ایمز ٹی وی (کراچی) : تحریکِ انصاف نے قومی اسمبلی کے حلقہ این اے دوچھیالیس میں متفقہ امیدوار لانے کیلئے کوششیں تیزکردی ہیں ، تحریک انصاف کے رہنما کا کہنا تھا کہ جماعت اسلامی پی ٹی آئی کے حق میں اپنے میدوار سے دستبردار ہوجائے۔

کراچی کے ضمنی انتخاب میں کانٹے کا مقابلہ متوقع ہے، ایم کیوایم کو ان ہی کے گڑھ سے شکست دینے کیلئے تحریکِ انصاف اور جماعت اسلامی نے انتخابی مہم تیز کردی ہیں۔

تحریک انصاف کے رہنماء نعیم الحق نے کہا ہے جماعت اسلامی حلقہ این اے دوچھیالیس سے تحریکِ انصاف کے حق میں اپنے امیدوار سے دستبردار ہوجائے۔

جماعتِ اسلامی کے ترجمان کا کہنا ہے کہ سیاسی جماعتوں کے رہنماؤں میں ملاقاتیں ہوتی رہتی ہیں لیکن این اے دوچھیالیس پر تحریک انصاف کے ساتھ سیٹ ایڈجسمنٹ کا فیصلہ ابھی نہیں ہوا ہے۔۔

ایمزٹی وی (آسلام آباد) قومی ایکشن پلان کے تحت پینسٹھ دہشتگردوں کو پھانسی پر لٹکایا گیا اور چونتیس ہزار سے زائد مشتبہ افراد کو حراست میں لیا گیا، وزیرِاعظم کو رپورٹ پیش کر دی گئی۔

دہشتگردوں کے خلاف قومی ایکشن پلان پر عملدرآمد کی رپورٹ وزیرِاعظم کو پیش کردی گئی، جس کے مطابق دہشتگردی میں ملوث پیسٹھ افراد کو پھانسی دی گئی اور مختلف الزامات میں چونتیس ہزار پانچ سترہ افراد کو گرفتار کیا گیا۔

رپورٹ کے مطابق سیکورٹی ایجنسیوں نے ملک بھر میں تیس ہزار تین سو چودہ آپریشن کئے ہیں، جن کے دوران پنجاب سے دوہزار آٹھ سو ستر، سندھ سے سات ہزار ایک سو ترسٹھ ، خیبر پختونخوا سے انیس ہزار آٹھ سو اٹھانوے، بلوچستان سے تین ہزار پانچ سو چھبیس، اسلام آباد سے سات سو ترسٹھ ، آزاد کشمیر سے نو، گلگت بلتستان سے ایک سو تین جبکہ فاٹا سے ایک سو پچاسی افراد کو گرفتار کیا گیا ہے ۔

رپورٹ میں بتایا گیا ہے کہ لاؤڈ اسپیکر ایکٹ کے تحت چار ہزار ارسٹھ افراد کو گرفتار کیا گیا، بیس ہزار چوبیس افغان مہاجرین کو ڈی پورٹ کیا گیا ہے۔

ہنڈی کے ذریعے رقم منتقل کرنے پر چونسٹھ مقدمات درج کرکے تراسی افراد کو گرفتار کیا گیا۔

ایمز وی (آسلام آباد) پارلیمنٹ کے مشترکہ اجلاس میں آج یمن کی صورتِحال پر قرارداد پیش کیے جانے کا امکان ہے، پارلیمنٹ کا مشترکہ اجلاس آج  صبح ٹٰیساڑھےدس بجے ہوگا۔

سعودی عرب فوج جائیگی یا نہیں پارلیمنٹ کے مشترکہ اجلاس میں آج قرارداد پیش کیے جانے کا امکان ہے، ذرائع کے مطابق اسپیکر نے صبح دس بجے پارلیمانی جماعتوں کے رہنماؤں کو مشاورت کے لیے بلایا ہے۔

جس میں متفقہ قرارداد کا مسودہ تیار کیا جائے گا، حکومت کا مؤقف ہے کہ پارلیمنٹ میں یمن کے معاملے پر اتفاق رائے قائم کیا جائیگا۔

ذرائع کا کہنا ہے کہ مشترکہ اجلاس میں وزیرِاعظم نواز شریف کا پالیسی بیان بھی متوقع ہے۔

گزشتہ روز یمن کی کشدہ صورتحال پر پارلیمنٹ میں انتہائی اہم اجلاس ہوا، جس میں سیاسی رہنماوں نے اپنے خیالات کا اظہار کیا۔

وزیرِ دفاع خواجہ آصف نے پارلیمنٹ کے باہر میڈیا سے گفتگو کرتے ہوئے کہا کہ پاکستان کا کردار صلح کرانے والا ہے، پاکستان پیپلز پارٹی کے رہنما رحمان ملک کا کہنا تھا کہ یمن کے معاملے پر فریق نہیں رفیق بننا ہوگا۔

آفتاب احمد شیر پاؤ کا کہنا تھا کہ یمن کے معاملے پر فوجی طاقت کے بجائے سیاسی طاقت سفارتی طریقہ کار اپنایا جائے ، ان کا کہنا تھا کہ یمن کے مسئلے کے اثرات پورے خطے پر پڑ رہے ہیں

ایمز ٹی وی (کراچی) این اے 246 کی سیٹ نبیل گبول کے استعفے کے بعد خالی ہوئی تھی وہ اس نشست پر 2013 کے عام انتخابات میں ایم کیو ایم کے ٹکٹ پر منتخب ہوئے تھے اور پارٹی سے اختلافات کے نتیجے میں انہوں نےاس نشست سے استعفیٰ دے دیا تھا۔

گزشتہ روز عمران خان کی ریلی کے موقع پر بھی گبول نے ان کو مبارک باد پیش کی تھی کہ ان کے این اے 246 سے الیکشن میں حصہ لینے کے فیصلے نے ایم کیو ایم کودفاعی اقدامات کرنے پر مجبور کردیا ہے۔۔