم تاسیس کے سلسلے میں لاہور پہنچ گئے ہیں ، علامہ اقبال انٹرنیشنل ایئر پورٹ پر قمرالزمان کائرہ اور جیالوں نے اپنے قائد کا استقبال کیا جہاں سے وہ بلاول ہاﺅس روانہ ہوگئے۔

بلاول بھٹو زرداری دبئی سے نجی پرواز ای کے 622کے ذریعے لاہور میں علامہ اقبال انٹرنیشنل ایئرپورٹ پہنچے ۔اس موقع پر جیالوں کی بڑی تعداد بھی موجود تھی۔ بلاول بھٹو پارٹی کے 49 ویں یوم تاسیس میں شرکت کیلئے پہنچے ہیں۔ بلاول بھٹو زرداری کو سخت سیکیورٹی حصار میں ایئرپورٹ سے بلاول ہاﺅس لے جایا گیا۔

ایمزٹی وی (اسلام آباد) پاکستان تحریک انصاف کے رہنماءشاہ محمود قریشی نے کہا ہے کہ بلاول بھٹو زرداری خود کو ثابت کرنا چاہتے ہیں تو انہیں آزادی حاصل کرنا ہو گی۔

میڈیا رپورٹس کے مطابق بلاول کی سیاست کے میدان میں کوشش کرنا ان کا حق ہے، وہ ایک سیاسی جماعت کے سربراہ ہیں اور ہر جماعت کو حق حاصل ہے کہ وہ جستجو کرے۔

ان کا کہنا تھا کہ بلاول بھٹو زرداری اگر خود کو ثابت کرنا چاہتے ہیں تو انہیں آزادی حاصل کرنا ہو گی لیکن کس سے؟ اس سوال پر انہوں نے مسکراتے ہوئے جواب دیا کہ ”یہ بعد میں بتاﺅں گا۔“

ایمزٹی وی(اسلام آباد) مسلم لیگ نواز کے رہنما طلال چودھری نے کہا ہے کہ عمران خان نے وکیل بدل کر اداکار رکھ لیا ہے ، فیصلے وکیل بدلنے اور ای میلز سے نہیں بلکہ ثبوت پیش کرنے سے ہونگے ۔

سپریم کورٹ کے باہر میڈیاسے گفتگو کرتے ہوئے انکا کہنا تھا کہ نوازشریف کو گرانے والے ایک بار پھر گریں گے ، فیصلہ جھوٹ پر نہیں ثبوت پر ہو گا ۔ ”عمران خان کی زندگی سے جھوٹ نکال دیا جائے تو کچھ نہیں بچتا “۔ ہمیں کٹھرے میں لانے والے خودکھڑے ہیں ۔

انہوں نے مزید کہا کہ عدالت ثبوت مانگتی ہے تو یہ جھوٹ لے آتے ہیں ، وہ موسم گزر گئے جب فیصلے کوئی اور کرتے تھے ۔ خان صاحب کہتے ہیں کہ میاں صاحب پر فلم بناﺅں گا ۔

ایمزٹی وی(اسلام آباد) سپریم کورٹ نے کہا ہے کہ پانامہ لیکس پر میڈیا ذمہ داری کا مظاہرہ کرے اور سستی شہرت کیلئے غیر ذمہ دارانہ گفتگو سے پرہیز کرنا چاہئے۔

میڈیا رپورٹس کے مطابق پانامہ لیکس تحقیقات سے متعلق درخواستوں کی سپریم کورٹ میں سماعت کے دوران طارق اسد ایڈووکیٹ نے کہا کہ میڈیا کو کیس پر تبصروں سے روکا جائے۔ میڈیا میں حامد خان سے متعلق بہت باتیں آئی ہیں اور گزشتہ سماعت کے بعد حامد خان کو تنقید کا نشانہ بنایا گیا ہے۔
اس پر چیف جسٹس آف پاکستان انور ظہیر جمالی نے کہا کہ حامد خان سینئر قانون دان ہیں جنہوں نے آئین پر کتابیں لکھی ہیں، ایسی تنقید سے حامد خان کی ساکھ متاثر نہیں ہوتی۔

ان کا کہنا تھا کہ فریق اپنا وکیل تبدل کرنا چاہتا ہے تو اس کی مرضی ہے، سستی شہرت کیلئے غیر ذمہ دارانہ گفتگو سے پرہیز کرنا چاہئے۔

ایمزٹی وی (اسلام آباد) چیف جسٹس انور ظہیر جمالی کی سربراہی میں سپریم کورٹ کا پانچ رکنی لارجر بینچ شریف فیملی کی آف شور کمپنیوں، منی لانڈرنگ اور ٹیکس چوری سے متعلق درخواستوں کی سماعت کرے گا۔ حامد خان کی معذرت کے بعد اب نعیم بخاری ایڈووکیٹ تحریک انصاف کے کیس کی پیروی کریں گے۔
بنی گالا میں عمران خان سے شیخ رشید نے ملاقات بھی کی اور کیس پر تبادلہ خیال کیا۔ پی ٹی آئی چیئرمین کا کہنا تھا کہ حکومت کو ٹف ٹائم دیا جائے گا، اچھی خبریں آئیں گی۔ عمران خان اور جہانگیر ترین کے خلاف نون لیگ کے رہنماء حنیف عباسی کی درخواست کی سماعت بھی آج ہو گی۔ درخواستوں کو چیف جسٹس کی سربراہی میں تین رکنی بینچ سنے گا۔ ادھر قومی اسمبلی میں اظہار خیال کرتے ہوئے وزیر قانون زاہد حامد نے کہا کہ وزیر اعظم پہلے ہی خود کو احتساب کے لئے پیش کر چکے ہیں۔

ایمزٹی وی(اسلام آباد) الیکشن کمیشن آف پاکستان نے عبدالعلیم خان کے خلاف اسپیکر قومی اسمبلی سردار ایاز صادق کی جانب سے دائر کیے گئے ریفرنس کو دوبارہ کھولنے کا فیصلہ کرتے ہوئے علیم خان اور ایاز صادق ، دونوں کو ہی نوٹس جاری کردیا۔ دونوں کو 19 دسمبر کو الیکشن کمیشن میں طلب کیا گیا ہے۔ اگر عبدالعلیم خان کے خلاف لگائے گئے الزامات درست ثابت ہوگئے تو انہیں 2 سے سات سال تک سزا ہوسکتی ہے۔
واضح رہے کہ 11 اکتوبر 2015 کو این اے 122 لاہور کے ضمنی انتخابات میں سردار ایاز صادق نے پی ٹی آئی کے امیدوار عبدالعلیم خان کو شکست دی تھی ۔ الیکشن میں شکست کے بعد نومبر 2015 میں الیکشن کمیشن میں تحریک انصاف کے امیدوار عبدالعلیم خان کی جانب سے الیکشن ٹربیونل میں سلمان راجہ ایڈووکیٹ کے توسط سے 800 صفحات پر مشتمل پٹیشن جمع کروائی گئی جس میں کہا گیا تھا کہ ضمنی انتخابات سے قبل 30 ہزار 500 ووٹ ٹرانسفر یا منسوخ کیے گئے لہذا انتخابات کو کالعدم قرار دیا جائے۔ عبدالعلیم خان کی جانب سے متعدد ووٹرز کے حلف نامے بھی جمع کرائے گئے تھے۔

دوسری جانب قومی اسمبلی کے اسپیکر کی جانب سے مسلم لیگ ن کے اراکین قومی اسمبلی نے عبدالعلیم خان کے خلاف 51 صفحات پر مشتمل ریفرنس الیکشن کمیشن میں دائر کیا۔ریفرنس میں موقف اختیار کیا گیا تھا کہ عبدالعلیم خان نے سردار ایاز صادق کے خلاف الیکشن کمیشن میں جھوٹا بیان حلفی جمع کروایا اس لیے ان کے خلاف کارروائی کی جائے۔

الیکشن کمیشن نے عبدالعلیم خان کی پٹیشن کا فیصلہ یکم فروری 2016 کو سناتے ہوئے انتخابات کالعدم قرار دینے کے حوالے سے ان کی درخواست مسترد کردی جبکہ الیکشن کمیشن کا فیصلے میں کہنا تھا کہ درخواست گزار علیم خان کی جانب سے چند ووٹروں کے غلط بیان حلفی جمع کروائے گئے جس پر کمیشن درخواست گزار کے خلاف کارروائی کا حق رکھتا ہے۔