ایمز ٹی وی(میران شاہ)آپریشن ضرب عضب کے باعث شمالی وزیرستان سے نقل مکانی کرنے والے متاثرین کی واپسی آج سے شروع ہوگی، دس لاکھ کے قریب متاثرین آج سے گھروں کو واپس جائیں گے۔ 

پولیٹیکل انتظامیہ اور عسکری ذرائع کے مطابق شمالی وزیرستان ایجنسی میں دہشت گردوں کے خلاف آپریشن ضرب عضب کے باعث دس لاکھ سے زائد متاثرین اپنے علاقوں کو چھوڑکر خیبرپختونخوا کے مختلف علاقوں میں رہائش پذیر ہیں، شیڈول کے مطابق شامیری قبائل آج سے دس اپریل تک اور میرعلی اسپین وام کے متاثرین کی واپسی دس اپریل سے تیرہ اپریل تک ہوگی۔

پولیٹیکل انتظامیہ کی جانب سے متاثرین کی واپسی کا شیڈول جاری کردیا گیا ہے،مختلف تحصیلوں سے نقل مکانی کرنے والوں کی مرحلہ وار واپسی عمل میں آئے گی، متاثرہ خاندانوں کو 35ہزار روپے فی خاندان بھی دیئے جائیں گے، جب کہ متاثرین کو مناسب مقدار میں راشن بھی حکومت اور فوج کی جانب سے فراہم کیا جائے گا۔ قبائلیوں کی واپسی کیلئے مختلف بنوں میں رجسٹریشن پوائنٹس  بنا دیئے گئے ہیں۔

واضح رہے کہ سیکیورٹی فورسز کی جانب سے گزشتہ سال جون میں شروع کئے گئے آپریشن ’’ضرب عضب‘‘ کے باعث شمالی وزیرستان سے لاکھوں افراد نے نقل مکانی کے بعد مختلف علاقوں میں پناہ لیں۔

ایمز ٹی وی(کراچی)حلقہ این اے دو سو چھیالیس میں 23 اپریل کو ہونے والے ضمنی انتخاب کا محاذ گرم ہو تے ہی سیاسی حریفوں کے درمیان لفظوں کی گولہ باری تیز ہو گئی۔ 

تحریک انصاف نے عوامی طاقت سےکراچی میں خوشحالی لانے کا دعویٰ کیا ہے تو ایم کیوایم نے پی ٹی آئی پر مینڈیٹ پر قبضہ کرنے کا الزام لگا دیا۔۔

تحریک انصاف کے امیدوار عمران اسماعیل کہتے ہیں عوامی طاقت سے شہر میں خوشحالی لائیں گے، عمران اسماعیل نے حکومت سے بھرپور سیکیورٹی اور ساتھ ہی  فوج سے مدد بھی مانگ لی۔

پی ٹی آئی رہنما عارف علوی کا کہنا ہے کہ 19 اپریل کوعزیزآباد جناح گراؤنڈ میں تحریک انصاف کا جلسہ ہو گا۔

ایم کیوایم رابطہ کمیٹی نے بھی کپتان کو آڑے ہاتھوں لیا،رابطہ کمیٹی نے پریس کانفرنس کے دوران کہا کہ عمران خان اسٹیبلشمنٹ کی بیساکھیوں پرچل کرایم کیوایم کے مینڈیٹ پر قبضہ کرنا چاہتے ہیں۔ ساتھ ہی رابطہ کمیٹی نے ضمنی انتخابات میں تحریک انصاف کو جمہوری انداز میں مقابلہ کرنے کا مشورہ بھی دے ڈالا

ایمز ٹی وی(کراچی)

اٹک/ میانوالی/ راول پنڈی/ سرگودھا  :   اٹک میں اغواء برائے تاوان کے مجرم اکرام الحق کو تختہ دار پر لٹکا دیا گیا، جب کہ سرگودھا، میانوالی اور راول پنڈی میں بھی قتل کے تین مجرم انجام کو پہنچے گئے۔

اٹک جیل میں اغوا برائے تاوان کے مجرم  اکرام الحق کو صبح سویرے پھانسی دی گئی، ملزم نے چار جولائی دو ہزار دو کو فتح جنگ سے تین سالہ آمنہ کو اغوا کیا تھا، سرگودھا میں دہرے قتل کے مجرم محمد ریاض کو تختہ دار پر لٹکایا گیا، ریاض نے تیرا سال پہلے چوا سیدن میں ڈکیتی کے دوران دو افراد کو قتل کردیا تھا۔ 

ميانوالی میں دہرے قتل کے مجرم حبدار حسين شاہ کو پھانسي دے دي گئی، مجرم نے آٹھ اکتوبر دو ہزار ميں غيرت کے نام پر اپنے دو رشتےداروں کو قتل کيا تھا، راول پنڈی کی اڈیالہ جیل میں محمد امین کو تختہ دار پر لٹکا دیا گیا۔ مجرم پر تھانہ نیو ٹاؤن میں دو افراد کے قتل کا مقدمہ درج تھا۔

ایمز ٹی وی (ایجوکیشن) مشرقی لندن کےایک سرکاری اسکول کے طالبعلم اشرف صدیقی نے ینگ رائٹرز کا قومی نظم نویسی مقابلہ جیت لیا ہے۔اشرف صدیقی کا نام انگریزی ادب کے کم عمر برطانوی مصنفوں میں شامل ہو گیا ہے جن کی نظم ینگ رائٹرز پبلشرز کی کتاب 'لندن انتھالوجی' کی اشاعت میں شامل کرنے کے لیے منتخب کی گئی ہے۔

انگریزی ادب میں جدیدنظم کہنے والے 13 سالہ اشرف صدیقی نے سالانہ قومی نظم نویسی مقابلہ'پوئیٹوپیا' کے لیے 'معاشرے کے سدھار' کے موضوع پر نظم بھیجی تھی۔ یہ ایک سخت مقابلہ تھا جس کے لیے  ملک بھر سے 11 سے 18 سال کے اسکول کے طالب علموں نے اپنی تحریریں ارسال کی تھیں لیکن شاعرانہ ذوق رکھنے والے کم عمر ادیب اشرف نے ہزاروں نوجوانوں کو شکست دے کر مقابلہ اپنے نام کر لیا ہے۔ اشرف نے امید ظاہر کی کہ "یہ میری کامیابی کا پہلا قدم ہے، میں مستقبل میں مصنف بننا چاہوں گا مجھے انگریزی میں آزاد نظم اور نثری نظم دونوں کہنا پسند ہیں اور میری نظم کی اشاعت سے میری تحریروں میں مزید اعتماد پیدا ہوگا بلکہ میں نے ابھی سے مستقبل میں ناول لکھنے کا اراداہ بھی کر لیا ہے۔"