ایمز ٹی وی (فارن ڈیسک) آئرلینڈ میں 47 سالہ خاتون کو کینڈی کرش کھیلنےکے وجہ سے قاتلانہ حملے میں زخمی کر دیا گیا۔ سماجی رابطوں کی ویب سائٹ فیس استعمال کرنے والوں میں شاید ہی کوئی ایسا ہو جو ’’کینڈی کرش‘‘ گیم سے واقف نہ ہو اور بہت سے لوگ تو اس گیم کے اتنے دیوانے ہوتے ہیں کہ نہ صرف خود یہ گیم کھیلتے ہیں بلکہ دوسروں کو بھی کھیلنے کی ترغیب دیتے ہیں اور یہی جرم ایک خاتون پر قاتلانہ حملے کا بھی باعث بن گیا۔ 

آئرلینڈ کے شہر بلفاسٹ کی رہائشی 47 سالہ خاتون کینڈی کرش کی اس قدر شوقین تھی کہ خود یہ گیم کھیلنے کے ساتھ سماجی حلقےمیں شامل اپنےدوستوں کو بھی اکثر اسے کھیلنے کے لیے درخواستیں بھیجتی رہتی تھی۔ خاتون کی جانب سے بار بار کینڈی کرش کی درخواستوں سے تنگ افراد نے خاتون پرحملہ کردیا اور گھر کے باہر اس پر گولیاں برسادیں جس کے نتیجےمیں خاتون کی ٹانگوں پر گولیاں لگیں اور وہ شدید زخمی ہوگئی۔

ایمز ٹی وی (سائنس اینڈ ٹیکنالوجی) یوں تو آپ نے نت نئے ڈیزائن کی حامل جدید ماڈل کی مہنگی مہنگی کاریں سڑکوں پر دوڑتی دیکھی ہی ہونگی، لیکن یہاں تو کار فضاء میں ہیلی کاپٹر کی طرح پرواز کرنے لگی ہے۔

برطانیہ سے تعلق رکھنے والے ایک انجینئر نے اپنی پرانی کار کو پیراشوٹ کی مدد سے فضاء میں اُڑانے کا شاندار مظاہرہ کرکے دیکھنے والوں کو حیران کردیا۔ 49سالہ روب نے اس کار کی تیاری میں کافی وقت صرف کیا ہےاور 1973ماڈل کی اس کار کی باڈی میں جدید مشین نصب کرکے اسے اُڑان بھرنے کے قابل بنایا ہے۔ روب کا کہنا ہے کہ اگر اسے موقع ملا تو وہ اس طرح کے مزید کئی شاہکار تیار کرکے دنیا کو حیران و پریشان کر سکتا ہے۔

ایمز ٹی وی (ایجوکیشن) جامعہ کراچی کی سینڈیکٹ نے جامعہ کراچی میں میڈیکل کالج اور اسپتال کے قیام کی تجاویز کو حتمی شکل دینے کے لئے چھ رکنی کمیٹی قائم کردی ہے جمعہ کو وائس چانسلر ڈاکٹر قیصر کی زیر صدارت ہونے والے سینڈیکٹ کے اجلاس میں میڈیکل کالج اور اسپتال کے قیام کے لئے پانچ تجاویز پیش کی گئیں جن میں کے ایم ڈی سی کو جامعہ کراچی کا زیلی کالج یا سب کیمپس بنانے کی تجویز بھی شامل تھی تاہم اس تجویز کو منظور کرتے ہوئے اسےکے ایم ڈی سی کے بورڈ آف گورنرز کی منظوری سے مشروط کردیا گیا۔ 

سندھ ایجوکیشن اینڈ ہیلتھ ٹرسٹ کی جانب سےکالج کے قیام پر ڈاکٹر طاہر شمسی نے پریزنٹیشن دی اس سلسلے میں یونیورسٹی سینڈیکیٹ کو بتایا گیا کہ ٹرسٹ 9ایکڑ اراضی پر کالج اور ڈھائی سو بستروں کا اسپتال قائم کرے گا جبکہ عمارت کا کرایہ فی ایکڑ ایک لاکھ روپے کے حساب سے ماہانہ بنیادوں پر جامعہ کراچی کو ادا کیا جائے گا کالج اور اسپتال کی ملکیت اور انتظامی کنٹرول جامعہ کراچی کا ہی ہو گا جبکہ ٹرسٹ کالج اور اسپتال کے قیام کیلئے دو ارب روپے کی سرمایہ کاری کرے گا دونوں ورکنگ پیپر کے جائزے کے بعد سینڈیکیٹ نے اس سلسلے میں چھ رکنی کمیٹی بھی تشکیل دی جس کے کنوینر رکن سینڈیکیٹ اور پرنسپلز سیکرٹریر گورن سندھ محمد حسن سید کو مقرر کیا گیا جبکہ دیگر اراکین میں سردار یاسین ملک، رئیس کلیہ فارمیسی ڈاکٹر غزالہ رضوانی، پروفیسر جمیل کاظمی، پروفیسر احمد قادری اور پروفیسر حارث شعیب کمیٹی میں شامل ہوں گے۔یہ کمیٹی10 روز میں اپنی رپورٹ پیش کرے گی۔

ایمز ٹی وی (ہیلتھ ڈیسک) حال ہی میں ہونے والی ایک تحقیق کےمطابق گرم چائےپینا صحت کے لئے انتہائی نقصان دہ ہے.

لندن کالج یونیورسٹی اور برٹس سائنس کی جانب سے کی جانے والی مشترکہ تحقیق کے حوالے سے ایسٹ کینٹ یونیورسٹی اسپتال کے کنسلٹنٹ ہنری شارپ کا کہنا ہے کہ چائے کے کپ سے نکلنے والا دھواں انسانی صحت کے لیے بے حد نقصان دہ ہے، اس سے نکسیر پھٹ سکتی ہے اور ناک سے خون کا اخراج بھی ہو سکتا ہے۔ ان کا کہنا تھا کہ اگر گرم چائے پینے کی وجہ سے ناک سے خون بہنے لگے تو 24 گھنٹے تک چائے نہیں پینی چاہئے تاکہ خون کی شریانے صحیح طور پر کام کرسکیں۔

واضح رہے کہ 2012 میں یونیورسٹی آف گلیسگو میں تحقیق سے یہ بات بھی سامنے آئی تھی کہ زیادہ چائے پینے والوں میں غدود کے کینسر میں مبتلا ہونے کا خدشہ 50 فیصد زیادہ ہوتا ہے جب کہ ایران میں ہونے والی ایک تحقیق کے مطابق گرم مشروبات پینے والوں کو ’’مری‘‘ (گلے سے معدے تک کی نلی) کا کینسر بھی ہوسکتا ہے۔