ایمز ٹی وی(لاڑکانہ)پیپلز پارٹی کے بانی رہنماء ذوالفقار علی بھٹو کی برسی پر ہونیوالا جلسہ منسوخ کردیا گیا ہے، پارٹی ترجمان کا کہنا ہے کہ جلسہ شدید بارشوں کی وجہ سے منسوخ کیا گیا ہے۔

ترجمان پیپلز پارٹی کے مطابق خراب موسم اورشدید بارشوں کے باعث برسی کی تقریبات محدود سطح پر نوڈیرو ہاؤس میں ہوں گی، جس میں پارٹی رہنماء، اراکین صوبائی، قومی اسمبلی اور سینیٹ ارکان شرکت کریں گے۔لاڑکانہ، سکھر ، بینظیر آباد،اور دادو سے تعلق رکھنے والے کارکنان بھی تقریب میں شرکت کریں گے، دیگر اضلاع میں مقامی طور پر تقریبات کا اہتمام کیا جائے گا۔مرکزی تقریب سے پیپلزپارٹی کے شریک چیئرمین آصف علی زرداری اور دیگر رہنما خطاب کریں گے

کریم آباد سے گرفتار افراد کے خلاف مقدمہ درج

ایمز ٹی وی(کراچی): کریم آباد میں ہنگامہ بڑھا تو پولیس بھی ایکشن میں نظر آئی۔ سات افراد کو حراست میں لیا اور تھانہ گلبرگ میں لے جا کر مقدمہ درج کرلیا۔ مقدمے میں انسداد دہشتگردی کی دفعات بھی شامل ہیں۔ ایم کیوایم کے رہنما کہتے ہیں معصوم شہریوں کی گرفتاری یکطرفہ کارروائی اور جانبداری ہے۔گلبرگ تھانے کا گیٹ بند رہا اور متحدہ کے اراکین اسمبلی کھٹکھٹاتے رہے۔

لیکن دروازہ نہیں کھلا۔ 

پولیس کریم آباد ہنگامے میں گرفتاریوں سے متعلق رشتے داروں کو کچھ بھی بتانے سے گریزاں رہی۔بس ایس ایس پی سینٹرل نعمان صدیقی نے بیان جاری کردیا۔ کہ کریم آباد میں پی ٹی آئی کیمپ اکھاڑے اور ہنگامہ آرائی کرنے پر سات افراد گرفتار کیے۔انہوں نے کہا کہ سرکار کی مدعیت میں مقدمہ درج ہوا۔ ایف آئی آر میں انسداد دہشتگردی کی دفعات شامل ہیں۔  ملزم آج عدالت میں پیش کیے جائیں گے۔مقدمہ درج ہونے کے خلاف رات گئے رشید گوڈیل۔۔ آصف حسین۔۔۔ ریحان ہاشمی اور دیگر ایم کیوایم رہنما گرفتار افراد کے رشتے داروں کے ساتھ گلبرگ تھانے پہنچے۔ لیکن پولیس والے اجنبی بن گئے۔گیٹ کے باہر ایم کیوایم کے اراکین اسمبلی سخت برہمی کا اظہار کرتے رہے۔ ایک گھنٹہ تھانے کے باہر کھڑے رہنے کے بعد پولیس کی جانبداری کے خلاف اسمبلی میں آواز اٹھانے کا اعلان کرکے ایم کیوایم رہنما گھروں کو چلے گئے۔

ایمز ٹی وی(فارن ڈیسک)اینتھونی رائے ہنٹن کو 3 دہائیوں کے بعد جیل کی قید سے آزادی حاصل ہوگی، اس پرالزام عائد تھا کہ اس نے 1985ء میں دو مختلف ہوٹلوں میں ڈکیتی کے دوران دو افراد کو قتل کیا تھا،ہنٹن کے وکیل جن کا تعلق ایکول جسٹس انیشی ایٹو (ای جے آئی) نے عدالت کے سامنے دلیل پیش کی کہ مذکورہ جرم میں اس کو نامزد کرنے لیے ثبوت ناکافی ہیں، جس پر جیفرسن کاؤنٹی سرکٹ کورٹ کے جج لورا پیٹرو نے مقدمہ خارج کردیا