لاہور: پاکستان سپر لیگ 8 کی افتتاحی تقریب میں موسیقی کا تڑکا لگایا جائے گا۔

پاکستان سپر لیگ (پی ایس ایل) کے آٹھویں ایڈیشن کی افتتاحی تقریب میں موسیقی کا تڑکا لگایا جائے گا جب کہ نئے ایڈیشن کا اینتھم ریکارڈ کروانے والے گلوکار عاصم اظہر، شائے گِل اور فارس شفیع کے ساتھ آئمہ بیگ اور ساحر علی بگا بھی آواز کا جادو جگائیں گے، تقریب شام 6بجے شروع ہوگی۔

ایونٹ کا پہلا میچ دفاعی چیمپئن لاہور قلندرز اور میزبان ملتان سلطانز کے مابین کھیلا جائے گا، دونوں ٹیموں نے گذشتہ ایونٹ کا فائنل بھی کھیلا تھا۔

واضح رہے کہ پاکستان سپر لیگ (پی ایس ایل) کے آٹھویں ایڈیشن کیلئے لاہور کے تاریخی شالامار باغ میں ٹرافی کی رونمائی کی گئی۔ اس تقریب میں پاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی، کرکٹر شعیب ملک، شان مسعود کے ساتھ معین خان، عاقب جاوید، فرنچائز مالکان اور اعلیٰ عہدداران شریک تھے۔

کراچی: این ای ڈی یو نی ورسٹی میں شعبہ سول کی توسیع اور کمپیوٹر سسٹم اینڈ انفارمیشن کی عمارت کا افتتاح کردیا گیا۔

افتتاحی تقریب مسے خطاب کرتے ہوئےوفاقی وزیر برائے پلاننگ اینڈ ڈیولپمنٹ پروفیسر احسن اقبال چوہدری کاکہنا تھاکہ جامعہ این ای ڈی پاکستان کی عظیم جامعہ ہے جو کہ آپ انجینئرز کی صورت میں ناصرف تعلیمی بلکہ ملکی ترقی میں بھی کردار ادا کررہی ہے، آپ انجینئر نوجوان اس صوبے ہی کا نہیں پاکستان کا مستقبل ہیں،انجینئرنگ کے بغیر ملکی ترقی ممکن نہیں، پروفیسر ڈاکٹر سروش لودھی کی قیادت میں این ای ڈی دن بہ دن ترقی کررہی ہے جو کہ دیگر جامعات کے لیے مثالی نمونہ ہے۔
انہوں نے مزید کہا کہ کہ انجینئرنگ کے بغیر ملکی ترقی ممکن نہیں،آپ انجینئرنوجوان اس صوبے ہی کا نہیں پاکستان کا مستقبل ہیں ڈاکٹر سروش لودھی اور ان کی ٹیم کو مبارک باد دیتا ہوں جو بہترین انداز سے جامعہ چلارہے جامعہ این ای ڈی پاکستان کی عظیم جامعہ ہے جو ناصرف تعلیمی بلکہ ملکی ترقی میں بھی کردار ادا کررہی ہے

شیخ الجامعہ این ای ڈی پروفیسر ڈاکٹر سروش حشمت لودھی کا استقبالیہ سے خطاب کرتے ہوئے کہنا تھا کہ وفاقی حکومت اور ہائر ایجوکیشن کمیشن کاممنون ہوں۔ ان کا کہنا تھا کہ تعلیم دوستی ہی ملک سے دوستی ہے۔ جامعہ سو برس سے انجینئرز کی صورت میں ملک کو دوست اور مستقبل فراہم کررہی ہے اور کرتی رہے گی۔

افتتاح کے موقعے پرصدر آئی پی فرحت عادل، چیٔرمین آئی ای پی سہیل بشیر، ریجنل ڈائریکٹر ایچ ای سی سندھ جاوید علی میمن، سیکریٹری آئی ای پی انجینئر امیر ضمیر اور پرووائس چانسلر پروفیسر ڈاکٹر محمد طفیل، رجسٹرار سید غضنفر حسین، ڈائریکٹر سروسز وصی الدین، ڈپٹی رجسٹرار خالد مخدوم، کنٹرولر اسٹوڈنٹ افئیرز ڈاکٹر علی حسن اور ایکٹنگ ڈائریکٹر پلاننگ اینڈ ڈیولپمنٹ اشفاق احمد خان موجود تھے۔

جامعہ ترجمان فروا حسن کے مطابق 750.697 ملین کی لاگت سے تعمیرشدہ شعبہ سول اور شعبہ کمپیوٹر انفارمیشن کی عمارات کے افتتاح سمیت وفاقی وزیر برائے پلاننگ اینڈ ڈیولپمنٹ احسن اقبال چوہدری کوفائر ٹیسٹنگ لیب سمیت این ای ڈی کی تیار کردہ الیکٹر ک بائیکز بھی دکھائی گئیں.

لاہور: قومی کرکٹ کے کپتان بابراعظم نے ورلڈکپ کا خواب آنکھوں میں سجالیا۔

قومی کرکٹ کے کپتان بابر اعظم عالمی ون ڈے رینکنگ میں نمبر ون اور مسلسل 2 بار سال کے بہتر پلیئر کا ایوارڈ اپنے نام درج کرواچکے ہیں۔

آئی سی سی کو انٹرویو میں انھوں نے کہا کہ میں رواں سال بھارت میں ہونے والے ورلڈکپ میں نہ صرف عمدہ کارکردگی کا سلسلہ جاری رکھنے کیلیے پْر عزم ہوں بلکہ ٹائٹل بھی جیت کر عمران خان کی طرح تاریخ رقم کرنا چاہتا ہوں۔

بابر نے کہا کہ میگا ایونٹ سے قبل ہمیں کافی ون ڈے میچز کھیلنے کو مل رہے ہیں،ممکنہ پلیئنگ الیون نظروں میں ہے مگر کسی بھی ہدف کی جانب اچانک نہیں بڑھ سکتے،ایک ایک کرکے قدم اٹھانا پڑے ہیں،اس کیلیے سخت محنت اور پلاننگ کی ضرورت ہوگی۔ مجھے پوری امید ہے کہ ورلڈکپ سے قبل میزبان ملک بھارت کی کنڈیشنز کو پیش نظر رکھتے ہوئے ہم ایسا متوازن اسکواڈ تشکیل دینے میں کامیاب ہوجائیں گے جو توقعات کے مطابق کارکردگی پیش کرسکے۔

انھوں نے کہا کہ کوئی بھی ٹائٹل جیتنے کیلیے مسلسل عمدہ پرفارم کرنے کی ضرورت ہوتی ہے، ہم اس کیلیے بھرپور تیاری کرتے ہوئے میدان میں اتریں گے۔

یاد رہے کہ رواں سال اکتوبر میں شروع ہونے والے ورلڈکپ سے قبل پاکستانی کرکٹرز پی ایس ایل میں وائٹ بال کرکٹ کھیلیں گے، گرین شرٹس کو اپریل، مئی میں نیوزی لینڈ کیخلاف ہوم سیریز میں 5ون ڈے میچز کھیلنے کا موقع ملے گا،افغانستان کیخلاف 3ٹی ٹوئنٹی یواے ای میں ہوں گے۔

ستمبر میں ایشیا کپ بھی 50اوورز فارمیٹ کا ہے جس میں تیاریوں کو جانچنے اور اسکواڈ کو حتمی شکل دینے کا آخری موقع ہوگا۔

ویب ڈیسک: مائیکروبلاگنگ ویب سائٹ ٹوئیٹر نے ٹوئیٹ کےلئےلفظوں کی تعداد بڑھادی۔

تفصیلات کے مطابق ٹوئیٹرپر صارفین اب4000الفاظ تک ٹوئیٹ کرسکیں گے۔

تاہم، اس فیچر کو استعمال کرنے کے لیے ٹوئٹر کے پریمیم بلیو ٹائر کا سبسکرائبر ہونا ضروری ہے۔ اوہ، اور دوسرے ممالک میں امریکی لوگوں میں واقع ہونے کے امکان کو جلد ہی طویل ٹویٹس پوسٹ کرنے کا اختیار ملے گا۔

کمپنی نے گزشتہ روزاپنی ایک پوسٹ میں کہاہے کہ ـ"جبکہ صرف بلیو سبسکرائبر طویل ٹویٹس پوسٹ کر سکتے ہیں، کوئی بھی اور ہر کوئی انہیں پڑھ سکتا ہے۔" "آپ ایک طویل ٹویٹ کا جواب دے سکتے ہیں، ریٹویٹ کر سکتے ہیں اور ٹویٹ کا حوالہ دے سکتے ہیں، چاہے آپ ٹویٹر بلیو کے سبسکرائبر ہیں یا نہیں۔ سبسکرائبرز 4,000 حروف کے ساتھ ٹویٹ کا جواب اور حوالہ دے سکیں گے۔

اس تبدیلی سے پلیٹ فارم پر کم تھریڈز نمودار ہوں گے، کیونکہ لمبے لمبے میوزک کو اب چھوٹے ٹویٹس میں نہیں توڑنا پڑے گا۔

نوٹ ایپ میں لمبی پوسٹوں کو ٹیپ کرنے اور پھر اسکرین شاٹ لینے اور اسے پوسٹ کرنے کا شوق رکھنے والوں کے پاس اب مواد کا اشتراک کرنے کا زیادہ موثر آپشن ہے۔

یہ نوٹ کرنا ضروری ہے کہ اگر کوئی 240 حروف سے زیادہ کی ٹویٹ پوسٹ کرتا ہے، تو اس کا پورا حصہ آپ کے فیڈ میں ظاہر نہیں ہوگا۔ اس کے بجائے، ایک "مزید دکھائیں" بٹن ہوگا جسے آپ باقی ٹویٹ دیکھنے کے لیے منتخب کر سکتے ہیں۔

پاکستان سپر لیگ کے سیزن 8 کی فرنچائز کوئٹہ گلیڈی ایٹرز نے اپنی آفیشل جرسی کی رونمائی کردی۔

ٹوئٹر پر کوئٹہ گلیڈی ایٹرز کے اکاؤنٹ سے ایک ویڈیو جاری کرتے ہوئے آفیشل جرسی کی رونمائی کی گئی ہے۔

ویڈیو میں کپتان سرفراز کیلئے تیار کی گئی جرسی کو نمایاں کیا گیا ہے۔ رواں سیزن کیلئے بھی کوئٹہ گلیڈی ایٹرز کی جرسی میں پرپل اور پیلا رنگ نمایاں ہے۔

کوئٹہ گلیڈی ایٹرز نے ویڈیو کے ساتھ کی گئی ٹوئٹ میں لکھا کہ گلیڈی ایٹرز اس جرسی کو پہن کر میدان میں اتریں گے اور اپنے کھوئی شان کو حاصل کرنے کیلئے لڑیں گے۔

فرنچائز کے اکاؤنٹ سے جرسی سے متعلق شائقین کی رائے بھی طلب کی گئی ہے۔

کراچی: اعلیٰ ثانوی تعلیمی بورڈ کراچی نے انٹرمیڈیٹ حصہ اول، حصہ دوم اور حصہ اول و دوم باہم آرٹس پرائیویٹ اور کامرس پرائیویٹ گروپس کے سالانہ امتحانات برائے 2023ء میں شرکت کے خواہشمند امیدواروں کیلئے امتحانی فارم جمع کروانے کی تاریخوں کا اعلان کردیا ہے۔

ان امتحانات میں شرکت کے خواہشمند تمام امیدوار اپنے امتحانی فارم بروز جمعہ 10 فروری سے بروز منگل28 فروری تک بورڈ آفس لائبریری میں واقع یونائیڈ بینک لمیٹڈ (UBL) کے بوتھ میں جمع کرواسکتے ہیں۔

ایسے امیدوار جو مقررہ تاریخوں تک اپنے امتحانی فارم نہیں جمع کرواسکیں وہ 500 روپے لیٹ فیس کے ساتھ بروز بدھ یکم مارچ سے 15 مارچ تک جبکہ ایک ہزار روپے لیٹ فیس کے ساتھ بروز جمعرات 16مارچ سے 30مارچ 2023ء تک اپنے امتحانی فارم جمع کرواسکتے ہیں۔

تمام طلبہ اپنے امتحانی فارم کی تصدیق گریڈ 17کے گزیٹڈ افسرسے کروانے کے پابند ہیںجبکہ طلباء جمع کرائی گئی فیس کا واؤچر اور اپنا امتحانی فارم شیڈول کے مطابق دی گئی تاریخوں میں بورڈ آفس کی انکوائری میں جمع کروانے کے پابند ہوں گے بصورت دیگر ان کا فارم قبول نہیں کیا جائے گا اور فیس ضبط کرلی جائے گی۔

طلبہ امتحانی فارم، فیس واؤچر اور اسپیشل چانس کا پروفارما بورڈ کی ویب سائٹ www.biek.edu.pk  سے ڈاؤن لوڈ کرسکتے ہیں

لندن: بین الاقوامی ماہرین کی ایک ٹیم نے سائنسی سروے کے بعد کہا ہے کہ جلد یا بدیر دنیا بھرمیں گلیشیئر پگھلنے سے لگ بھگ ڈیڑھ کروڑ افراد خطرے کی حد تک متاثر ہوسکتے ہیں جن میں ایک تہائی (50 لاکھ) افراد پاکستان اوربھارت میں رہائش پذپرہیں۔

نیوکاسل یونیورسٹی کی نگرانی میں بین الاقوامی ماہرین نے ایک نقشہ بنایا ہے جہاں گلیشیئر پگھلنے یا گلیشیائی جھیل یکلخت پھٹنے ( جی ایل او ایف) سے کرہِ ارض پر ڈیڑھ کروڑ افراد متاثر ہوسکتے ہیں۔ ان میں سے نصف تعداد صرف چار ممالک میں بستی ہیں۔

اوسط درجہ حرارت بڑھ رہا ہے، اور گلیشیئر گھل کر پگھل رہے ہیں۔ پانی بھرے ان قدرتی پہاڑوں کے پگھلاؤ سے ان کے آگے آبی ذخائر جمع ہونے سے ایک جھیل سی بن جاتی ہے۔ پھر ایک وقت ایسا آتا ہے کہ یکلخت مزید پگھلاؤ شروع ہوتا ہے۔ اس سے پانی 120 کلومیٹر دور تک جاسکتا ہے اور اپنے راستے میں آبادیوں، فصلوں اور مویشیوں سمیت انفراسٹرکچر کو تباہ کرسکتا ہے۔ اس کا مظاہرہ پاکستان میں بھی دیکھا جاسکتا ہے۔

1990 کے بعد سے دنیا بھر میں گلیشیائی جھیلوں میں اضافہ ہوچکا ہے اور محققین نے اس ضمن میں 1000 سے زائد گلیشیائی جھیلوں کا مشاہدہ کیا ہے۔ پھر اس سے 50 کلومیٹر دائرے میں رہنے والی آبادی کودیکھا ہے۔ اس کے علاوہ تعمیرات اور وسعت وغیرہ پر بھی غور کیا ہے۔ جو آبادی گلیشیئر سے جتنا قریب ہوگی وہ یکساں خطرے میں ہوگی۔ یوں تحقیق میں کہا گیا ہے کہ خطرناک گلیشیئر کے 50 کلومیٹر قربت میں رہنے والے افراد اس سے زیادہ متاثر ہوسکتے ہیں۔

ان ممالک میں ایشیا کے پہاڑی علاقے سرِفہرست ہیں جن میں تبت سے کرغزستان اور چین تک کے علاقے شامل ہیں۔ یہاں 9 کروڑ 30 لاکھ افراد خطرے میں ہیں جبکہ ایک تہائی افراد پاکستان اور ہندوستان میں بستے ہیں جو گلیشیئر کے راستے میں رہ رہے ہیں۔

یہ تحقیق سائنسی جریدے نیچر میں شائع ہوئی ہیں جن میں چین، پیرو، پاکستان اور ہندوستان سرِفہرست ہیں۔ سائنسدانوں نے اس ضمن میں منصوبہ بندی اور دیگر احکامات پر بھی زور دیا ہے۔

لاہور: پاکستان کرکٹ ٹیم کے وکٹ کیپر و بیٹرمحمد رضوان نے کیویز کے خلاف سرفراز احمد کوٹیم اپنی جگہ دینے کی حمایت کردی۔

محمد رضوان نے نئی مثال قائم کرتے ہوئےکہا ہے کہ’میری پرفارمنس اچھی نہیں کیویزکیخلاف سرفراز کو کھلائیں‘‘.

پاکستان کرکٹ کی سب سے بڑی ویب سائٹ www.cricketpakistan.com.pk  کو خصوصی انٹرویو میں نیوزی لینڈ کیخلاف ٹیسٹ سیریز میں ٹیسٹ کم بیک کرنے والے سرفراز احمد کی کارکردگی پر خوش ہونے کے سوال پر وکٹ کیپر بیٹر محمد رضوان نے کہا کہ اس کا جواب میں نہ دوں تو بہتر ہوگا،میرے منہ سے یہ بات سنیں تو عجیب لگے گا، یہی بات آپ ہیڈ کوچ یا کپتان سے پوچھیں کہ میں نے ان سے کیا کہا تھا، انگلینڈ کی سیریز ختم ہوئی تو نیوزی لینڈ سے میچز کیلیے مینجمنٹ سے کیا بات کی تھی،خوشی اس لیے ہوئی کہ میں چاہتا تھا کہ سرفراز پرفارم کریں۔

انہوں نے مزید کہا کہ مجھ سے پرفارم نہیں ہورہا، میرا حق نہیں بنتا کہ ٹیسٹ میچ کھیلوں، اس طرح کا وقت تو ہر کسی کے کیریئر میں آتا ہے،پرفارمنس ایسی نہیں کہ آپ نہ کھیلو،میں نے کہا کہ میرا حق نہیں بن رہا اور سیفی بھائی ایک عرصے سے محنت اور پرفارم کررہے ہیں، مجھے لگتا ہے کہ ان کو موقع دینا چاہیے۔

لاہور: پاکستان سپر لیگ کے آٹھویں ایڈیشن کیلئے ٹرافی کی رونمائی کردی گئی۔

لاہور کے تاریخی شالیمار باغ میں ہونے والی ٹرافی کی رونمائی کی تقریب میں پاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی، فرنچائز مالکان اور اعلیٰ عہدداران شریک تھے۔

حکام کا کہنا ہے کہ 25 قیراط سونے کے استعمال کے ساتھ نئی ٹرافی پہلے سے زیادہ دیدہ زیب تیار کی گئی ہے جبکہ سیزن سیون میں استعمال کی گئی ٹرافی دوبارہ نہیں پیش کی جائے گی اور یہ دفاعی چیمپئن لاہور قلندر کے پاس ہی رہے گی۔

واضح رہے کہ پاکستان سپر لیگ (پی ایس ایل) کا آغاز 13 فروری سے ملتان میں ہوگا جبکہ 19 مارچ کو ایونٹ کا فائنل کھیلا جائے گا۔

کراچی: وزیراعلیٰ سندھ مراد علی شاہ نےسینٹ جوزف کانونٹ اسکول کی پرنسپل سینئر الزبتھ نعمت سےملاقات کی ۔

ملاقات کےدوران پرنسپل نے اسکول کی عمارت اور اندر کی سڑک کی مرمت کے لئے وزیراعلیٰ سندھ کو لیٹر دیا۔

وزیراعلیٰ سندھ سید مراد علی شاہ کاکہنا تھا کہ سینٹ جوزف کانونٹ اسکول کی عمارت ورثہ ہے،سینٹ جوزف کانونٹ اسکول کی عمارت 100 سال پرانی ہے۔

انہوں نے اسکول کے اندر کی سڑک بنانے کی ہدایت جاری کرتے ہوئے کہاکہ محکمہ ورثہ سے اسکول کی مرمت کروائیں گے اوراسکول کی عمارت کی بہترین مرمت کرائیں گے۔