ایمز ٹی وی (شوبز) بھارتی ٹی وی چینلز سے دکھائے جانے والے پاکستانی ٹی وی ڈراموں کی مقبولیت کے بعد پاکستانی ٹیلی ویژن فنکاروں کی عمدہ کارکردگی نے بھارتی فلم پروڈیوسرز کو اس قدر متاثر کیا کہ انھوں نے اب اپنی نئی فلموں میں وہ پاکستانی فکاروں کو کاسٹ کرنے کے لیے رابطے شروع کردیے ہیں۔

گزشتہ چند ماہ کے دوران ٹیلی ویژن کے نامور فنکاروں کو بھارتی فلموں میں کام کرنے کی پیشکش ہوئی، جس کے بعد ماڈل اور اداکارہ مائرہ خان ان دنوں اداکار شاہ رخ خان کے ساتھ فلم’’رئیس‘‘ میں اہم کردار ادا کررہی ہیں، فواد خان بھی متعدد فلموں میں کام کررہے ہیں بلکہ فواد خان تو بھارتی فلم پروڈیوسرز کے لیے ہاٹ کیک بن چکے ہیں وہ بھارتی فلم پروڈیوسرز کی اولین ترجیح ہیں، عمران عباس، عمائمہ ملک، ثنا، سارہ لورین حال ہی میں بھارتی فلموں میں کام کرکے اپنے فن کا لوہا منواچکی ہیں، جاوید شیخ بھی ان دنوں دو بھارتی فلموں میں کام کررہے ہیں، پاکستان کے معروف مزاحیہ اداکار علی حسن، عرفان ملک بھی ان دنوں بھارتی فلموں میں کام کررہے ہیں، پاکستانی فنکاروں کی بھارت میں مقبولیت کے بعد پاکستان اور بھارت کے فلم پروڈیوسرز نے مشترکہ فلم سازی کی خواہش ظاہر کی ہے۔

فلم ساز مہیش بھٹ بھی پاکستانی فنکاروں کے معترف ہیں، ان کا کہنا تھا کہ کیا ہی اچھا ہو کہ اگر پاکستان اور بھارت مشترکہ فلم سازی کا آغاز کریں۔ نصیر الدین شاہ بھی پاکستان آکر کام کرنے کے خواہش مند ہیں وہ رواں سال کے آخر میں آکر پاکستانی فلم میں کام کریں گے۔ بھارتی اداکار اوم پوری، شبانہ اعظمی،شترو گھن سنہا بھی پاکستان کے ساتھ کسی بھی پروجیکٹ میں کام کرنے کے لیے تیار ہیں

ایمز ٹی وی(کراچی): ڈیفنس کے علاقے میں رینجرز سے مقابلے کے دوران لیاری گینگ وار کے 3 کارندے مارے گئے۔ کارروائی کے دوران بڑی تعداد میں اسلحہ بھی برآمد کیا گیا، ہلاک کارندوں میں سے ایک کا تعلق سیاسی جماعت سے تھا۔ترجمان سندھ رینجرز کے مطابق خفیہ اطلاع پر ڈیفنس میں ٹارگٹ کلر ٹیم کے سربراہ سلیم عرف ڈالر کے ٹھکانے پر چھاپہ مارا گیا تو ملزمان نے فائرنگ شروع کردی

ایمز ٹی وی(اسلام آباد)جمیعت علمائے اسلام فضل الرحمان گروپ کا کہنا ہے کہ وہ یمن کے بحران پر بحث کے لیے پیر کو طلب کیے گئے پارلیمنٹ کے مشترکہ اجلاس میں شرکت کرے گی اور اس معاملے پر اپنا نکتہ نظر پیش کرے گی۔جے یو آئی ایف کے ترجمان محمد خان اچکزئی نے پارٹی کے ایک مشاورتی اجلاس کے بعد ڈان کو بتایا کہ ’’ہمیں حکومت کی پالیسی کے بارے میں علم نہیں ہے کہ وہ کس طرح اس صورتحال سے نمٹنا چاہتی ہے۔ ہماری جماعت نے فیصلہ کیا ہے کہ پہلے حکومتی مؤقف کو سنا جائے پھر اس کے بعد اس معاملے پر اپنی رائے دی جائے۔‘‘جے یو آئی ایف کا یہ مشاورتی اجلاس اس کے سربراہ مولانا فضل الرحمان کی سرکاری رہائشگاہ پر اتوار کے روز منعقد ہوا، جس میں یمن کے بحران پر تبادلہ خیال کیا گیا۔انہوں نے کہا کہ جے یو آئی ایف کا اصولی مؤقف یہ تھا کہ اگر سعودی عرب کی علاقائی سالمیت اور خودمختاری کو خطرہ لاحق ہوتو ’’ہم غیرجانبدار نہیں رہ سکتے، اس لیے کہ وہ ہمارے اچھے دوست ہیں۔ لیکن چونکہ یہ خانہ جنگی ایک تیسرے ملک میں جاری ہے، چنانچہ ہمیں اپنی فوج کو اس میں ملوث نہیں کرنا چاہیے۔واضح رہے کہ اگرچہ جے یو آئی ایف اور پاکستان تحریک انصاف ایک دوسرے کے سیاسی حریف ہیں اور ان کے درمیان اچھے تعلقات نہیں ہیں، تاہم یمن میں جاری بحران کے معاملے پر دونوں جماعتوں کا نکتہ نظر یکساں ہے

ایمز ٹی وی(کوہاٹ) کوہاٹ روڈ پر واقع بنوولمنٹ اسکول کی بندش کے خلاف والدین نے احتجاجی مظاہرہ کیا اور کوہاٹ روڈ پر ٹائر نذرآتش کر کے روڈ کو ہر قسم کے ٹریفک کے لیے بند کردیا۔ والدین نے احتجاج کرتے ہوئے انتظامیہ کے خلاف نعرے بازی کی اور الزام عائد کیا کہ اسکول کی بندش کا نوٹیفیکیشن مارچ کے مہینے میں جاری ہوا تھا لیکن والدین کو ایک روز قبل اطلاع دی گئی۔ مظاہرین کاکہنا تھا کہ اب بچے کہاں جائیں گے جبکہ تعلیم کے حصول کے لیے کوئی متبادل بندوبست نہیں کیا گیا۔